29 ka Abril kala 5 ka Maio
MASALMO 34-35
Ndando 10 ni mkombelo | Mapswi o khata (1 men.)
1. “Ni na dhumisa Jehovha mbimo yotshe”
(10 men.)
Dhavhidha a txi dhumisa Jehovha hambi mbimo yi a nga txi wonisana ni sikarato (Mas 34:1; w07 1/3 22 ¶11)
Dhavhidha a txi ti guleta ngu ku womba-womba ngu Jehovha, i singa ngu ngene apune (Mas 34:2-4; w07 1/3 22 ¶13)
Mapswi o dhumisa a Dhavhidha ma tsanisile vangana vakwe (Mas 34:5; w07 1/3 23 ¶15)
Msana ko va Dhavhidha a di hulukile ka Abhimeleki (mwendo Akisi), votshe vale va 400 wa vavamna va nga txi wukela Sawule va to ya ti pata ni Dhavhidha txiwulani. (1Sa 22:1, 2) Ti nga maha Dhavhidha a txi pimisa ngu vona vavamna va va mbimo yi a nga bhala msungo mhaka wa Masalmo 34.
TIWOTISE TIYA, ‘Ni nga m’dhumisisa kutxani Jehovha ngako ni txi bhula ni mmwani ka mitshangano ayi yi londiselako?’
2. Tithomba ta moya
(10 men.)
-
Mas 35:11—Nji txani a txi txi nga humelela ka timbimo ta Jesu, nga ha ti nga profetwa ngu kona ka ndimana yiya”? (w11 15/8 14 ¶9)
-
Ngu tihi ti u nga ti gonda ka kulera ka Bhiblia ka divhiki diya u tsakelako ku hi bhulela?
3. Kulera ka Bhiblia
(4 men.) Mas 34:1-22 (th gondo 5)
4. Kukhata mabhulo
(2 men.) KUTXHUMAYELA NGU TXITSHUKETI. Mabhulo me guma na u si se mana mkhanjo wo ningela wufakazi. (lmd gondo 1 pontu 4)
5. Simama ni mabhulo
(4 men.) KUTXHUMAYELA NGU TXITSHUKETI. (lmd gondo 2 pontu 4)
6. Txhamusela ati u ti kholwako
(5 men.) Mkombiso. ijwfq 59—Msungo mhaka: Tifakazi ta Jehovha ti nga mahisa kutxani txisungo txa ti to ti nga pateka ka feriyadhu mwendo ahim-him? (th gondo 17)
Ndando 59
7. Tinzila tiraru to dhumisa Jehovha hi di mitshanganoni
(15 men.) Mabhulo.
Hi ni mikhanjo yo tala yo dhumisa Jehovha ka mitshangano yathu. He woneni tinzila tiraru.
Mabhulo: Ngako u txi bhula ni vamwani, womba-womba ngu wunene wa Jehovha. (Mas 145:1, 7) Ina u engisete mwendo kulera mhaka yo kari ayi yi nga kuvhuna? Ina u mani txiperiyensia txo kari ka mthumo wo txhumayela? Ina ku ni m’thu wo kari awu a nga womba mwendo kumaha mhaka yo kari ayi yi nga kutsanisa? Ina u khala kuwona txo kari txo xamalisa ka mtumbuluko? Totshe tiya tiningo ati ti tako ngu ka Jehovha. (Jak 1:17) Zama kuhoka ku di ngadi ni mbimonyana ku si se khata mitshangano kasi ku u mana mbimo yo u bhulisana ni vamwani.
Tixamulo: Zama kuningela xamulo yimweyo ka mitshangano yimwani ni yimwani. (Mas 26:12) Awe u nga ningela xamulo yo kongoma ya txiwotiso, kuningela xamulo yo engeteleka, kuxamula mayelano ni m’bhalo wo kari, kuwomba womba ngu mifota mwendo kutxhamusela nzila yi hi nga ti thumisako ngu yona toneto. Khumbula ti to ti nga maha vavangi ve guleta diwoko kumweko ni nawe, ngu toneto, zama kululamisela tixamulo to tshangana. Ngaku hi txi xamula ngu 30 segundos mwendo hahatshi ka 30 segundos, hi ninga mkhanjo vamwani wo ni vona “ve ningela mhamba yo dhumisa Txizimu”.—Vaheb 13:15.
Tindando: Embelela mitshanganoni ngu mbilu yako yotshe. (Mas 147:1) Ti nga maha u si tikoti kuningela tixamulo ka yotshe mitshangano, ngutu-ngutu ka mabanza a hombe, kambe mbimo yotshe u nga pateka ko embelela tindando. Hambi u txi pimisa ti to khu si koti kuembelela, alakanya ti to Jehovha a tsaka kuya hoka hani mbimo yi aku wonako u txi maha mizamo yo maha ati u tikotako! (2Vak 8:12) Awe u nga ti lulamisela ngu ku trenara tindando u di ngadi mtini.
Txhaya VHIDHIYO Matimu a Tifakazi ta Jehovha—Txihiwa txa ndando, Txienge txo khata. U gwita u wotisa tiya:
Kukhukhela makhatoni ka matimu a sengeletano hi ti kombisa ngu nzila muni ti to kudhumisa Jehovha ngu ku embelela ti ni lisima?
8. Gondo ya Bhiblia ya dibanza
(30 men.) w20.01 gondo 3 ¶14-19, ni siwotiso so wuseta
