Vhuna vaengiseli vako ve ti xolisisa. Maha siwotiso asi si si laviko xamulo, ti to si vhuna vaengiseli kuxolisisa matipfelo awe.

Txhamusela txikongomelo txa txinene. Kuzeta vaengiseli vako ve wona ti to ngu kutxani va txi maha ati i ku ta tinene. Va vhune ku ve maha to maha ngu txikongomelo txa txinene i ku: Lirando ngu Jehovha, vathu vamwani, ni kuranda tigondo ta Bhiblia. Maha nga wo bhula ni vaengiseli vako i si nga ku varuma kumaha to kari. Hahanze ko tipfa va di swirekile, ngu magwito va na tipfe va di tsanisilwe ni ku kuzetwa kumaha ta tinene.

Va vhuni ve wona Jehovha. Junyatisa nzila yi tigondo ta mu ka Bhiblia, matshina a Milayo, sirumo si kombisako ngu yona tifanelo ta Jehovha ni lirando lakwe ngu ngathu. Vhuna vaengiseli vako ve navela kupfisisa matipfelo a Jehovha ni ku m’tsakisa.