GONDO 48
Sawula vangana ngu wutxhari
Ndinene kuva ni vangana kasi ku hi tsaka navo ka timbimo ta tinene ni ku ve hi tsanisa hi di ka sikarato. Kambe Bhiblia ya hi txharihisa ti to hi nga votshe i ku vangana va vanene. Se u nga va sawulisa kutxani vangana vavanene? Alakanyisisa ngu siwotiso asi si londiselako.
1. Vangana ava u va sawulako va nga ku kuzetelisa kutxani?
Ngako hi txi heta mbimo hi txi bhula ni m’thu ka internet mwendo hi di nayo wukhalo wumwewo ti nga maha hi tekelela mahanyelo akwe. Eto ti womba to hi nga m’tekelela ka tatinene mwendo ka to biha. Ngu toneto Bhiblia yi wombako yi txi: “Hanya ni titxhari u na txhariha, aniko mngana wa siphukuphuku [i ku va va si randiko Jehovha] a na xaniswa.” (Mavingu 13:20) Vangana ava va randako Jehovha ni ku m’thumela va nga hi vhuna ti to hi va hafuhi nayo, ni kumaha sisungo sa sinene. Kambe vangana va va si dhundiko Jehovha va nga hi hambanisa nayo. Ngu toneto Bhiblia yi hi kuzetako kusawula vangana ngu wutxhari. Ngako vangana vathu va txi thumela Jehovha ha wuyelwa athu ni vona. Hotshethu ha kota ku ‘thavelelana hi txi akisana.’—1 Vatesalonika 5:11.
2. Jehovha a ti pfisa kutxani ngu vangana ava u va sawulako?
Jehovha a sawula vangana vakwe ngu wutxhari. “Txihunja txakwe [wungana] txi ni vale vo lulama.” (Mavingu 3:32) Jehovha a nga ti pfisa kutxani ngako hi txo sawula vangana ava va si m’dhundiko? A nga pandiseka ngutu! (Lera Jakobe 4:4.) Kambe ngako hi txi vayilela vangana vo biha, hi sawula vangana ava va dhundako Jehovha, ene a na tsaka ngutu ni ku a na hi sawula kota vangana vakwe.—Masalmo 15:1-4.
ENGETELA WUZIVI WAKO
Wona to ngu kutxani i di ta lisima kuziva kusawula kwati vangana. Tshumela u wona to u nga va manisa kutxani vangana ava va nga ku vhunako ku u tshukwatisa wutomi wako.
3. Tiwonele ka vangana vo biha
Vathu ava va si txi dhundiko Txizimu ni kuengisa milayo ya txona, mbangana vo biha. Xalela VHIDHIYO, mi gwita mi bhula ngu siwotiso asi si londiselako.
-
Hi nga ti patisa kutxani ni vangana vo biha na hi si ti tumbuli?
Lera 1 Vakorinto 15:33, mi gwita mi bhula ngu siwotiso siya:
-
Vangana vo zumbisa kutxani ava va nga vako vangana vo biha kwako? Ngu kutxani?
Lera Masalmo 119:63, mi gwita mi bhula ngu txiwotiso txiya:
-
Nji txani atxi u fanelako ku txi xota ngako u txi sawula vangana?
M’hando wumwewo wo sina wu nga sinisa mihando yimwani. Se m’thu mmweyo wa mahanyelo a walo a nga ku onhisa kutxani?
4. Vathu va midhawuko yo hambana va nga maha vangana va hombe
Bhiblia ya womba-womba ngu vavamna vambidi va Israyeli wa kale, i ku Jonatani ni Dhavhidha. Jonatani i ti mwanana wa Mkoma ni ku i ti wa hombe ngutu ka Dhavhidha. Hambi keto vona va ti ni wungana wa hombe. Lera 1 Samuwele 18:1, mi gwita mi bhula ngu txiwotiso txiya:
-
Ngu kutxani ti si sungi ku m’thu eva ni tanga yathu mwendo kuva ni makotelo o fana ni athu kasi ku eva mngana wathu?
Lera Varoma 1:11, 12, mi gwita mi bhula ngu txiwotiso txiya:
-
Vangana ava va dhundako Jehovha va nga tsanisana ngu nzila yihi?
Ka vhidhiyo ayi yi londiselako, wona nzila ayi dijovhem do kari di nga mana ngu yona m’ngana ka wukhalo wo nem a sa ti emela. Xalela VHIDHIYO, mi gwita mi bhula ngu siwotiso asi si londiselako.
-
Ngu kuya ngu vhidhiyo ngu kutxani vaveleki va Akil va nga ti karatekile ngu vangana ava a nga ti navo txikolwani?
-
Ngu sihi sivangelo asi si nga maha Akil e lava kuva mngana wa vafana valeya?
-
A txi xulisile kutxani txiwunda atxi a nga ti natxo?
5. Nzila yo aka wungana wa wunene
Wona to u nga va manisa kutxani vangana va ditshuri ni ti to awe u na maha txani to u va mngana wa mnene. Xalela VHIDHIYO.
Lera Mavingu 18:24 ni 27:17, mi gwita mi bhula ngu siwotiso siya:
-
Vangana va ditshuri va nga vhunana ngu nzila yihi?
-
Ina awe u navo vangana vo nga tiya? I di ti to khu nga navo, u nga va manisa kutxani?
Lera Vafilipiya 2:4, mi gwita mi bhula ngu txiwotiso txiya:
-
Ti to u mana vangana va vanene ti lava awe u va mngana wa mnene. Se u nga ti mahisa kutxani toneto?
Ti to u mana vangana vavanene ti lava awe u va mngana wamnene
NGAKO VATHU VA TXI KHONA: “Txa lisima ngu va ni vangana kha ti nga ni mhaka ni ti to va zumbisile kutxani.”
-
U nga khawe txani?
ATI HI NGA TI WONA
Mbimo yi hi sawulako kwati vangana, ha tsakisa Jehovha ni ku ha wuyelwa.
Ngu tihi ti u nga ti gonda
-
Ngu kutxani Jehovha a txi khatala ngu vangana ava hi va sawulako?
-
Vangana vo zumbisa kutxani ava hi fanelako ku va vayilela?
-
U nga mahisa kutxani wungana ni vathu vavanene?
XOTA TIMWANI
Wona to vangana vavanene va nga hi vhunisa kutxani ka timbimo to karata.
“Aka wungana wo tsana ni vanathu ma si se hoka magwito” (Muwoneleli wa Novembro wa 2019)
Wona to u nga maha txani kasi ku u maha vangana vavanene.
Ngu tihi ati u fanelako ku tiziva ngu kumaha vangana ka internet?
Ti to u wona to nji txani txi nga maha wamwamna wo kari e tshumela e xolisisa vangana vakwe, lera msungo mhaka awu wu ku: “Ni ti m’xuva ngutu tate wangu.”
“Bhiblia ya txitxa wutomi wa vathu” (Muwoneleli wa 1 ka Abril wa 2012)
