GONDO 27
Lifo la Jesu li nga hi hulukisa ngu nzila yihi?
Hotshethu ha onha, ha xaniseka ni kufa ngu mhaka ya Adhamu ni Evha va nga mbi engisa Txizimu. a Kambe hi nga totshe ti nga onheka. Jehovha a rumete mwanana wakwe Jesu Kristu ti to e ta hi khulula ka txionho ni lifo. Bhiblia yi gondisa ti to Jesu a dihete mtirulo ngu lifo lakwe. Mtirulo mtengo awu wu humiswako kasi kukhulula m’thu. Mtengo wa lisima awu Jesu a nga wu ningela, mbutomi wakwe wo hetiseka. (Lera Matewu 20:28.) Ngu kutitsakela Jesu a hi fete kasiku hi mana sotshe asi Adhamu ni Evha va nga si luza. Lifo la Jesu li tshumela li kombisa nzila yi Jehovha ni Jesu va hi randako ngu yona. Gondo yiya yi na hi vhuna kuengetela kubonga mtirulo wa Jesu.
1. Lifo la Jesu li nga hi vhunisa kutxani nyamsi?
Ngu mhaka ya ku hi nga mbi hetiseka, mbimo yimwani ha maha timhaka ati ti henyisako Jehovha. Kambe ngu mhaka ya ti Jesu a nga hi mahela, ta koteka ku hi divalelwa sionho sathu. Ngu toneto ti lava hi ti sola ngu ditshuri, hi kombela divalelo ka Jehovha ngu ditina da Jesu ni kumaha ati hi nga tikotako ti to hi si tshumeli hi maha tiphazamo toneto. Se hi txi maha toneto hi nava ni wungana wo tsana ni Jehovha. (1 Johani 2:1) Bhiblia yi womba tiya: “Kristu . . . a fite ka kumweko ngu mhaka ya sionho sanu, ene i ku wo lulama, a txi fela vale vo mbi lulama, kasi ku mi yisa ka Txizimu.”—1 Pedro 3:18.
2. Lifo la Jesu li na hi vhunisa kutxani mbimo yi yi tako?
Jehovha a rumete Jesu ti to e ta ningela ngu wutomi wakwe wa nyama wo hetiseka ‘kufela ku, votshe va va no kholwa kwakwe, va si lovi, aniko ve mana wutomi wo mbi guma.’ (Johani 3:16) Ngu mhaka ya mtirulo wa Jesu, Jehovha a na gumisa wotshe wubihi awu wu mahekako ngu kona ha ka kwambi engisa ka Adhamu. Eto ti womba to ngako hi di ni likholo ka mtirulo wa Jesu, hi na va ni lungelo yo hanya ngu ha ku si gumiko ka mafu a paradhise!—Isaya 65:21-23.
ENGETELA WUZIVI WAKO
Zama kupfisisa ti to ngu kutxani Jesu a di fite ni ku u nga wuyeliswa kutxani ngu lifo lakwe.
3. Mtirulo wa Jesu wu nga hi khulula ka txionho ni lifo
Xalela VHIDHIYO, mi gwita mi bhula ngu txiwotiso atxi txi londiselako.
-
Ngu yihi lungelo ayi Adhamu a nga yi luza ngu kwa mbi engisa Txizimu?
Lera Varoma 5:12, mi gwita mi bhula ngu txiwotiso txiya:
-
Ngu yihi wuyelo yo biha hi yi manako ngu kona ha ka txionho txa Adhamu?
Lera Johani 3:16, mi gwita mi bhula ngu txiwotiso txiya:
-
Ngu kutxani Jehovha a di rumete mwanana wakwe hamafuni?
-
Adhamu i ti m’thu wo hetiseka, kambe ngu mhaka ya kwa mbi engisa kwakwe hotshethu ha onha ni ku ha fa
-
Jesu i ti m’thu wo hetiseka ni ku ngu mhaka ya kuengisa kwakwe, hotshethu hi nga va ni wutomi wo hetiseka ni kuhanya hi si fi
4. Lifo la Jesu li nga vhuna votshe vathu
Xalela VHIDHIYO mi gwita mi bhula ngu txiwotiso atxi txi londiselako.
-
Ti kotekisa kutxani ti to lifo la m’thu mmweyo li vhuna vathu votshe?
Lera 1 Timoti 2:5, 6, mi gwita mi bhula ngu txiwotiso txiya:
-
Adhamu i ti m’thu wo hetiseka kambe ngu mhaka ya txionho txakwe votshe vathu va onha ni kufa. Jesu nene i ti m’thu wo hetiseka. Se i ngu nzila yihi ene a nga ti ningela “kasi kutirula votshe vathu”?
5. Mtirulo i ningo ya lisima ayi Jehovha a nga kuninga
Ka vangana va Jehovha mtirulo i ningo ya lisima ngutu. Ngu txikombiso, lera Vagalatiya 2:20, mi gwita mi bhula ngu txiwotiso txiya:
-
Mpostoli Paulo a ti kombisile ngu nzila yihi ti to mtirulo i ningo ya lisima?
Mbimo yi Adhamu ni Evha va nga onha, vona ni liveleko lawe va tsayisetwe lifo. Kambe Jehovha a ningete wutomi wa mwanana wakwe ti to awe u va ni lungelo yo hanya ngu ha ku si gumiko.
Mbimo yi u lerako tindimana tiya pimisa ngu nzila ayi Jehovha a nga tipfa ngu yona mbimo yi a nga ti wona Mwanana wakwe a txi xaniseka. Lera Johani 19:1-7, 16-18, mi gwita mi bhula ngu txiwotiso txiya:
-
U tipfisa kutxani ngu ti Jehovha ni Jesu va nga ku mahela?
NGAKO VAMWANI VA TXI WOTISA VA TXI: “Ti kotekisa kutxani ti to lifo la m’thu mmweyo li hulukisa votshe vathu?”
-
U nga xamulisa kutxani?
ATI HI NGA TI WONA
Ngu mhaka ya lifo la Jesu Jehovha wa divalela sionho sathu ni ku li nga tshumela li hi ninga mkhanjo wo hanya ngu ha ku si gumiko.
Ngu tihi ti u nga ti gonda
-
Ngu kutxani Jesu a di fite?
-
I ngu nzila yihi wutomi wa Jesu wo hetiseka wu nga vako mtirulo wo dingana kutirula votshe vathu?
-
Lifo la Jesu li nga ku wuyelisa ngu nzila yihi?
XOTA TIMWANI
Gonda to ngu kutxani wutomi wa Jesu wo hetiseka wu txi dhanwa ku mtirulo.
“Tikotekisa kutxani ti to lifo la Jesu li ‘tirula vo tala’?” (Msungo mhaka wu ku ka site)
Wona ati hi nga ti mahako ti to hi hulukiswa.
“Ti lava kuwomba txani ku Jesu wa hulukisa?” (Msungo mhaka wu ku ka site)
Ina Jehovha wa divalela sionho sa hombe?
“Siwotiso sa timhaka ta Bhiblia asi si nga xamulwa” (Muwoneleli wa 1 ka Maio wa 2013)
Wona nzila yi kugonda mayelano ni mtirulo wa Jesu ti nga vhuna ngu yona wamwamna wo kari ti to e txitxa wuthu wakwe.
“Kha ni swi ni dhunda wugevenga” (Msungo mhaka wu ku ka site)
a Txionho hi nga kumaha timhaka to biha dwe. Kambe ti tshumela ti txhamusela minavelo ayi hi ku nayo yo lava kumaha timhaka to biha nguku hi humako ka Adhamu ni Evha.
