GONDO 55
Seketela dibanza dako
Hamafuni kotshe vathu vo tala va thumela Jehovha ka mabanza o hambana-hambana. Vathu vonevo va ninga lisima tigondo ati va ti manako ni ku va seketela dibanza. Ina nawe u ti pfisa toneto ka dibanza dako?
1. U nga wu thumisisa kutxani mtamo ni mbimo yako ti to u seketela dibanza?
Hotshethu hi nga vhuneta dibanzani. Ngu txikombiso, ina ku ni vanathu ava va nga kula ngu tanga dibanzani kwako, mwendo vamwani ava va lavako txivhuno? Ina u nga va vhuna ngu ku va teka u tsula navo mitshanganoni? Mwendo ku va vhuna ngu tinzila timwani to fana ni ku ya va xavela so maha txitolo mwendo ku ya hiyela mitini kwawe? (Lera Jakobe 1:27.) Hi nga tshumela hi ti ningetela ko basisa ni kuwuseta Nyumba ya Mfumo. A walo awu a sinziswako kumaha toneto. Lirando ali hi ku nalo ngu Jehovha ni vanathu la hi susumeta ku hi ‘ya kwakwe ngu kutsaka.’—Masalmo 110:3.
Tifakazi ati ti nga bhabhatiswa ti nga seketela dibanza ngu tinzila to tala. Vanathu ava va ku ni tifanelo ta tinene va nga thuma kota malanda a wuthumeli mwendo madhota. Vanathu va txisikati ni va txiwamna va nga vhuneta ngu kuthuma kota vanyaphandule. Vanathu vamwani va nga vhuneta ngu kuaka Tinyumba ta Mfumo mwendo kurura ve ya ka dibanza adi di ku ni txilaveko.
2. Hi nga si thumisisa kutxani silo sathu kasi kuseketela dibanza?
Athu hi nga “dhunda MKOMA ngu thomba” yathu. (Mavingu 3:9) Hi ni lungelo yo ningela ngu male mwendo silo simwani kasi kuseketela dibanza ni mthumo wo txhumayela hamafuni kotshe. (Lera 2 Vakorinto 9:7.) Miningelo yathu yi nga tshumela yi seketela ava va nga welwa ngu tiphango. Vamwani va mahile txisungo txo mtxima ni mtxima ve ‘phawusa ve veka ngu phuho’ male yo maha ngu yona mningelo. (Lera 1 Vakorinto 16:2.) Hi nga ningela ngu kuthumisa mabhokiso aya ma ku Nyumbani ka Mfumo mwendo online ka donate.pr418.com. Jehovha wa hi ninga mkhanjo wo kombisa lirando lathu ngu ngene ngu nzila ayi hi thumisako ngu yona silo athu.
ENGETELA WUZIVI WAKO
Xolisisa tinzila timwani ati u nga seketelako ngu tona dibanza dako.
3. Seketela dibanza ngu miningelo yako
Jehovha kumweko ni Jesu va randa ava va ningelako ngu mbilu yotshe. Ngu txikombiso, Jesu a wonisisile ngutu noni ya txisiwana mbimo yi yi nga ti maha mningelo. Lera Luka 21:1-4, mi gwita mi bhula ngu siwotiso siya:
-
Ina ti lava hi humisa ngu male ya yingi kasi kutsakisa Jehovha?
-
Jehovha ni Jesu va ti pfisa kutxani ngako hi txi ningela ti txi khukhela mbiluni?
Wona ati miningelo yathu yi thumelako tona, xalela VHIDHIYO. Mi gwita mi bhula ngu txiwotiso atxi txi londiselako.
-
Miningelo yathu yi thumisiswa kutxani ti to yi vhuna mabanza hamafuni kotshe?
4. Hi nga ti ningela ti to hi vhuneta amu ku ku ni txilaveko
Malanda a Jehovha a kale ma ti ti dhunda kukhatalela makhalo aya ma nga ti ma thumisela kukhozela Jehovha. Kambe toneto ti si pati kuningela male dwe. Lera 2 Makronika 34:9-11, mi gwita mi bhula ngu txiwotiso txiya:
-
Vaisrayeli va ti di khatalelisa kutxani Dithepele?
Kasi ku u wona to Tifakazi ta Jehovha ti txi etetelisa kutxani txikombiso txonetxo txa mu ka Bhiblia, xalela VHIDHIYO. Mi gwita mi bhula ngu siwotiso asi si londiselako.
-
Ngu kutxani i di ta lisima ku Nyumba yathu ya Mfumo yi zumba yi di basile ni kuva ka mazumbelo a manene?
-
Ngu tihi tinzila ati u nga vhunetako ngu tona?
5. Vanathu va nga maha totshe ati va ti kotako kasi kuseketela dibanza
Bhiblia yi kuzeta vavamna ava i ku Makristu ti to ve maha ati va nga ti kotako kasi ku ve seketela dibanza. Kasi kuwona txikombiso txa toneto, xalela VHIDHIYO. Mi gwita mi bhula ngu txiwotiso atxi txi londiselako.
-
Ngu kuya ngu vhidhiyo, Ryan a mahile txani kasi kuvhuneta dibanza?
Bhiblia yi hi gela tifanelo ati vanathu ava va lavako kuthuma kota madhota mwendo malanda a wuthumeli va fanelako kuva nato. Lera 1 Timoti 3:1-13, mi gwita mi bhula ngu siwotiso siya:
-
Ngu tihi tifanelo ati vanathu ava va lavako kuthuma kota malanda a wuthumeli va fanelako kuva nato?
-
Ngu tihi tifanelo ati va hamwayani kwakwe va fanelako kuva nato?—Wona vhersikulo 4 ni 11.
-
Dibanza di nga wuyeliswa kutxani ngako vanathu va txi maha ati va nga ti kotako kasi ku ve va ni tifanelo toneto?
NGAKO VAMWANI VA TXI WOTISA VA TXI: “Tifakazi ta Jehovha ti yi mana hani male ayi ti yi thumisako ka mithumo ya tona?”
-
U nga xamulisa kutxani?
ATI HI NGA TI WONA
Jehovha wa yi ninga lisima mizamo, mtamo ni silo sathu asi hi seketelako ngu sona dibanza.
Ngu tihi ti u nga ti gonda
-
Hi nga wu thumisisa kutxani mtamo ni mbimo yathu kasi ku hi seketela dibanza?
-
Hi nga si thumisisa kutxani silo sathu kasi ku hi seketela dibanza?
-
Awe u nga di vhunisa kutxani dibanza?
XOTA TIMWANI
Wona ti to ngu kutxani Txizimu txi siswi txi lava sa wugumi.
“Bhiblia yi womba txani ngu sa wugumi?” (Msungo mhaka wu ku ka site)
Bhiblia yi wombawomba ngu mithumo yi yi nga mahwako ngu mwanathu wa txiwamna wu a nga bhabhatiswa. Se kuwombwa ngako mithumo yoneyo yi di fanete kumahwa ngu mwanathu wa txisikati?
“U wu wonisa kutxani wusungo dibanzani?” (Muwoneleli wa Fevereiro wa 2021)
Ziva timwani ta Tifakazi ta Jehovha ati ti nga kombisa txibindi ni kumaha mizamo ya hombe ti to ti yisela mabhuku vanathu.
Mabhuku aya ma nga seketelwa ka Bhiblia me hoka wukhalo wa kule wa khe Congo (4:25)
Wona nzila yi mthumo wathu wu khatalelwako ngu yona ayi yi hambanako ni mamahelo a wukhongeli wumwani.
“Mthumo wa Tifakazi ta Jehovha wu seketelwa ngu txani?” (Msungo mhaka wu ku ka site)
