20-26 ka Maio
MASALMO 40-41
Ndando 102 ni mkombelo | Mapswi o khata (1 men.)
1. Ngu kutxani i di ta lisima kuvhuna vamwani?
(10 men.)
Kuvhuna vamwani ti hi maha hi tsaka (Mas 41:1; w18.08 22 ¶16-18)
Jehovha a vhuna ava va vhunako vamwani (Mas 41:2-4; w15 15/12 24 ¶7)
Hi dhumisa Jehovha mbimo yi hi vhunako vamwani (Mas 41:13; Mav 14:31; w17.09 12 ¶17)
TI WOTISE TIYA, ‘Ina waho wu dibanzani kwango a nga lavako txivhuno kasi kuthumisa kwati JW Library?’
2. Tithomba ta moya
(10 men.)
Mas 40:5-10—Mkombelo wa Dhavhidha wu hi gondisa txani mayelano ni kutumela txikhalo txa Jehovha kota Mfumeli wo guleka? (it-2 16)
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?
3. Kulera ka Bhiblia
(4 men.) Mas 40:1-17 (th gondo 12)
4. Kukhata mabhulo
(3 men.) KUTXHUMAYELA NGU TXITSHUKETI. Kukhata mabhulo ni m’thu wu a ti kombako adi tsakile. (lmd gondo 2 pontu 3)
5. Kukhata mabhulo
(4 men.) KUTXHUMAYELA NGU TXITSHUKETI. Kukhata mabhulo ni m’thu wu a ti kombako a sa tsaka. (lmd gondo 3 pontu 5)
6. Maha vagondiswa
(5 men.) lff gondo 14 pontu 6. Bhulani ngu gondo ayi yi ku “Dhumisa Jehovha hagari ka msengeletano” yi ku ka txienge atxi txi ku “Xota timwani” ni txigondo atxi txi kana-kanako kuya mitshanganoni. (th gondo 19)
Ndando 138
7. Mahela wunene vanathu ava va nga kula ngu tanga
(15 men.) Mabhulo.
Jehovha wa ninga lisima ngutu mthumo wu vanathu vo thembeka va nga kula ngu tanga va wu mahako, se nathu hi fanela kumaha toneto. (Vaheb. 6:10) Ka malembe o tala ya ma nga pinda, vona va mahile mizamo kasi kugondisa, kutrenara ni kutsanisa vamwani vakhozeli. Ti nga maha u txi alakanyisisa ngu tinzila ti va nga kuvhuna ngu tona. U nga kombisisa kutxani kubonga ati va nga ti maha ni ti va simamako ve ti maha dibanzani?
Txhaya VHIDHIYO ayi yi ku ‘Mahela wunene vanathu.’ U gwita u wotisa tiya:
Ngu tihi ti mwanathu Ji-Hoon a nga ti gonda ka mwanathu Ho-jin Kang?
Nji txani atxi u txi tsakelako ka vanathu ava va nga kula ngu tanga va dibanzani kwako?
Ngu tihi ti hi nga ti gondako ka txikombiso txa muakelani wa Msamariya?
Ngu kutxani u txi alakanya ti to kuve nzila ya yinene ku mwanathu Ji-Hoon e pata vamwani mbimo yi a nga txi vhuna mwanathu Ho-jin Kang?
Ngako u txi alakanyisisa khakwati mayelano ni silaveko sa vanathu ava va nga kula ngu tanga va dibanzani kwako, u nga mana tinzila to va vhuna. Ngako u txi wona ti to va ni txilaveko alakanyisisa ngu ti u nga ti mahako kasi ku va vhuna.—Jak 2:15, 16.
Lera Vagalatiya 6:10. U gwita u wotisa txiwotiso txiya:
I ngu nzila muni u nga ‘mahelako wunene’ ava va nga kula ngu tanga dibanzani kwako?
