Sikombiso sa mu ka Bhiblia asi si nga ku vhunako:

• 1Vafu 18:36-38—Mbimo yi Elija a nga ya dhumela vaprofeti va Bhahali Txitungani ka Karmeli, Jehovha a engisile mkombelo wa dilanda dakwe do thembeka

• Mat 7:7-11—Jesu a hi kuzetile kusimama hi maha mkombelo, e tshumela e hi thembisa ti to Jehovha wa engisa mikombelo yathu

Sikombiso sa mu ka Bhiblia asi si nga ku vhunako:

• Jox 24:9, 10—Jehovha kha engisa mkombelo wa Bhalake, nguko mkombelo wakwe wu si tsimbitisani ni kuranda ka Jehovha

• Isa 1:15-17—Jehovha kha engisa mikombelo ya vathu vakwe nguko va di ti mahile vakanganyisi ni ku va ni mnando wa mnoha

Sikombiso sa mu ka Bhiblia asi si nga ku vhunako:

• 1Mak 29:10-19—Dhavhidha a henjeletile ditiko da Israyeli ngu mkombelo mbimo yi va nga maha miningelo kasi kuaka dithepele

• Mith 1:12-14—Vapostoli, vananda va Jesu, Mariya mame wa Jesu ni vamwani va vavasikati va tshanganile nyumbani khe Jerusalema ti to ve maha mkombelo

Sikombiso sa mu ka Bhiblia asi si nga ku vhunako:

• Dhan 6:6-10—Hambiku mprofeti Dhaniyeli a nga txi dhukiselwa va txi va na m’daya, a simamile e maha mkombelo ka Jehovha

• Luk 18:1-8—Jesu a wombawombile ngu mlamuli wo mbi lulama awu a nga gwitisa kutumelela wamsikati awu a nga txi sinzisa ku kombela wululami, ngu txidinganiso txonetxo, Jesu a kombisile ti to Tate wathu mbwo lulama, ni ku a na engisa txikombelo txathu txo kombela txivhuno ngako hi txi simama hi maha mkombelo

Sikombiso sa mu ka Bhiblia asi si nga ku vhunako:

• 2Vafu 22:11-13, 18-20—Jehovha a kombisile wumbilu ni wunene ka Mkoma Josiya nguko ene a tivekile hahatshi ni ku mtsakisa

• 2Mak 33:10-13—Mkoma Manasi a tivekile hahatshi e kombela Jehovha ku e m’divalela, se a mu divalete e tshumela e maha mkoma

Sikombiso sa mu ka Bhiblia asi si nga ku vhunako:

• 1Vafu 3:11, 12—Mbimo yi Mkoma Solomoni a nga kombela wutxhari, Jehovha a tsakile ngutu ngu toneto se a mningile wutxhari wa hombe ngutu kupinda votshe ka mbimo yile

Sikombiso sa mu ka Bhiblia asi si nga ku vhunako:

• Luk 10:21—Jesu a dhumisile Tate wakwe hakubasani nguko a gondisile ditshuri ka vale va tivekako hahatshi kufana ni vanana

• Mtu 4:9-11—Mwaya wa Jehovha wa nzumani wa xonipha ni ku ninga wudhumo Jehovha awu wu mu fanelako

Sikombiso sa mu ka Bhiblia asi si nga ku vhunako:

• 1Vafu 18:25-29, 36-39—Vaprofeti va Bhahali va khongete makhambi o tala ka txizimu txawe, kambe kha txa va xamula

• Mith 19:32-41—Akhe Efesu, vakhozeli va txizimu txa txisikati Artemi va huwelete kudingana maora mambidi, kambe ngu magwito va to ganya kutsayiswa ngu mthangeli wa didhoropa