“Txizimu . . . txi na bahulela yotshe mirongo tikhoheni kwawe; kha ku nambi swa ku txi maneka kambe lifo, hambi kudila, hambi tihuwa, hambi ku pandiseka, nguko so khata si pindile.”​—Mtuletelo 21:3, 4.

Mthumo wu tsakisako ni ku wu di ni mtxhamuselo.​—Isaya 65:21-23.

Ku na mbi swa kuva ni malwati hambi ku xaniseka kuhi ni kuhi.​—Isaya 25:8; 33:24.

Wutomi wo tsakisa wo mbi na magwito kumweko ni mwaya ni vangana.​—Masalmu 37:11, 29.

Inna, hi nga wombawomba ngu sivangelo simbidi:

• Txizimu txi ni makotelo yo sithembiso sa txona si hetiseka. Mu ka Bhibhele, i Jehovha Txizimu dwe a dhanwako ku mbwa “Mtamo wotshe,” a ni mtamo wo mba pimwa. (Mtuletelo 15:3) Ngu toneto ene a ni makotelo o xayisa txithembiso txakwe txo txitxa mafu athu me va a manene.Nga ti di Bhibhele di wombako, “ka Txizimu totshe ta koteka.”​—Matewu 19:26.

• Txizimu txi ni ku navela ku hetisisa txithembiso. Nga txikombiso, Jehovha wa “xuva” ku tshumetela wutomi ka va va nga fa.​—Jobe 14:14, 15, Tradução do Novo Mundo.

  Di Bhibhele da komba kambe to Mwanana wa Txizimu, Jesu, a hanyisile valwati. A mahile eto ngu mhaka muni? Nguko a ti ti lava. (Marku 1:40, 41) Jesu mfanekiso wo hetiseka wa wuthu wa Tate wakwe ka ku navela ku vhuna va va ku ni sivilelo.​—Johane 14:9.

  Ngu toneto hi nga tsaniseka to ngu wumbidi wawe Jehovha ni Jesu va ti lava ku hi vhuna to hi londola mbimo yi yi tako yo tsakisa!​—Masalmu 72:12-14; 145:16; 2 Pedro 3:9.