Sikombiso sa mu ka Bhiblia asi si nga ku vhunako:

• Gen 24:1-4, 7—Hahanze ko leka mwanana wakwe Isaake e txhadha ni wamsikati wa Mukanana awu a nga txi khozela sizimu sa Makuhu, Abrahamu a sungile ku lavela mwanana wakwe Isaake wamsikati awu a nga txi thumela Jehovha

• Gen 28:1-4—Isaake a gondisile mwanana wakwe Jakobe ti to a fanete kutxhadha ni wamsikati awu a thumelako Jehovha, i singa Mukanana

Sikombiso sa mu ka Bhiblia asi si nga ku vhunako:

• 1Vafu 11:1-6, 9-11—Jehovha a henyile ngutu mbimo yi Solomoni a nga mbi engisa mlayo wakwe, se e txhadha ni vavasikati vamatiko, ava va nga jikisa mbilu yakwe ti to a si thumeli Jehovha

• Neh 13:23-27—Kufana ni Jehovha, Nehemiya a henyile ngutu mbimo yi Vaisrayeli va nga txhadha ni vavasikati va matiko ava va nga si thumeli Jehovha. Ngu toneto, Nehemiya a va kawukile

Sikombiso sa mu ka Bhiblia asi si nga ku vhunako:

• 1Sa 25:2, 3, 14-17—Hambiku Nabhali a nga ti ganyile, i ti m’thu wa tshofu, ene i singa wamwamna wamnene ka Abhigayeli

• Mav 21:9—Ngako hi si sawuli kwati m’thu wu hi lavako kutxhadha nayo ti nga hi tekela kurula ni litsako

• Var 7:2—Mpostoli Paulo a wombile ti to ngako wamsikati a txi txhadha a fanete kutiveka hahatshi ka mwanana wakwe wo mbi pelela, ngu toneto, wamsikati wa wutxhari a khata ngu kupimisa kwati ngu wu a lavako kutekana nayo

Sikombiso sa mu ka Bhiblia asi si nga ku vhunako:

• Mav 24:27—Wamwamna na a si se txhadha ni kuva ni vanana a fanete kuthuma ngutu kasi ku e ta sikota kukhatalela mwaya

Sikombiso sa mu ka Bhiblia asi si nga ku vhunako:

• Rut 2:4-7, 10-12—Bhowazi a gondile ti to Rute i ti wamsikati wo zumbisa kutxani ngu kuwona nzila yi a nga txi thuma ngu yona, kupfa ati vathu vo thembeka va nga txi ti womba ngu ngene, nzila yi a nga txi ñola ngu yona mwaya wakwe ni lirando ali a nga ti nalo ngu Jehovha

• Rut 2:8, 9, 20— Rute a gondile ti to Bhowazi i ti wamwamna wo zumbisa kutxani ngu kuwona wunene wakwe, wuha, ni lirando ali a nga ti nalo ngu Jehovha

 Sikombiso sa mu ka Bhiblia asi si nga ku vhunako:

• Mav 5:18, 19—Tinzila timwani to kombisa lirando ti mahwa ngu va va nga tekana dwe

• Nda 1:2; 2:6—Ka mbimo yi va nga txi namorara, m’dyisi ni dihorana da Mxulami va kombisanile simaho sa lirando ngu nzila ya yinene, i singa sa nzambwa asi si nga txi ndindela ka timhaka ta mataho

• Nda 4:12; 8:8-10—Mxulami a ti ni mahanyelo a manene ni ku a txi ti ñola, a txi fana ni Jaradhi ayi yi nga bhiywa

Sikombiso sa mu ka Bhiblia asi si nga ku vhunako:

• Gen 21:8-12—Hambiku Abrahamu a nga mbi tsaka ngu mawonelo a msikati wakwe, Jehovha a mgete ti to e maha a ti Sara a nga m’gela

• Mav 31:10, 11, 16, 28—Wamwamna wo wutxhari awu aku ni wamsikati wa wusikoti, kha zumbeli kuwonetela tiphazamo takwe, hahanze keto, wa mthemba ni ku wa mdunduzela

• Vaef 5:33—Mapswi a mpostoli Paulo ma kombisa ti to wamsikati a ni txilaveko txo ziva ti to wa randwa ngu mwamna wakwe

Sikombiso sa mu ka Bhiblia asi si nga ku vhunako:

• Mav 1:8; 1Vak 7:4—Txizimu txi ningile vavasikati kumweko ni vamame wutixamuleli wo kari hamwayani

• 1Vak 11:3—Mpostoli Paulo a wombile ti to hotshethu hi hahatshi ka wulawuli wa Txizimu txa mtamo wotshe, Jehovha

• Vaheb 13:7, 17—Votshe dibanzani mwendo vavamna mwendo vavasikati va fanete kutiveka hahatshi ka va va thangelako

Sikombiso sa mu ka Bhiblia asi si nga ku vhunako:

• Gen 18:12; 1Ped 3:5, 6—Sara a ti mu xonipha ngutu mwamna wakwe a ha koza e mu dhana ku i “mkoma wakwe” hambi ngu mu ka mapimo

Sikombiso sa mu ka Bhiblia asi si nga ku vhunako:

• Gen 24:62-67—Rebheka a vhuni mwamna wakwe ngu ku mthavelela mbimo yi mame wakwe a nga fa

• 1Sa 25:14-24, 32-38—Abhigayeli a vhikete mwamna wakwe wa txiphuku-phuku nguko a nga kombela Dhavhidha ti to e mkomba wuxinji

• Est 4:6-17; 5:1-8; 7:1-6; 8:3-6—Esteri a vekile wutomi wakwe phangoni makhambi mambidi ngu kutsula ka mwamna wakwe awu i ngadi mkoma, a sa dhanwa. Ene a tsute kasi ku ya kombelela vathu va Txizimu ti to ve hulukiswa