KUKHATA MABHULO
GONDO 3
Wunene
Ditshina da mlayo: “Lirando li ni. . . wumbilu.”—1 Vak. 13:4.
Ati Jesu a nga ti maha
1. Wona VHIDHIYO, mwendo kulera Johani 9:1-7. U gwita u alakanyisisa ngu siwotiso siya:
-
Ngu tihi Jesu a nga khata ngu tona—ngu tula maso dibhofu mwendo ngu m’gela mahungu a manene?—Wona Johani 9:35-38.
-
I nga va i di txani txi nga vhuna wamwamna wule ku e tiemisela kuengisela Jesu?
Hi gonda txani ka txikombiso txa Jesu?
2. Ngako m’thu a txi ti wona to ha khatala ngu ngene ti nga m’hehukela kuengisa mahungu a manene.
Etetela Jesu
3. Tiveke ka wukhalo wa vamwani. Zama kualakanyela vamwani.
-
Tiwotise tiya: ‘A nga va a txi karatwa ngu txani? Ngu tihi ti ti nga mvhunako ni ku mtsakisa?’ U txi maha eto ti na kuvhuna kukombisa wunene ti txi khukhela mbiluni.
-
Ngako m’thu atxi kugela to kari ati ti m’karatako, u nga m’wile nga wo va u si nga ni mhaka nato. Mu engisele kwati kasi kukombisa to wa khatala ngu ti a ti pfisako tona.
4. Womba-womba ngu nzila ya wunene ni txixonipho. Ngako m’thu u txi mpfela, u txi lava ku m’vhuna ti na ti komba ngu nzila yi u womba-wombako ngu yona. Tiwonele ka ti u ti wombako ni nzila yi u ti wombako ngu yona, vayilela kuwomba ati ti nga mkhuvekisako.
5. Tiemisele kuningela txivhuno. Lava mikhanjo yo vhuna m’thu ngu kuya ngu silaveko sakwe. Kumahela wunene vathu ti nga maha ti to ve lava kuengisa mahungu a manene.
WONA NI
Var. 12:15, 16; Vag. 6:10; Vaheb. 13:16
