27 ka Maio kala 2 ka Junho
MASALMO 42-44
Ndando 86 ni mkombelo | Mapswi o khata (1 men.)
1. Thumisa kwati mkongomiso awu hi wu manako
(10 men.)
Londola yotshe mikhanjo kasi ku khozela Jehovha kumweko ni vamwani (Mas 42:4, 5; w06 1/6 9 ¶4)
Maha mkombelo u si se gonda Dipswi da Txizimu (Mas 42:8; w12 15/1 15 ¶2)
Tumelela ti to Bhiblia yi ku kongomisa ka totshe ati u ti mahako (Mas 43:3)
Mkongomiso wa Jehovha wa hi tsanisa kasi ku hi tsanisela sikarato ni kusimama hi hetisisa txithembiso txathu txo thumela Jehovha ngu ha ku si gumiko.—1Ped 5:10; w16.05 9 ¶11-12.
2. Tithomba ta moya
(10 men.)
-
Mas 44:19—Ma txhamusela txani mapswi ya ma ku “wukhalo wa dragoni [mwendo maxolwa]”? (it-1 1242)
-
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?
3. Kulera ka Bhiblia
(4 men.) Mas 44:1-26 (th gondo 11)
4. Kukhata mabhulo
(4 men.) NGU MTI NI MTI. Ningela gondo ya Bhiblia. (lmd gondo 5 pontu 5)
5. Simama ni mabhulo
(5 men.) NGU MTI NI MTI. Ramba nyamne wa mti kasi ku e ta xalela dhixkursu ya mtshangano awu wu londiselako. Womba-womba ngu vhidhiyo ayi yi ku Ku mahwa txani Nyumbani ya Mfumo? (lmd gondo 7 pontu 5)
6. Dhixkursu
(3 men.) lmd apendisi A pontu 4—Msungo mhaka: Hotshethu hi na ta va ni dihanyo da dinene. (th gondo 2)
Ndando 21
7. Maha sisungo sa wutxhari mayelano ni mthumo ni txikolwa
(15 men.) Mabhulo.
Majovhem, ina ma maha makungo ya ti mi no ti maha msana ko heta txikolwa? Ti nga maha se u txi pimisa ngu mthumo awu wu no ku tumelela kuva nyaphandule. Mwendo ti nga maha u txi pimisa ngu kugondela wusikoti wo kari awu wu nga kuvhunako kumana mthumo. Eyo i mbimo ya lisima ngutu ka wutomi wako. Hambi keto u nga jujeka mapimo ngu ku va ni ta tingi to ti sawula mwendo ngu mkuzetelo awu u nga wu manako kasi kumaha txisungo atxi txi tsakisako vamwani. Nji txani txi nga kuvhunako kumaha sisungo sa wutxhari?
Lera Matewu 6:32, 33. U gwita u wotisa siwotiso siya:
-
Ngu kutxani i di ta lisima kuva ni makungo a moya hi si se maha txisungo txa lisima mayelano ni mthumo ni txikolwa?
-
Vaveleki va nga va vhunisa kutxani vanana vawe kuthumisa ati ti ku ka Matewu 6:32, 33?—Mas 78:4-7
Ti wonele kasi ku u si leki minavelo yo va ni tithomba ta tingi mwendo kuwonwa u di wa lisima si ku khulumeta ko maha sisungo sako. (1Joh 2:15, 17) Khumbula ti to kuva ni tithomba ta tingi ti nga maha ti to m’thu a si tsakeli didungula da Mfumo. (Luk 18:24-27) Kulava tithomba ta tingi kha ti tsimbilelani ni kukula ngu didhawa da moya.—Mat 6:24; Mar 8:36.
Txhaya VHIDHIYO ayi yi ku Tiwoneli! U nga thembe silo asi si no pinda. U gwita u wotisa txiwotiso txiya:
-
Mavingu 23:4, 5 a nga kuvhunisa kutxani kumaha sisungo sa wutxhari?
8. Gondo ya Bhiblia ya dibanza
(30 men.) w20.01 gondo 5 ¶1-10
