Sikombiso sa mu ka Bhiblia asi si nga ku vhunako:

• Lev 22:17-22—Jehovha a txi lava ti to txihari atxi txi nga ti ningelwa kota digandelo txi va txa txinene “txo mbi limala” mwendo ku txi si nga ni txibawa. Ngu Txihebheru dipswi adi di ku “txo mbi limala” di tsimbitisana ni dipswi adi di ku “wuthembeki,” eto ti womba ti to wuthembeki wathu wu pata ku tiningetela ka Jehovha ngu mbilu yathu yotshe

• Job 1:1, 4, 5, 8; 2:3—Txikombiso txa Jobe txi kombisa ti to kasi ku m’thu e dhanwa ku mbwo thembeka, tilava e kombisa txixonipho txa hombe ka Jehovha, e khozela ene dwe ngu mbilu yakwe yotshe ni kwa mbi maha to biha

Sikombiso sa mu ka Bhiblia asi si nga ku vhunako:

• Job 31:1-11, 16-33—Ditshiku ni ditshiku, Jobe a sakulete wuthembeki, a si ti beteli ka mahanyelo a nzambwa ni ku mbimo yotshe a ti ñola vamwani ngu wunene ni txixonipho. Wukhozeli wakwe wu ti basile masoni ka Jehovha ni ku a si dhundi tithomba

• Dhan 1:6-21—Hambiku va ngati hagari ka vathu ava va nga si khozeli Jehovha, Dhaniyeli ni vangana vakwe vavararu va simamile ve thembeka hambi ka timhaka ta sakudya