Ha ku bonga ngu ku u nga heta mbimo u txi gonda dibroxura diya ti to u ziva kwati Tifakazi ta Jehovha, mithumo ya tona, ni kuziva mathumelo ya sengeletano yathu. Ha themba ti to u vhunwi kuwona ti to athu ha maha kudhunda ka Jehovha nyamsi. Hi ku kuzeta ti to u simama u mana wuzivi ngu Txizimu, u gela maxaka ni vangana vako ngu ti u ti gondako, ni kusimama u maneka ka mitshangano yathu ya Wukristu.​—Vahebheru 10:23-25.

Ka ti u nga tigonda ngu Jehovha, u na wona lirando li a ku nalo ngu ngawe. Se u na gwita u wona ti to u nga m’kombisa ku txani Jehovha ti to nawe wa m’randa. (1 Johani 4:8-10, 19) U nga yi kombisa ngu nzila yihi minavelo yoneyo ditshiku ni ditshiku? Hi nga londetelisa ku txani milayo ya Jehovha ya mahanyelo? Ni ku, nji txani atxi txi nga ku vhunako kumaha kudhunda ka Txizimu kumweko ni nathu? Awu a ku gondelako Bhiblia ti na m’tsakisa ti to e ku vhuna kumana tixamulo ti to awe ni mwaya wako mi “tiveketa lirandoni ka Txizimu, . . . kasiku mi mana wutomi wo mbi guma.”​—Judha 21.

Ha kuramba ngu manza mambidi ti to u simama u kula ka ditshuri ngu kugonda dibhuku ‘Mantenha-se no Amor de Deus’.