GONDO 05
Txizimu txi womba-womba ni nathu ngu kuthumisa Bhiblia
Jehovha a hi ningile prezenti yiya ya lisima i ku Bhiblia ayi yi wumbwako ngu 66 wa mabhuku. Kambe u nga ti wotisa tiya: ‘Ti mahisile kutxani ti to kuva ni Bhiblia? Bhiblia yi ta ngu ka mani?’ Ti to hi xamula siwotiso siya he woni ti to Bhiblia yi hokisile kutxani kwathu.
1. Aku Bhiblia yi nga bhalwa ngu vathu ngu kutxani ku txi wombwa ti to yi ta ngu ka Txizimu?
Bhiblia yi bhatwe ngu 40 wa vavamna, ava va nga heta 1.600 wa malembe va txi bhala kukhukhela ngu 1513 A.E.C. kala 98 E.C. Hambiku vabhali vonevo va nga txi ta ngu ka makhalo o hambana-hambana, ati va nga bhala ta fana. Ti kotekisa kutxani toneto? Nguko ati va nga bhala ti ta ngu ka Txizimu. (Lera 1 Vatesalonika 2:13.) Vona kha va bhala ati ti nga txita ngu ka mapimo awe, nguko vona va txi womba-womba ngu ‘kususumetwa ngu Moya wo sawuleka.’ a (2 Pedro 1:21) Txizimu txi thumisile moya wa txona wo sawuleka ti to txi beta mipimiso ka vavamna vonevo ti to ve bhala ati ti tako ngu ka txona.—2 Timoti 3:16.
2. Ina Bhiblia yi nga manwa ngu votshe vathu?
“Votshe vaaki va hamafuni, ni yotshe mifumo, totshe tixaka, totshe tidimi ni votshe vathu,” va nga wuyelwa ngu mahungu a manene aya ma ku ka Bhiblia. (Lera Mtuletelo 14:6.) Txizimu txi mahile ti to Bhiblia yi maneka ngu tidimi tatingi ngutu kupinda mabhuku mamwani. Ni ku votshe vathu va ha mafuni va nga yi mana Bhiblia, ku si nga ni mhaka ni mu va hanyako kona ni ti to va womba-womba lidimi lihi.
3. Txizimu txi mahile txani ti to Bhiblia yi si fuviswi?
Bhiblia yi ti bhalwa ka silo so mbi banga so fana ni madhowo ni mabusi. Kambe vathu ava va nga ti dhunda Bhiblia va ti zumbela ku yi kopiyara. Hambiku vathu vamwani va nga zama kufuvisa Bhiblia, vamwani va ti veka wutomi wawe ha phangoni kasi ku yi vhikela. Jehovha kha tumelela txilo txi m’vhala txisofu ti to a si womba-wombi ni nathu. Bhiblia yi womba tiya: Dipswi da “Txizimu txathu da zumba kala kupinduka.”—Isaya 40:8.
ENGETELA WUZIVI WAKO
Wona nzila ayi Txizimu txi nga thumisa ngu yona vathu ti to ve bhala Bhiblia, nzila ayi yi nga xayiswa ngu yona kala nyamsi ni ti txi nga mahisa tona ti to yi maneka ka votshe vathu.
4. Bhiblia ya womba ti to yita ngu ka mani
Xalela VHIDHIYO. Mi lera 2 Timoti 3:16, mi gwita mi bhula ngu siwotiso asi si londiselako.
-
Aku Bhiblia yi nga bhalwa ngu vathu, ngu kutxani yi txi dhanwa ku dipswi da Txizimu?
-
Ina wa kholwa ti to Bhiblia yi bhatwe ngu Txizimu ngu kuthumisa vathu?
Mabhalani a nga bhala dipasi kambe ati a bhalako ti ta ngu ka mlungo wakwe. Ngu ha kufanako vathu va bhate Bhiblia, kambe ati va nga bhala ti ta ngu ka Txizimu
5. Vathu va tandekile kufuvisa Bhiblia
Txizimu txi vhikete Bhiblia nguko yita ngu ka txona. Kale vathu va zamile kufuvisa Bhiblia. Vathangeli va titxhetxhe va zamile ku yi sisa. Kambe vathu vo tala va yi vhikete hambiku va nga txi kanetwa ni ku lava kudawa ngu toneto. Kasiku u wona vamwani ka vona, xalela VHIDHIYO, mi gwita mi bhula ngu siwotiso asi si londiselako.
-
Kuziva ti to Bhiblia yi hulukile ka to tala, ina ta kumaha u lava ku yi lera? Ngu kutxani?
Lera Masalmo 119:97, mi gwita mi bhula ngu txiwotiso txiya:
-
Njitxani txi nga maha vathu vo tala ve simama ve hunduluxela Bhiblia hambiku va nga ti lava kudawa?
6. Votshe vathu va nga yi mana Bhiblia
Bhiblia dibhuku adi di nga hunduluxelwa ngutu ni ku da maneka hamafuni kotshe. Lera Mithumo 10:34, 35, mi gwita mi bhula ngu siwotiso siya:
-
Ngu kutxani Txizimu txi txi lava ti to Dipswi da txona di hunduluxelwa ni kutshumela di ningelwa ka vathu?
-
Njitxani txi ku tsakisako ngu Bhiblia?
Kona mu ka
100%
wa vathu hamafuni kotshe
va nga gonda Bhiblia ngu lidimi ali va li pfisisako
Yona ya maneka ngu
3.000
wa tidimi ni kupinda
ngu txienge mwendo yotshe
5.000.000.000
Mabhiblia o pinda mtengo wuwa se ma ganjilwe,
kha ku na dibhuku di hokako ka mtengo wuwa
NGAKO VATHU VA TXI KHONA: “Bhiblia dibhuku da kale adi di nga bhalwa ngu vathu.”
-
U nga khawe txani?
-
Ngu tihi ati ti kombisako ti to Bhiblia Dipswi da Txizimu?
ATI HI NGA TI WONA
Bhiblia dipswi da Txizimu ni ku txi mahile ti to di maneka ka votshe vathu.
Ngu tihi ti u nga ti gonda
-
Txizimu txi thumisisile kutxani vathu ti to ve bhala Bhiblia?
-
Nji txani txi ku xamalisako ka nzila yi Bhiblia yi nga huluka ngu yona, nzila yi yi manekako ngu yona hamafuni kotshe ni nzila yi yi nga hunduluxelwa ngu yona?
-
U tipfisa kutxani ngu kuziva ti to Txizimu txi mahile totshe ti to txi womba-womba ni nawe?
XOTA TIMWANI
Gonda ngu matimu a Bhiblia, kukhukhela ka ti yi nga ti zumbisile tona kale kala nyamsi.
“Ati Bhiblia yi nga hokisa tona kwathu” (Khenjemuka! wa Novembro wa 2007)
Wona tinzila tiraru ati Bhiblia yi nga huluka ngu tona ka tiphango ta hombe.
Wona timwani ati vathu va nga vekisa tona wutomi wawe ha phangoni va txi lwela kuhunduluxela Bhiblia.
Aku Bhiblia yi nga kopiyarwa ni kuhunduluxelwa makhambi o tala, hi tizivisa kutxani ti to ati ti nga bhalwa ka yona kha ta txitxa?
“Ina Bhiblia yi to txitxwa mwendo kuengetelwa timwani?” (Msungo mhaka wu ku ka site)
