BHABHATISO Mabhanku aya ma nga vekelwa ava va yako ku bhabhatiswani ma na maneka masoni ka txiluvelo. Va va yako ku bhabhatiswani va nava va di khalahatshile ka wukhalo wu va nga vekelwa wona na m’wombawombo wa bhabhatiso wu si nze ku khata ngu Mlongiso ni mixo. Mmwani ni mmwani a fanete eta ni dithawula ni siambalo so xonipheka so wulela ngu sona matini.

KULAMULELA TIPHANGO Hi kombela u alakanya to hofisi yiya yi thumisana ni timhaka to LAMULELA TIPHANGO DWE.

MABHANKU Hi kombela u alakanyela vamwani. Alakanya ti to, wukhalo wu vekelwa basi ava u endako navo ka mmovha wumwewo, ava u zumbako navo m’tini mwendo ava u gondako navo Bhiblia. Hi kombela ti to u si veki simaha ka wukhalo wu u no mbi zumba ka wona.

MININGELO Ku thumile male ya yingi, kulungiselela wukhalo wuwa, mitxhini yo guleta mapswi ni mithumo yimwani ya yingi yi yi nga maha to ti tsakisa kumaneka ka mitshangano ni ku hi vhuna ku hi tshuketela ka Jehovha. Miningelo ya wena ya ku ti dhundela, yi vhuna kuhakela sotshe eso ni ku, yi vhunetela mthumo wa mafuni kotshe. Ti to u hehukelwa, ku ni mibhalo yo woneka kwati ka makaxa, ka otshe madhawa a wukhalo wuwa. Miningelo yotshe ya bongeka ngutu. Mmidi wu wu Fumako wu tsakela ku mi bonga ngu wuha wanu wu wu vhunetelako ka silaveko sa Mfumo.

MTHUMO WO MAHA NGU KU TITSAKELA Ngako u txi tsakela kuvhuneta ka mithumo ya mtshangano, hi kombela u ti zivanekisa ka hofisi ya mthumo wo maha ngu kutitsakela.

SO MWALALA NI SO ROLWA Sotshe simaha si si nga rolwako si nga yiswa ka Hofisi ya so Mwalala ni so Rolwa. Idi ti to u mwalatile so kari, yana ka hofisi yiya u ya xola si si ku lumbako. Vanana va va nga mwalalela vaveleki vawe, va nga yiswa ni vona ka hofisi yiya. Hambi keto, kha yi faneli ku wonwa nga wuxayiselo wa vanana. Hi kombela mi xayisa vanana vanu ni ku mi zumba navo.

VAXUNGAMETI Vona va vekilwe ku ku vhuna. Hi kombela u thumisana kwati navo ngu kulondeta wukongomisi wawe ku emisani ka mimovha, ku tsimbitiswa ka vathu vavangi, kuvekisa makhalo ni timhaka timwani.

TXIKOLWA TXA VATXHUMAYELI VA MFUMO Vanyaphandule va va ku hagari ka malembe a 23 ni 65 na va txi tsakela ku engetela mthumo wawe, va rambwa ku ya maneka ka mtshangano wa va va tsakelako ku ya txikolwani txa Vatxhumayeli va Mfumo ngu Sonto ni mitshikari. Mbimo ni wukhalo wa kona si na ziviswa.