Lungisela kwati txienge txako. Zama kupfisisa kwati msungo wa mhaka ti to u kota ku ya txhamusela kwati ngu nzila yo hehuka ngu kuthumisa mapswi ako.

Thumisa mapswi o koma ni o hehuka. Hambiko i ku ta tinene kulaphisela, komisa mapswi ako ti to u txhamusela misungo ya timhaka.

Txhamusela mapswi o mbi toloveleka. U nga thumisi mapswi aya ma nga mbi tolovelwa ngu vaengiseli vako. Ngako u txi womba dipswi do kari di di nga mbi tolovelwa, kufana ni ditina da mu ka Bhiblia, mipimo ya txikale mwendo mkhuwo wo kari, gwita u ningela txhamuselo.