GONDO 18
Hi nga ma zivisa kutxani Makristu a ditshuri
Timiliyoni ta vathu ti tidhana ku Makristu. Kambe kha va kholwi ka to fana, ni ku kha va nga ni mahanyelo aya ma fanako. Se hi nga ma zivisa kutxani Makristu a ditshuri?
1. Ti womba txani kuva Mkristu?
Kuva Mkristu ti womba kuva mgondiswa mwendo mlondeteli wa Jesu Kristu. (Lera Mithumo 11:26.) M’thu a nga kombisisa kutxani ti to m’gondiswa wa Jesu? Jesu a ti khene: “Ngako mi txi zumba ka dipswi dangu, mi na va vagondiswa vangu ngu ditshuri.” (Johani 8:31) Eto ti lava kuwomba ti to Makristu ma fanete kuengisa tigondo ta Kristu. Aku Jesu a nga ti thumisa Mibhalo mbimo yi a nga ti gondisa, Makristu a ditshuri ni ona ti lava me thumisa Bhiblia mbimo yi ma gondisako.—Lera Luka 24:27.
2. Makristu ma kombisisa kutxani lirando?
Jesu a gete tiya valondiseli vakwe: “Randanani, nga ti ani ni nga mi randisa tona.” (Johani 15:12) Jesu a kombisile ngu nzila muni ti to a ti dhunda valondeteli vakwe? Ene a ti zumba navo mbimo yo lapha a txi va vhuna ni ku va tsanisa. Ene a tshumete e ningela hambi wutomi wakwe ngu mhaka yawe. (1 Johani 3:16) Ngu ha kufanako, Makristu a ditshuri kha ma gwiteli ko womba ti to ma randana. Ma kombisa ngu ti ma ti wombako ni ngu mithumo ti to ma randana.
3. Ngu wuhi mthumo awu Makristu a ditshuri ma wu mahako konku?
Jesu a ningile mthumo valondeteli vakwe. Ene a to “va ruma kuya txhumayela Mfumo wa Txizimu ni kuhanyisa valwali.” (Luka 9:2) Makristu o khata ma si gwiteli kutxhumayela ka makhalo a wukhozeli, kambe ma ti txhumayela ni makhalo a hakubasani ni mitini. (Lera Mithumo 5:42; 17:17.) Ngu ha kufanako Makristu a ditshuri nyamsi ma gondisa Bhiblia vathu aha va manekako kona. Aku va randako vathu, va thumisa mtamo ni mbimo yawe ti to ve gondisa didungula da mu ka Bhiblia adi di ningako themba ni kutsanisa.—Marku 12:31.
ENGETELA WUZIVI WAKO
Wona kuhambana ka Makristu a ditshuri ni vale va ti dhanako ku Makristu.
4. Ona ma gonda ditshuri da mu ka Bhiblia
Makristu o khata ma ti ninga lisima Bhiblia, me txhumayela ni ku ma ti dhundana
Hi nga votshe ava va ti dhanako ku Makristu va ningako lisima ditshuri da mu ka Bhiblia. Xalela VHIDHIYO, mi gwita mi bhula ngu txiwotiso atxi txi londiselako.
-
Ngu tihi ati titxhetxhe ati ti tidhanako ku Makristu ti ti gondisako ti hambanako ni ti Jesu a nga ati gondisa?
Jesu a gondisile ditshuri da mu ka Bhiblia. Lera Johani 18:37, mi gwita mi bhula ngu txiwotiso txiya:
-
Ngu kuya ngu Jesu hi nga mzivisa kutxani Mkristu awu i ku wa “ditshuri”?
5. Makristu a ditshuri ma txhumayela ditshuri da mu ka Bhiblia
Makristu o khata ma ti ninga lisima Bhiblia, me txhumayela ni ku ma ti dhundana
Mbimo yi Jesu a nga ti si seya nzumani a ningile m’thumo valondeteli vakwe awu wu simamako wu txi mahwa kala nyamsi. Lera Matewu 28:19, 20 ni Mithumo 1:8, mi gwita mi bhula ngu txiwotiso txiya:
-
Ina mahungu a manene ma ndi no txhumayelwa makhalonyana o kari? Ona ma na txhumayelwa kala ditshiku?
6. Makristu a ditshuri ma hanya ngu ti ma ti gondisako
Nji txani txi nga kholwisa dijaha adi di dhanwako ku i Tom ti to di mani ditshuri? Xalela VHIDHIYO, mi gwita mi bhula ngu siwotiso asi si londiselako.
-
Ngu kuya ngu ti hi nga ti wona ka vhidhiyo, nji txani txi nga maha Tom e leka wukhongeli?
-
Nji txani txi nga kholwisa Tom ti to a mani ditshuri?
Mithumo nja hombe kupinda mapswi. Lera Matewu 7:21, mi gwita mi bhula ngu txiwotiso txiya:
-
Kuwomba to hi Makristu ni kukombisa ngu mithumo, ngu tihi ati i ku ta lisima ka Jesu?
7. Makristu a ditshuri ma randana
Makristu o khata ma ti ninga lisima Bhiblia, me txhumayela ni ku ma ti dhundana
Ina ta koteka ti to Makristu a ditshuri me veka haphangoni wutomi wa ona kasi kuvhikela Makristu kulowe? Xalela VHIDHIYO, mi gwita mi bhula ngu siwotiso asi si londiselako.
-
Ngu kuya ngu ti hi nga ti wona ka vhidhiyo, nji txani txi nga maha Lloyd e veka wutomi wakwe haphangoni ngu kulava kuvhikela mwanathu Johansson?
-
U alakanya ti to Lloyd a kombisile to Mkristu wa ditshuri?
Lera Johani 13:34, 35, mi gwita mi bhula ngu siwotiso siya:
-
Valondeteli va Jesu va va ñolisa kutxani vathu va matiko mamwani?
-
Va li kombisisa kutxani lirando hambi ngu mbimo ya tiyimbi?
NGAKO VATHU VA TXI KHONA: “Ti si nga ni mhaka ni ti to u wa txhetxhe yihi, txa lisima ngu kukholwa ka Jesu.”
-
Ngu wuhi m’bhalo awu u nga wu thumisako kasi ku kombisa ti to kuva Mkristu wa ditshuri kha ti gwiteli ko kholwa ka Jesu dwe?
ATI HI NGA TI WONA
Makristu a ditshuri ma hanya ngu ti ma ti gondako amu ka Bhiblia, ma kombana lirando ni kutxhumayela ditshuri da mu ka Bhiblia.
Ngu tihi ti u nga ti gonda
-
Ati Makristu a ditshuri ma ti wombako ni ku timaha ma ti mana hani?
-
Ngu yahi mahanyelo aya ma kombako ava i ku Makristu a ditshuri?
-
Ngu wuhi mthumo awu Makristu a ditshuri ma wu mahako?
XOTA TIMWANI
Gonda ngu mtxawa wa vathu ava va tikaratelako kulondisa txikombiso ni tigondo ta Kristu.
Wona nzila yi wamsikati awu i nga ti irmã a nga mana ngu yona mwaya wa ditshuri.
“Vona va ti xamula siwotiso sangu ngu kuthumisa Bhiblia! (Muwoneleli wa 1 ka Abril wa 2014)
Wona nzila ayi Makristu a ditshuri ma kombisako ngu yona lirando ka vanawe ava va ku ka sikarato.
Kuvhuna vanathu ava va nga welwa ngu tiphango—Txienge (3:57)
Gonda ngu kufana ka Makristu a kale ni a ngweno aya ma hanyako ngu tigondo ta Jesu.
“Hi nga ma zivisa kutxani Makristu a ditshuri?” (Muwoneleli wa 1 ka Março wa 2012)
