Txienge 3
Wu ti njani wutomi paradhiseni?
Jehovha a di ningile Adhamu ni Evha silo so tala sa sinene. Genesisi 1:28
Jehovha a mahile wamsikati wo khata Evha, e mtxhadhisa ni Adhamu.—Genesisi 2:21, 22.
Jehovha a va mahile va di ni mialakanyo ni mmidi so hetiseka, va si nga ni txikhwita.
M’ti wawe wa Paradhise i di jaradhi ya Edheni—wukhalo wo tshura ngutu ku di ni mnambu, mindonga ya mihando ni sihari.
Jehovha a txi wombawomba navo ni ku va gondisa. Idiku va ti ko engisa va di hanyile kala ku pinduka ka mafu a Paradhise.
Txizimu txi di khene va nga thuki va txi dya mhando ka wumwane wa mndonga. Genesisi 2:16, 17
Jehovha a kombile Adhamu ni Evha m’ndonga jaradhi a txi khene kwawe, mi nga thuki m’txi dya mihando ya wona, mi nga fa.
Ngelozi yimwani yi lekile mlayo wa Txizimu. Ngelozi eyo yo biha i Sathane, Dhiabhulosi.
Sathane a si ti lavi to Adhamu ni Evha va engisa Jehovha. Ngu toneto a thumisile mnyoka e ghela Evha to a txo dya mhando, kha na mba fa, a na ziva ku fana ni Txizimu. I ti makuhu toneto.—Genesisi 3:1-5.
