Lulamisela kha kwati. Hahanze ko thava, maha mkombelo ka Jehovha kasiku e kuvhuna u veka mialakanyo yako ka didungula dako. Veketa ha msungo timhaka ta lisima ti u lavako ku ti gondisa. Txhamusela timhaka ngu mapswi ako, i si nga kulera ti ti nga bhalwa.

Womba-womba ti txi huma mbiluni. Alakanya ti to ngu kutxani vaengiseli vako va di fanete kupfa didungula donedo. Va khatalele. Mazumbelo, maemelo, ni khohe yako si na mahe ve ti wona ti to u bhula navo ti txi huma mbiluni ni ku wa va dhunda.

Wonetela vaengiseli vako. Ngako ti di tolevelekile, wonetela va u womba-wombako navo. Ngako u txi veka m’womba-wombo, wona khohe ya mmwani ni mmwani i si nga ku va wona kota mtxawa.