GONDO 28
Bonga ati Jehovha ni Jesu va nga kumahela
U nga ti pfisa kutxani ngako mngana wako a txi kuninga prezenti yo kutsakisa? Ngu ditshuri u nga tsaka u tshumela u mkomba mngana wako to wa m’bonga ngu prezenti yoneyo. Jehovha ni Jesu va hi ningile prezenti ya lisima ngutu ayi hi nga ti si zivi ku yi amukela. Ngu yihi prezenti yoneyo? Hi nga kombisisa kutxani ti to ha yi bonga?
1. Ngu yihi nzila ayi hi nga kombisako ngu yona ti to ha m’bonga Jehovha ni Jesu ngu ti va nga hi mahela?
Bhiblia yi thembisa ti to “votshe va va no kholwa [ka Jesu]” va na hanya ngu ha ku si gumiko. (Johani 3:16) Ti womba txani kukombisa likholo? Kha ti wombi kugwitela ko tumela ka Jesu dwe. Hi nga kombisa likholo ngu ti hi ti sawulako ni ti hi ti mahako. (Jakobe 2:17) Ngako hi txi kombisa likholo lathu ngu ti hi ti wombako ni ti hi ti mahako hi na tsanisa wuxaka wathu ni Jesu kumweko ni Tate wakwe Jehovha.—Lera Johani 14:21.
2. Ngu yihi mbimo yo sawuleka ayi yi nga hi vhunako kukombisa kubonga ati Jehovha ni Jesu va nga hi mahela?
Ka wusiku wakwe wo gwita hamafuni, Jesu a gete valondiseli vakwe nzila yo kombisa kubonga digandelo dakwe. Ene a gete vagondiswa vakwe ti to ve tshangana ka tximahakalo txa lisima atxi txi dhanwako ku i “txilalelo txa Mkoma” atxi txi ziwako kambe kota Txialakanyiso txa lifo la Kristu. (1 Vakorinto 11:20) Jesu a ti lava ti to vagondiswa vakwe ni otshe Makristu a ditshuri ve khumbula ti to ene a ningete wutomi wakwe ngu ngathu. Ngu toneto a hi rumile tiya: “Mahani tiya kasi ku ni alakanya ngu tona.” (Luka 22:19) Ngako u txi ya xalela Txialakanyiso u kombisa ti to wa bonga lirando la hombe ali Jehovha ni Jesu va nga hi komba lona.
ENGETELA WUZIVI WAKO
Wona tinzila timwani ati u nga kombisako ngu tona ti to wa bonga lirando ali Jehovha ni Jesu va nga hi komba. Tshumela u wona to ngu kutxani Txialakanyiso txa lifo la Kristu i di txa lisima.
3. Tinzila to kombisa kubonga
Alakanya ngako u txo bhwabhwamela matini, se kuta m’thu e ta kunula. Ina u nga ti divala ati m’thu eneyo a nga kumahela? Ina khu na kumaha txo kari kasi kukombisa to wa m’bonga?
Hi ni themba yo hanya kala kupinduka ngu mhaka ya ti Jehovha a nga hi mahela. Lera 1 Johani 4:8-10, mi gwita mi bhula ngu siwotiso siya:
-
Ngu kutxani digandelo da Jesu i di ningo yo sawuleka?
-
U tipfisa kutxani ngu ti Jehovha ni Jesu va nga kumahela?
Hi nga kombisisa kutxani kubonga ati Jehovha ni Jesu va nga hi mahela? Lera 2 Vakorinto 5:15 ni 1 Johani 4:11; 5:3. Msana ko lera ndimana yimwani ni yimwani bhulani ngu txiwotiso txiya:
-
Ngu kuya ngu ti hi nga ti lera ka tindimana tiya, ngu tihi ati hi nga ti mahako kasi kukombisa ti to ha bonga?
4. Etetela Jesu
Nzila yimwani yo kombisa kubonga ngu etetela Jesu. Lera 1 Pedro 2:21, mi gwita mi bhula ngu txiwotiso txiya:
-
Ngu tihi tinzila ati u nga kombisako ngu tona ti to wa londeta mikondo ya Jesu?
Jesu a txi dhunda Dipswi da Txizimu, a txi txhumayela mahungu a manene ni kuvhuna vamwani
5. Xalela Txialakanyiso txa lifo la Kristu
Kasi kuziva ati ti nga maheka ka Txilalelo txo khata txa Mkoma lera Luka 22:14, 19, 20. Mi gwita mi bhula ngu siwotiso siya:
-
Kumahekile txani ka Txilalelo txa Mkoma?
-
Dipawa ni vhinya si emela txani?—Wona vhersikulo 19 ni 20.
Jesu a ti lava ti to vagondiswa vakwe ve maha Txilalelo txa Mkoma dilembe ni dilembe ngu ditshiku adi a nga fa ngu dona. Ngu toneto Tifakazi ta Jehovha ta tshangana dilembe ni dilembe kasi ku ti alakanya lifo la Jesu nga ti a nga leletisa tona. Kasi ku u gonda ati ti nga engeteleka ngu mtshangano wonewo wa lisima, xalela VHIDHIYO. Mi gwita mi bhula ngu txiwotiso atxi txi londiselako.
-
Nji txani txi mahwako ka Txialakanyiso?
Ka Txialakanyiso kuthumiswa dipawa ni vhinya kota sifanekiselo. Dipawa di emela mmidi wa Jesu wo hetiseka awu a nga wu ningela ngu kota yathu. Vhinya yi emela mnoha wakwe
NGAKO VATHU VA TXI KHONA: “Ti to u poniswa to lava u kholwa ka Jesu dwe.”
-
U nga wu thumisisa kutxani m’bhalo wa Johani 3:16 ni Jakobe 2:17 kasi kukombisa ti to kha ti lavi hi gwitela kukholwa ka Jesu dwe?
ATI HI NGA TI WONA
Hi kombisa ti to ha ti bonga ati Jesu a nga hi mahela ngu kukombisa likholo ni kumaneka ka Txialakanyiso txa lifo lakwe.
Ngu tihi ti u nga ti gonda
-
Tiwomba txani kukombisa likholo ka Jesu?
-
U nga kombisisa kutxani kubonga ati Jehovha ni Jesu va nga kumahela?
-
Ngu kutxani i di ta lisima kumaneka ka Txialakanyiso txa lifo la Kristu?
XOTA TIMWANI
Lifo la Kristu li hi kuzeta kumaha txani?
Gonda to engeteleka mayelano ni kukombisa likholo.
“Kombisa likholo lako ka sithembiso sa Jehovha” (Muwoneleli wa Outubro wa 2016)
Ka gondo ayi yi ku: “Ni tipfa ni di basile, ni tipfa ni txi hanya ni kueneliseka,” wona nzila ayi wutomi wa wamsikati wo kari wu nga txitxa ngu yona mbimo yi a nga ziva txhamuselo ya digandelo da Kristu
“Bhiblia ya txitxa wutomi wa vathu” (Muwoneleli wa 1 ka Agosto wa 2011)
Wona to ngu kutxani i di vathu vadotho va dyako dipawa ni kusela vhinya ngu ditshiku da Txialakanyiso.
