U si se ya tsimbitisa txigondo

1. 1. Lulamisela kwati. Mbimo yi u mahako toneto, pimisa ngu silaveko, siemo ni ti txigondo txako txi kholwako ka tona. Duketa kualakanya ngu ti a nga lavako txivhuno ka tona kasi ku ti pfisisa ni ku ti thumisa. Thumisa parte yi yi ku “Xota timwani” kasi kuwona ati ti nga vhunako txigondo txako ni ti u nga ti thumisako mbimo yi u tsimbitisako txigondo.

U txi tsimbitisa txigondo

1. 2. Ngako txigondo txako txi txi tumela, khatani gondo ngu mkombelo mi tshumela mi vhala ngu mkombelo.

2. 3. Vayilela kuwomba-womba ngutu. Veka mapimo ka ti ti ku ka dibhuku, u leka txigondo txi ti phofula.

3. 4. Mi txi khata txienge, lera ati ti ku makhatoni ka txienge ni kujunyatisa ati mi no bhula ngu tona ka gondo yo kari ka txienge txonetxo.

4. 5. Mi txi heta txienge, thumisa siwotiso so wuseta txienge txonetxo kasi kuvhuna txigondo txako txi khumbula ati txi nga ti gonda.

5. 6. Mbimo yi mi gondako gondo yimwani ni yimwani:

   1. Lerani maparagrafu

   2. Lerani yotshe mibhalo yi yi nga bhalwa ku “Lera.”

   3. Mi nga lera yimwani mibhalo ngako ti txi laveka.

   4. Txhayani otshe mavhidhiyo aya ma nga bhalwa ku “Xalela vhidhiyo” (ngako ma diho ngu lidimi lako).

   5. Maha siwotiso msana ko xalela vhidhiyo.

   6. Wonani parte yi yi ku “Engetela wuzivi wako,” u kombela txigondo ti to txi womba to kari ka parte yoneyo.

   7. Bhulani ngu parte yi yi ku “U nga maha tiya” ti to u vhuna txigondo txako txi kulisa wuxaka wa txona ni Jehovha. U nga txi kuzeta to txi thumisa tile ti nga wombwa hale mwendo ku txi ti vekela mamwani makungo a moya.

   8. Wotisa txigondo txako to mwendo ku ni ti txi nga ti tsakela ka marevhista mwendo mavhidhiyo ka parte yi yi ku “Xota timwani” mbimo yi txi nga txi lulamisela gondo.

   9. Zamani kuheta gondo ngu dikhambi dimwedo.

U di gwitile kutsimbitisa gondo

1. 7. Simama u alakanya ngu txigondo txako. Kombela Jehovha to e katekisa txigondo txako ti to txi kula ngu didhawa da moya ni ku e kuninga wutxhari wo u kota ku txi vhuna.