6-12 ka Maio
MASALMO 36-37
Ndando 87 ni mkombelo | Mapswi o khata (1 men.)
1. “U nga henye ngu mhaka ya vale va mahako kubiha”
(10 men.)
Vabihi va hi maha hi pfa kupanda ni kuxaniseka (Mas 36:1-4; w17.04 10 ¶4)
Kunavelela to biha ‘vathu vo biha’ ti nga hi maha hi karateka (Mas 37:1, 7, 8; w22.06 10 ¶10)
Kuthemba sithembiso sa Jehovha ti hi ninga kurula (Mas 37:10, 11; w03 1/12 13 ¶20)
TI WOTISE TIYA, ‘Ina na veka mapimo ka madungula aya ma kombisako mazunga mwendo wugevenga?’
2. Tithomba ta moya
(10 men.)
-
Mas 36:6—M’bhali wa masalmo a txi lava kuwomba txani mbimo yi a nga fananisa kululama ka Jehovha ni “mimango”? (it-2 445)
-
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?
3. Kulera ka Bhiblia
(4 men.) Mas 37:1-26 (th gondo 10)
4. Kukhata mabhulo
(3 men.) NGU MTI NI MTI. (lmd gondo 1 pontu 5)
5. Simama ni mabhulo
(4 men.) KUTXHUMAYELA NGU TXITSHUKETI. Ningela gondo ya Bhiblia ka m’thu wu a nga lamba kugonda masiku msana. (lmd gondo 9 pontu 4)
6. Dhixkursu
(5 men.) ijwbv 45—Msungo mhaka: Ngu yihi txhamuselo ya Masalmo 37:4? (th gondo 13)
Ndando 33
7. Ina wa ti lulamisela kuwonisana ni ‘timbimo to pandiseka’?
(15 men.) Mabhulo.
Ngu kona ha ka tiphango ta mtumbuluko ni to mahwa ngu vathu, vanathu hamafuni kotshe va luzekelwa ngu silo sawe mwendo ngu maxaka. (Mas 9:9, 10) Txa kwa mbi tsakisa ngu ti to ‘timbimo ta kupandiseka’ ti nga humelela hi sa ti rinzela, ngu toneto hi fanete kuzumba hi di ti lulamisete kasi kuwonisana ni siemo soneso.
Hahanze ko ti lulamisela ngu didhawa da nyama a ngu tihi ti nga hi vhunako kuwonisana ni tiphango?
-
Lulamisela mialakanyo yako: Tumela ti to phango ya humelela ni ku alakanyisisa ngu ti u nga ti mahako ngako yi txi humelela. Vayilela kudhunda ngutu tithomba. Eto ti na kuvhuna ku ngu wutxhari u veka wutomi wako ni kuvhikeleka ka wukhalo wo khata ka wutomi wako. (Gen 19:16; Mas 36:9) Kambe ngako u si dhundi ngutu tithomba, eto ti na kuvhuna ku u si karateki msana ko luza sotshe ka phango.—Mas 37:19
-
Ti lulamisele ngu didhawa da moya: Sakulela kuthemba wusikoti ni kunavela ka Jehovha ko ku khatalela. (Mas 37:18) Yi si se humelela phango khumbula ti to Jehovha a na kongomisa ni kukhatalela malanda akwe, hambi ti txo la hi salelwa ngu ‘wutomi’ dwe.—Jer 45:5; Mas 37:23, 24
Ngako hi txi veka sithembiso sa Jehovha ka mialakanyo yathu, ene a nava “wuthavelo ka timbimo ta sikarato.”—Mas 37:39.
Txhaya VHIDHIYO ayi yi ku Ina u tiemisete kuwonisana ni tiphango ta mtumbuluko? U gwita u maha siwotiso siya:
-
Jehovha a nga hi vhuna ngu nzila muni ka timbimo ta tiphango?
-
Ngu tihi ti hi nga ti mahako ngu kukongoma kasi ku ti lulamisela?
-
Hi nga va vhuna ngu nzila yihi ava va nga welwa ngu tiphango?
8. Gondo ya Bhiblia ya dibanza
(30 men.) w20.01 gondo 4 ¶1-6
