GONDO 13
Wukhongeli wa makuhu wu hambanisa vathu ni Txizimu ngu nzila muni
Aku Txizimu i ku lirando, ngu kutxani wubihi wo tala wu txi mahwa ngu vathu va wukhongeli ava va tigelako ti to va thumela Txizimu? Ngu mapswi a madotho, wukhongeli wonewo mbwa makuhu; wona wu hambanisa vathu ni Txizimu. Wu mahisa kutxani toneto? Txizimu txi tipfisa kutxani? Ni ku txi na maha txani?
1. Wukhongeli wa makuhu wu hambanisisa kutxani vathu ni Txizimu ngu tigondo ta wona?
Wukhongeli wa makuhu wu ‘phindula ditshuri da Txizimu wu di maha makuhu.’ (Varoma 1:25) Ngu txikombiso, titxhetxhe to tala kha tigondisi makholwa a tona ditina da Txizimu. Kambe Bhiblia yi womba ti to nda lisima kuthumisa ditina da Txizimu. (Varoma 10:13, 14) Ngako ku txi maheka to kari to biha vapadre ni vapaxtori va gondisa ti to ngu randa ka Txizimu. Kambe eto makuhu. Txizimu kha txi mahi wubihi. (Lera Jakobe 1:13.) Txo pandisa ngu ti to eto ti maha vathu va si txi dhundi Txizimu.
2. Wukhongeli wa makuhu wu hambanisisa kutxani vathu ni Txizimu ngu ti wu ti mahako?
Wukhongeli wa makuhu kha wu woni vathu nga ti Jehovha a va wonisako tona. Bhiblia yi womba ti to sionho sa wukhongeli wa makuhu “si tshutshutile kala nzumani.” (Mtuletelo 18:5) Kupinda malembe o tala wukhongeli wa makuhu wu txi ti pata ka ta politika ni kuseketela tiyimbi. I singa eto dwe ka dawa vathu vo tala ngu mhaka ya wona. Vapaxtori vamwani va dya kuthamba ngu kuthumisa misengo ayi yi humiswako mu ka titxhetxhe tawe. Vapaxtori vava va ti gela ti to va to rumelwa ngu Txizimu, kambe simaho sawe sa va kaneta, ni ku txi ziva Txizimu kha va txi zivi.—Lera 1 Johani 4:8.
3. Txizimu txi ti pfisa kutxani ngu wukhongeli wa makuhu?
Ngako awe u si tsakiko u txi wona to biha ati ti mahwako ngu wukhongeli wa makuhu, u alakanya to Jehovha a ti pfisa kutxani? Ene wa va dhunda vathu, ngu toneto kha tsaki mbimo yi a wonako vathangeli va wukhongeli, va txi hambanisa vathu ni nene kumweko ni ku va xanisa. Ene wa thembisa ti to wukhongeli wa makuhu wu na gumiswa ‘wu si swi wu manwa.’ (Mtuletelo 18:21) I si nga kale Txizimu txi na fuvisa wotshe wukhozeli wa makuhu.—Mtuletelo 18:8.
ENGETELA WUZIVI WAKO
Wona ti to Txizimu txi ti pfisa kutxani ngu wukhozeli wa makuhu. Gonda ati wu nga ti maha u tshumela u wona to ngu kutxani u sa fanela kutumela ti to eto ti kuhambanisa ni Jehovha.
4. Hi nga wotshe wukhongeli wu tsakisako Txizimu
Vathu vo tala va kholwa ti to wukhongeli wu fana ni tinzila to hambana-hambana ati ti hi hokisako ka Txizimu. Kambe ina toneto ditshuri? Lera Matewu 7:13, 14, mi gwita mi bhula ngu txiwotiso txiya:
-
Bhiblia yi yi txhamuselisa kutxani nzila yile yi yisako wutomini?
Xalela VHIDHIYO, mi gwita mi bhula ngu txiwotiso atxi txi londiselako.
-
Ina Bhiblia yi womba to wotshe wukhongeli wa tsakisa Txizimu?
5. Wukhongeli wa makuhu kha wu kombisi ti to Txizimu txi ni lirando
Wukhongeli wa makuhu wu hambanisa vathu ni Txizimu ngu tinzila to hambana-hambana. Yimweyo ya tinzila ngu pateka ka wona ka tiyimbi. Ti to u wona tximwetxo txa sikombiso, xalela VHIDHIYO. Mi gwita mi bhula ngu siwotiso si si londiselako.
-
Ngu tihi ati titxhetxhe to tala ti nga maha ngu mbimo ya Yimbi ya Wumbidi ya Mafu?
-
U ti pfisa kutxani ngu ti ti nga mahwa ngu titxhetxhe?
Lera Johani 13:34, 35 ni 17:16. Mi gwita mi bhula ngu siwotiso siya:
-
Jehovha a tipfisa kutxani mbimo yi titxhetxhe ti patekako ka tiyimbi?
-
Wukhongeli wa makuhu wu ni mnando ka timhaka ta tingi to biha ati ti mahekako. Ngu wuhi wufakazi u wu wonako wa ti to wukhongeli wa makuhu kha wu kombisi to Txizimu txi ni lirando?
Wukhongeli wa makuhu kha wu kombisi ti to Txizimu txi ni lirando
6. Txizimu txi lava kukhulula vathu ka wukhongeli wa makuhu
Lera Mtuletelo 18:4, a mi gwita mi bhula ngu txiwotiso txiya:
-
U tipfisa kutxani ngu kuziva ti to Txizimu txi lava kukhulula vathu ava va nga timetwa ngu wukhongeli wa makuhu?
7. Simama u gonda ngu Txizimu
Ina u fanete kutumelela ti to wukhongeli wa makuhu wu kutsivela kugonda ngu Txizimu? Alakanya ngu mwanana awu a lekako kuengisa mkongomiso wa tate wakwe. Mwanana eneyo e sunga kuhuma mtini e ya va ni mahanyelo o biha. Tate wakwe kha ma tsakeli mahanyelo oneyo o biha. Ina tate wuwa a ni mnando ngu kona ha ka mahanyelo o biha a mwanana wakwe?
-
Ngu ha kufanako, ina ta pfala kurweka mnando Jehovha se hi ema kugonda ngu ngene ngu mhaka ya mithumo yo biha ya wukhongeli wa makuhu?
NGAKO VATHU VA TXI KHONA: “Kha ni nga ni mhaka ni kukhongela nguko wukhongeli wu tisa sikarato sa singi.”
-
Awe ko u ti wonisa kutxani?
-
Ngu kutxani hi sa fanela kutumelela ti to mithumo ya wukhongeli wa makuhu yi hi hambanisa ni Jehovha?
ATI HI NGA TI WONA
Wukhongeli wa makuhu wu hambanisa vathu ni Txizimu ngu tigondo ta wona ta makuhu, ni mithumo ya wona yo biha. Txizimu txi na fuvisa wukhongeli wa makuhu.
Ngu tihi ti u nga ti gonda
-
U ti pfisa kutxani ngu ti wukhongeli wa makuhu wu ti gondisako ni ti wu ti mahako?
-
Jehovha ko, a ti pfisa kutxani ngu wukhongeli wa makuhu?
-
Txizimu txi na maha txani ngu wukhongeli wa makuhu?
XOTA TIMWANI
Wona tinzila timbidi ati ti kombisako ti to wukhongeli wa makuhu kha wu tsakisi Txizimu.
“Ina totshe titxhetxhe ta fana? Ina totshe ti hi yisa ka Txizimu?” (Msungo mhaka wu ku ka site)
Ngu kutxani Jehovha a txi lava ti to hi mu khozela hi di patani ni vamwani?
“Ina to sunga ku ni lumba mtxawa wo kari wa wukhongeli?” (Msungo mhaka wu ku ka site)
Wona ta padre awu a nga ti kanakana ngu wukhongeli wakwe, kambe eto kha ta m’tsivela kulava ditshuri mayelano ni Txizimu.
“Ngu kutxani padre wo kari a di lekile txhetxhe yakwe?” (Khenjemuka! wa Fevereiro wa 2015)
Kupinda malembe o tala wukhongeli wu txi womba makuhu ngu Txizimu. Ngu toneto vathu va wona nga Txizimu kha txi khatali ngu ngathu ni ku txi ni tshofu. Gonda ditshuri mayelano ni makuhu ya ma hambanisako vathu ni Txizimu.
“Makuhu ya ma hambanisako vathu ni Txizimu” (Muwoneleli wa 1 ka Novembro wa 2013)
a Ti to u ziva to ngu kutxani Bhiblia yi txi fananisa wukhongeli wa makuhu ni wamsikati awu a dhanwako ku i Bhabhilona wa Hombe, wona Txhamuselo yo gwitisa 1.
