1-7 ka Abril
MASALMO 23-25
Ndando 4 ni mkombelo | Mapswi o khata (1 men.)
1. “MKOMA i m’dyisi wangu”
(10 men.)
Jehovha wa hi kongomisa (Mas 23:1-3; w11 1/5 31 ¶3)
Jehovha wa hi vhikela (Mas 23:4; w11 1/5 31 ¶4)
Jehovha wa hi ni nga sakudya (Mas 23:5; w11 1/5 31 ¶5)
Nga ha m’dyisi wa lirando a khatalelako tinvuta takwe, Jehovha nene wa khatalela malanda akwe.
TIWOTISE TIYA, ‘Ina ani ni khala kupfa kukhatalelwa ngu Jehovha ka wutomi wangu?’
2. Tithomba ta moya
(10 men.)
Mas 23:3—Ngu tihi “tinzila to lulama,” ni ku nji txani txi nga hi vhunako ku hi si humi ka tona? (w11 15/2 24 ¶1-3)
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?
3. Kulera ka Bhiblia
(4 men.) Mas 23:1–24:10 (th gondo 5)
4. Kukhata Mabhulo
(3 men.) KUTXHUMAYELA NGU TXITSHUKETI. Nyamne wa mti a womba ti to a karatekile ngu ku onhetelwa ka mafu. Mkombe ndimana ya Bhiblia ayi yi nga m’thavelelako. (lmd gondo 2 pontu 5)
5. Simama ni mabhulo
(4 men.) NGU MTI NI MTI. Txhamusela awu a nga tumela ku amukela dibroxura a di di ku Hanya wutomi wo tsakisa kala kupinduka! ti to yi mahiswa kutxani kursu ya mahala ya Bhiblia. (lmd gondo 9 pontu 3)
6. Maha vagondiswa
(5 men.) lff gondo 14 pontu 4 (lmd gondo 11 pontu 3)
Ndando 54
7. Athu ha tiwonela ka dipswi da vakanganyisi
(15 men.) Mabhulo.
Tinvuta ta diziva dipswi da m’dyisi wa tona ti tshumela ti mu londisa. Kambe ti txi pfa dipswi da mkanganyisi, ta thava ti tutuma. (Joh 10:5) Ngu ha ku fanako, athu hi engisa dipswi da Jehovha ni Jesu, i ku vona vadyisi vathu va lirando ni ku thembeka. (Mas 23:1; Joh 10:11) Kambe athu kha hi tumeli kuengisela dipswi da mkanganyisi awu a zamako kuholisa likholo lathu ngu kuthumisa “mawomba-wombelo a kukanganyisa.”—2Ped 2:1, 3.
Genesisi kapitulo 3 yi womba-womba ngu dikhambi do khata adi dipswi da mkanganyisi di nga pfiwa hamafuni. Sathani a kanganyisile Evha a si ti kombise to ngu ditshuri ngene mani. E ti maha nga o wa mngana wakwe, ene a kanetile mapswi ni sikongomelo sa Jehovha, ni ku atxi txi si tsakisiko, Evha a khotwe mapswi a mkanganyisi, toneto ti tisile txikarato txa hombe kwakwe ni ka mwaya wakwe.
Ni nyamsi Sathani wa zama ku hi maha hi kanakana mayelano ni Jehovha kumweko ni Sengeletano yakwe, ene a maha toneto ngu ku thumisa mahungu o mbi vhuna txilo, mahungu o tikomba nga ditshuri kuve makuhu, kumweko ni makuhu o mbi sisaleka ma ku hakubasani. Ngako hi txi pfa dipswi da mkanganyisi, hi fanete ku tutuma ngu txikuluveta! Ti ni phango ya hombe kuengisela, hambi i txo va ngu mbimonyana ngu kulava kuziva to kari. Khumbula ti to Sathani a sikoti kuxenga Eva ngu mapswi nyana a madotho. (Gen 3:1, 4, 5) Se athu hi nga maha txani ngako m’thu awu a hi dhundako ni ku va ni txikongomelo txa txinene a txi lava ku hi komba mahungu o kari o mbi vhuna txilo mayelano ni Sengeletano ya Jehovha?
Txhaya VHIDHIYO Lamba “dipswi da vakangayisi.” U gwita u wotisa tiya:
U gondile txani ka nzila yi Roza a nga bhulisana ngu yona ni mwamwakwe?
8. Gondo ya Bhiblia ya dibanza
(30 men.) w20.01 gondo 2 ¶7-13
