GONDO 06
I mani a nga vanga wutomi?
“Nguko awe [Txizimu] u txisima txi txi ningako wutomi.” (Masalmo 36:9) Ina awe wa kholwa toneto? Vathu vamwani va womba ti to wutomi wu to humelela wokha wu sa vangwa ngu m’thu. Idi toneto ti womba ti to athu hi to dhuka hi di humelete. Kambe i di ti to Jehovha Txizimu ngene a nga vanga wutomi, ngu kutxani a di hi mahile? a Wona ati Bhiblia yi ti wombako mayelano ni makhato a wutomi, ni ku ngu kutxani eto ti txi pfala.
1. I mani a nga vanga mtumbuluko?
Bhiblia yi womba tiya: “Kukhatani Txizimu txi vangile nzuma ni mafu.” (Genesisi 1:1) Vazivi vo tala va ta siyensia va kholwa ti to mtumbuluko wu ve ni makhato. Txizimu txi wu vangisile kutxani? Txona txi thumisile moya wo sawuleka i ku mtamo wa Txizimu, ti to txi vanga sotshe sa mtumbuluko, si patako magalaksiya, tinyeleti ni maplaneta.—Genesisi 1:2.
2. Ngu kutxani Txizimu txi di vangile mafu?
Txizimu “kha txa ma maha diphanga [mafu], aniko txi ma vangile kasiku vathu ve zumba ka ona.” (Isaya 45:18) Jehovha a mahile mafu i ku planeta yathu, me va o tshura kasi ku vathu ve zumba ngu ha ku si ngako ni magwito. (Lera Isaya 40:28; 42:5.) Siyensia ya womba ti to planeta yathu yi tshurile ngutu kupinda maplaneta mamwani. Hamafuni ova kona dwe aha ku nga hanyako vathu.
3. Ngu kuhi kuhambana aku kukuho ka vathu ni sihari?
Msana kova a di vangile mafu, Jehovha a vangile silo asi si hanyako. Kukhata a vangile mindonga ni sihari. Se ngu kugwitisa “Txizimu txi vangile m’thu ngu txifaniso txa txona; txi m’vangile e fana ni Txizimu.” (Lera Genesisi 1:27.) Ngu kuhi kuhambana aku kukuho ka vathu ni sihari? Aku hi nga mahwa ngu txifananiso txa Txizimu, hi tekelela tifanelo ta txona to fana ni lirando ni wululami. Jehovha a tshumete e hi maha hi di ni wusikoti wo gonda tidimi, hi tsakela so maha ni kutidila ngu wutxenje. Kuhambana ni sihari, athu ha khozela M’vangi wathu.
ENGETELA WUZIVI WAKO
Wona ati ti kombisako ti to ngu ditshuri wutomi wu to vangwa ni ti to ati Bhiblia yi ti wombako ngu mtumbuluko ta pfisiseka. Wona timwani ati hi nga tigondako ngu Txizimu ka tifanelo ati vathu va ku nato.
4. Silo sotshe si to vangwa
Vathu va dhumiswa ngu si va si kopiyarako ka mtumbuluko. Se i mani awu a fanelako kudhumiswa ngu mtumbuluko wa kona? Xalela VHIDHIYO, mi gwita mi bhula ngu siwotiso asi si londiselako.
-
Ngu sihi asi vathu va nga si khanda va nga kopiyara ka mtumbuluko?
Nyumba yimwani ni yimwani yi khandilwe ni kuakwa ngu m’thu. Se i mani awu a nga khanda sotshe asi si ku ka mtumbuluko? Lera Vahebheru 3:4, mi gwita mi bhula ngu siwotiso siya:
-
Ngu txihi atxi u txi wonako ka mtumbuluko atxi txi ku xamalisako ngutu?
-
Ina ta pfala kukholwa ti to mtumbuluko ni si si ku ka wona si to khandwa? Ngu kutxani?
Ina u ti tiziva?
U nga mana misungo ya timhaka ni mavhidhiyo aya ma womba-wombako ngu mhaka yiya ka site ya jw.org ka mxaxamelo awu wu ku: “Ina txi to vangwa?” ni wu wuku: “Mawonelo a ti wutomi wu nga khatisa tona.”
“Nguko, nyumba yihi ni yihi yi ni muaki wa yona, kambe awu a nga aka sotshe i Txizimu”
5. Ati Bhiblia yi ti wombako ngu kuvangwa ka silo ta pfisiseka
Ka Genesisi ndima 1 Bhiblia yi womba-womba ngu kuvangwa ka mafu ni si si hanyako. Ina awe wa tikholwa toneto mwendo u tiwona i di sitoriya dwe? Xalela VHIDHIYO, mi gwita mi bhula ngu siwotiso asi si londiselako.
-
Ina Bhiblia yi womba ti to mafu ni silo si si hanyako si vangilwe ngu 6 wa masiku a kutxa di ya swa?
-
Ina u pimisa ti to ati Bhiblia yi ti wombako ngu kuvangwa ka silo ta pfisiseka? Ngu kutxani?
Lera Genesisi 1:1, mi gwita mi bhula ngu siwotiso siya:
-
Vasiyentista va womba ti to mtumbuluko wu ve ni makhato. Ati va tiwombako ti yelanisa kutxani ni ti u ku ngadi ku tigonda amu ka Bhiblia?
Vathu vamwani va tiwotisa ti to ina Txizimu txi to thumisa ku tihundulukela ka silo ti to txi vanga silo simwani kani? Lera Genesisi 1:21, 25, 27, mi gwita mi bhula ngu siwotiso siya:
-
Ina Bhiblia yi gondisa ti to Txizimu txi vangile sihaka, sihari ni vathu ngu kuthumisa ku tihundulukela ka silo? Mwendo Txizimu txi vangile sihari sotshe ngu kuya ngu “tixaka” ta sona? b
6. Vathu nzivangwa so sawuleka ka Txizimu
Jehovha a hi vangile hi txi hambana ni sihari. Lera Genesisi 1:26, mi gwita mi bhula ngu siwotiso siya:
-
Ngu kutxani athu hi di ni lirando ni wumbilu kuhambana ni sihari?
NGAKO VATHU VA TXI KHONA: “Ati Bhiblia yi tiwombako mayelano ni kuvangwa ka silo nzitoriya dwe.”
-
U na khawe txani? Ngu kutxani?
ATI HI NGA TI WONA
Jehovha a vangile mtumbuluko ni sotshe asi si ku ka wona.
Ngu tihi ti u nga ti gonda
-
Ngu tihi ati Bhiblia yi ti gondisako mayelano ni kuvangwa ka mtumbuluko?
-
Ina Jehovha a vangile siharyana asi si nga txitxa si va sihari sa hombe, mwendo a vangile txihari tximwani ni tximwani ngu lixaka la txona?
-
Ngu kuhi kuhambana ka txihari ni m’thu?
XOTA TIMWANI
Gonda ngu M’vangi wa silo ka mtumbuluko.
“Mtumbuluko wu hi gondisa txani?” (Khenjemuka! wa Setembro wa 2006)
Wona nzila ayi tate a txhamuselako ngu yona ka mfana wakwe ati Bhiblia yi tiwombako ngu kuvangwa ka silo.
Wona upune ti to gondo ya kutimahekela ka silo ya pfana ni ti Bhiblia yi ti wombako kani.
Vamwani va womba ti to wuxolisisi wa va siyentista ni maresto a silo sa kale sa mtumbuluko si seketela kutimahekela ka silo. Ina toneto ditshuri?
Makhato a wutomi—5 wa siwotiso asi hi nga si mahako (dibroxura)
