Sikombiso sa mu ka Bhiblia asi si nga ku vhunako:

• Ekl 12:1-8—Ngu kuthumisa sithokozelo, Mkoma Solomoni a txhamusete sikarato si si humelelako ngu mhaka yo kula ngu tanga, kufana ni kwa mbi wona kwati (“liphume la vale va solelako ngu mafasitela”) ni kwa mbi engisa kwati (“otshe mapswi a kuembelela ma txi relela”)

Sikombiso sa mu ka Bhiblia asi si nga ku vhunako:

• 1Sa 12:2, 23—Mprofeti Samuwele awu a nga ti kumbile a txi li ziva lisima lo e simama e khongelela vathu va Jehovha

• 2Sa 19:31-39—Dhavhidha a bongile txivhuno txi a nga ningwa ngu Bharzilayi awu a nga ti kute ngu tanga, kambe mbimo yi a nga mkombela ku e maha ati a nga si na ku ti kota kumaha, ene a kombisile kudinganisela ni ku a txi kuziva kutandeka kwakwe

• Mas 71:9, 18—Aku Dhavhidha a nga ti pimisa to kha na mbi swa e va wa lisima ka Jehovha ngu mhaka ya tanga yakwe, a mahile mkombelo ka Jehovha kasi ku e mninga mtamo wo e gondisa liveleko ali li tako mayelano ni Jehovha

• Luk 2:36-38—Mprofeti wa txisikati Ana awu a nga ti kumbile, a katekisilwe ngu mhaka ya ku tiningetela ni mthumo wakwe wo thembeka

Sikombiso sa mu ka Bhiblia asi si nga ku vhunako:

• Gen 12:1-4—Mbimo yi Abrahamu a nga ti ni 70 wa Malembe, amukete txiavelo atxi txi nga txitxa wutomi wakwe wotshe

• Dhan 10:11, 19; 12:13—Ngelozi yimwani yi endete mprofeti Dhaniyeli mbimo a nga ti ni kona mu ko pinda 90 wa malembe, yi mu tsanisekisile ti to ene mbwa lisima ka Jehovha ni ti to a ndi na mu hakela ngu mhaka ya wuthembeki wakwe

•  Luk 1:5-13—Jehovha a katekisile Zakariya ni Izabheli ngu kuva ninga mwanana hambiku va nga ti kumbile

• Luk 2:25-35—Jehovha a ningile Simiyoni awu a nga ti kumbile lungelo yo e wona mfana wu a ndino va Mesiya awu Simiyoni a nga profeta ngu ngene

• Mith 7:23, 30-36—Mbimo yi Mosi a nga ti ni 80 wa malembe, Jehovha a msawute ti to e thangela vathu Vakwe

Sikombiso sa mu ka Bhiblia asi si nga ku vhunako:

• Gen 45:9-11; 47:12—Josefa a rumisile ti to kuya tekwa tate wakwe Jakobe awu se a nga ti kumbile, ni ku a mkhatalete kala eya fa

• Rut 1:14-17; 2:2, 17, 18, 23—Rute a seketete Nawomi awu se a nga ti kute ngu tanga ngu mapswi ni ngu simaho

• Joh 19:26, 27—Mbimo yi Jesu a nga ti hafuhi ni kudawa, a kombete Johani ti to e sala e khatalela mame wakwe