KUKHATA MABHULO
GONDO 4
Kutiveka hahatshi
Ditshina da mlayo: ‘Mi tiveka hahatshi, mi si alakanyi ti to ma pinda vamwani.’—Vaf. 2:3.
Ati Paulo a nga ti maha
1. Wona VHIDHIYO, mwendo kulera Mithumo 26:2, 3. U gwita u alakanyisisa ngu siwotiso siya:
-
Paulo a kombisile kutxani kutiveka hahatshi ngu nzila yi a nga womba-womba ngu yona ni Mkoma Agripa?
-
I ngu nzila yihi Paulo a nga yisa wudhumo ka Jehovha ni ka Bhiblia i singa ku ti dhumisa apune?—Wona Mithumo 26:22.
Hi gonda txani ka txikombiso txa Paulo?
2. Vathu va nga tsakela kuengisa mahungu a manene ngako hi txi womba-womba ngu kutiveka hahatshi ni txixonipho.
Etetela Paulo
3. U nga ve wo tigela. Vayilela kumaha vamwani ve wona nga awe wa ziva totshe kasi vona kha va zivi txilo. Womba-womba navo ngu txixonipho.
4. Tiveke hakubasani to ati u ti gondisako ti ta ngu ka Bhiblia. Bhiblia yi ni mapswi a Txizimu aya ma gwesako timbilu ta vathu. Ngako hi txi yi thumisa hi na aka likholo lawe ka makhato o tsana.
5. Simama u va wo thutha. U nge txikolokolo mawonelo ako ngu ona i ku a manene. Kha hi lavi kuphikizana ngu mawonelo. Kombisa ti to wa tiveka hahatshi ngu kuva wo thutha ni kuziva mbimo ya yinene yo satisa. (Mav. 17:14; Tit. 3:2) Hi txi xamula ngu nzila yo thutha ti nga tula mkhanjo wa ti to e ta hi engisela ka makhambi ya ma londiselako.
WONA NI
Var. 12:16-18; 1 Vak. 8:1; 2 Vak. 3:5
