Ati Jesu a nga ti maha

Hi gonda txani ka txikombiso txa Jesu?

2. Ti lava hi va ni pasiyensiya nguko vamwani va swela kutsakela mahungu a manene.

 Etetela Jesu

3. Duketa tinzila timwani. Ngako m’thu a si tekeli kutumela gondo ya Bhiblia u nga mu sinzise. Ti txi koteka, thumisa mavhidhiyo mwendo timwani kasi ku u m’vhuna e pfisisa ati yi mahiswako tona gondo ya Bhiblia ni ti yi nga m’vhunisako tona.

4. U nga fananisele vathu. Vathu kha va fani. Ngako txiro txa mwaya mwendo m’thu wu u nga mtxhumayela a si tumeli kugonda Bhiblia mwendo a txi kana-kana gondo yo kari ya mu ka Bhiblia, zama kutumbula to i ngava i di txani. Ina kova ni gondo yo kari ya wukhongeli ayi a kholwako ngutu ka yona? Ina o kuzetelwa ngu maxaka mwendo va vhizinyo? Mninge mbimo ti to e pimisa ngu ti u nga m’gela ni kuwona lisima la ti Bhiblia yi ti gondisako.

5. U txi maha mkombelo pata ni wu a nga kombisa kutsakela. Kombela Jehovha e kuvhuna u themba to ti na lunga ni kuva ni pasiyensiya. Mkombele e kuvhuna kuwona to m’thu wo kari wa tsakela kani.—1 Vak. 9:26.