Ngu yihi khiya ya wutomi wa mwaya wo tsakisa?
U wona ti to . . .
-
lirando?
-
male?
-
simwane simaha?
NGU TIHI TI DI BHIBHELE DI WOMBAKO TONA
“Va katekile ava va engisako dipswi da Txizimu, va txi di vekisa!”—Luka 11:28.
TONETO TI NI TXIVHUNO MUNI KA WENA
Ku mana lirando la ditshuri.—Vaefesu 5:28, 29.
Ku mana txixonipho txa ditshuri.—Vaefesu 5:33.
Ku mana ku xayiseka ka ditshuri.—Marku 10:6-9.
HI NGA KHOLWA KANI NGU KU TSANISEKA TI DI BHIBHELE DI TI WOMBAKO?
Inna, hi na wombawomba ngu sivangelo simbidi:
-
Txizimu ngene Mvangi wa wutomi wa mwaya. Di Bhibhele di womba ti to “mwaya ni mwaya . . . ditina da wona di ningilwe” ngu Jehovha Txizimu. (Vaefesu 3:14, 15, Tradução do Novo Mundo) Ngu mawombelo mamwane, lungiselelo ya mwaya yiho nguko yi vangilwe ngu Jehovha. Ngu txani eto ti di ni mtxhamuselo wa hombe?
Hi nga wona: Idiku awe u dyite mndiwo wo tshamba se u lava ku ziva si si nga thumiswa, u nga wotisa mani? Ti ha ku basani, u nga wotisa wu a nga bhika wona.
Ngu ku fana, hi txi lava ku ziva ti ti lavekako ku hi mana wutomi wa mwaya wo tsakisa, hi maha tona ku wonetela ka Jehovha, Mvangi wa mlayo wa mwaya.—Genesisi 2:18-24.
-
Txizimu txa ku khatalela. Timwaya ti komba wutxhari mbimo yi ti lavako silayo sa Jehovha si a si ningelako ngu ku thumisa Dipswi dakwe. Ngu txani? “Nguko Txizimu ngu txona txi mi khatalelako.” (1 Pedro 5:6, 7) Jehovha a ku navelela tatinene ngu mbilu—Ni kona silayo sakwe sa vhuna yotshe mbimo!—Mavingwa 3:5, 6; Isaya 48:17, 18.
ALAKANYISISA NGU TIYA
U nga si kotisa ku txani ku u va wamwamna, msikati, mwendo mveleki wa mnene?
Di Bhibhele da xamula mhaka yiya ka VAEFESU 5:1, 2 ni VAKOLOSA 3:18-21.
Ti nga maha si kutsakisa
ZIVA TATHU
Ngu ku txani hi txi gonda diBhibhele?
DiBhibhele di ningela tixamulo ta siwotiso sa lisima ka wutomi ka timilioni ta vathu ka madhawa otshe a mafuni. Ina wa ti tsakela kuva mmwane wa vona?
ZIVA TATHU
Kombela kuendelwa ngu Tifakazi ta Jehovha
Kombela kuendelwa ngu Tifakazi ta Jehovha mi ta bhula ngu Bhiblia.
