20-26 ka Janeiro
MASALMO 138-139
Ndando 93 ni mkombelo | Mapswi o khata (1 men.)
1. U nga leke dizowa di kutsivela kuxamula mitshanganoni
(10 men.)
Hi lava kudhumisa Jehovha ngu mbilu yathu yotshe (Mas 138:1)
Ngaku u txi tipfa u txi thava kuxamula ka mitshangano, themba ti to Jehovha a na kuvhuna (Mas 138:3)
Dizowa ti nga va txikombiso txa txinene (Mas 138:6; w19.01 10 ¶10)
MAWONELO: Kuningela tixamulo to koma ti nga kuvhuna ku u pumba kuthava.—w23.04 21 ¶7.
2. Tithomba ta moya
(10 men.)
-
Mas 139:21, 22—Ina ta sunga ku Makristu me divalela votshe vathu? (it-1 862 ¶4)
-
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?
3. Kulera ka Bhiblia
(4 men.) Mas 139:1-18 (th gondo 2)
4. Kukhata mabhulo
(3 men.) KUTXHUMAYELA HAKUBASANI. (lmd gondo 2 pontu 3)
5. Maha vagondiswa
(4 men.) KUTXHUMAYELA HAKUBASANI. Kombisa ati yi mahiswako tona gondo ya Bhiblia. (lmd gondo 10 pontu 3)
6. Dhixkursu
(5 men.) ijwyp gondo 105—Msungo mhaka: Hi nga kuxulisa kutxani kuthava? (th gondo 16)
Ndando 59
7. U nga humelela ka mthumo wo txhumayela ti si nga ni mhaka ni kuthava
(15 men.) Mabhulo.
Ina u ti wona u di m’thu wa dizowa? Ina wa talisela kuthava ngaku u txi lava kuwombawomba ni vathu? Yimwani mbimo, kuthava ku nga hi vhalela kumaha timhaka ti hi ti dhundako. Hambiketo, vavangi ava va lwisanako ni kuthava va sikota kuwombawomba ni vamwani mayelano ni Bhiblia ni ku va ti dhunda kutxhumayela. Hi nga gonda txani ka txikombiso txawe?
Txhaya VHIDHIYO Na maha totshe ati ni nga ti kotako ti si nga ni mhaka ni kuthava. U gwita u wotisa tiya:
-
Mwanathu Laura a wuyelisilwe kutxani ngu kuthumisa txialakanyiso txa vhovho wakwe txo maha “totshe ti a nga ti kotako ka mthumo wa Jehovha”?
Bhiblia yi kombisa ti to Mosi, Jeremiya ni Timoti ti ti komba nga ni vona va lwisanile ni kuthava. (Eks 3:11; 4:10; Jer 1:6-8; 1Tim 4:12) Hambiketo va si koti kumaha to tala ka mthumo wa Jehovha nguku a txi va seketela. (Eks 4:12; Jer 20:11; 2Tim 1:6-8)
Lera Isaya 43:1, 2. U gwita u wotisa tiya:
-
Ngu tihi ati Jehovha a ti thembisako ka malanda akwe?
Jehovha a nga va vhunisa kutxani ava va ku ni dizowa ti to ve humelela ka mthumo wo txhumayela?
Txhaya VHIDHIYO Ngu kutxani bhabhatiso yi txi kumaha u mana litsako—Txienge txo koma. U gwita u wotisa tiya:
-
Mwanathu Loraini a wu pfisile kutxani mtamo ni txivhuno txa Jehovha ka mthumo wo txhumayela?
-
Mthumo wo txhumayela wu nga mvhunisa kutxani m’thu wa dizowa?
8. Gondo ya Bhiblia ya dibanza
(30 men.) w20.04 gondo 4 ¶10-16, ni siwotiso so wuseta
