22-28 ka Janeiro
JOBE 38-39
Ndando 11 ni mkombelo | Mapswi o khata (1 men.)
1. Ina wa tininga mbimo yo xolisisa mtumbuluko?
(10 men.)
Msana ko vanga sotshelele Jehovha ati ningile mbimo yo xolisisa mthumo wa manza akwe (Gen 1:10, 12; Job 38:5, 6; w21.08 9 ¶7)
Tingelozi ti ti ningile mbimo yo xolisisa mtumbuluko wa Jehovha (Job 38:7; w20.08 14 ¶2)
Hi nga tsanisa themba yathu ka Jehovha ngako hi txi ti ninga mbimo yo xolisisa mtumbuluko (Job 38:32-35; w23.03 17 ¶8)
2. Tithomba ta moya
(10 men.)
-
Job 38:8-10—Mavhersikulo yawa ma hi gondisa txani mayelano ni Jehovha kota m’veki wa milayo? (it-2 222)
-
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?
3. Kulera ka Bhiblia
(4 men.) Job 39:1-22 (th gondo 5)
4. Kukhata Mabhulo
(2 men.) KUTXHUMAYELA NGU TXITSHUKETI. Vhala mabhulo ngu nzila ya yinene ngako u txi tumbula ti to nyamne wa mti kha tsakeli dibhulo. (lmd gondo 2 pontu 3)
5. Simama ni Mabhulo
(5 men.) NGU MTI NI MTI. Ka mabhulo ya ma nga pinda nyamne wa mti a ku gete ti to a luzile dixaka dakwe. (lmd gondo 9 pontu 3)
6. Dhixkursu
(5 men.) lmd apendisi A pontu 1—Msungo mhaka: Simahakalo ni mahanyelo a ngweno si kombisa ti to kutxitxa ko kari ku hafuhi. (th gondo 16)
Ndando 111
7. Kuwonisisa mtumbuluko ta hi vhuna ku khumbula totshe ati ti patekako
(15 men.) Mabhulo.
Mbimo yi Jobe a nga txi wukelwa ngu vangana vakwe vo biha va vararu kumweko ni Sathani, ene a tipfite a di karatekile ngu kona ha ka sikarato a si a nga ti wonisana naso ni mapswi a sisolo a vangana vakwe.
Lera Jobe 37:14. Ngu msana, wotisa vaengiseli:
Nji txani a txi Jobe a nga ti fanete ku txi maha kasi ku wuseta litsako lakwe ngu didhawa da moya?
Mbimo yi hi ti pfako hi di karatekile ngu kona ha ka siduko a si hi tshanganako naso, kuxolisisa mtumbuluko ti nga hi vhuna kukhumbula wuhombe wa Jehovha, kutsanisa minavelo yathu yo simama hi di thembekile kwakwe, ni kutsanisa themba yathu ka wusikoti a wu a ku nawo wo hi khatalela.—Mat 6:26.
Txhaya VHIDHIYO ayi yi ku Tigondo ta dibhuku da Jobe—Wu vangi wa sihari. U gwita u wotisa vaengiseli:
Vhidhiyo yi ya yi tsanisile ngu nzila muni themba ayi u ku nayo ka Jehovha?
8. Gondo ya Bhiblia ya dibanza
(30 men.) lff gondo 57
