MUWONELELI—WA GONDO Junho wa 2020
Direvhista diya di na ni misungo ya timhaka ayi yi no gondwa ngu 3-30 ka Agosto wa 2020.
Ditina dako di na basiswe
Gondo 23: 3-9 ka Agosto wa 2020. Ka vathu ni tingelozi, ngu yihi mhaka ayi i ku ya lisima? Ngu kutxani i di ya lisima ni ku ti mahisa kutxani ku athu hi pateka? Kupfisisa tixamulo ta siwotiso soneso ni simwani asi si yelanako naso ti na hi vhuna kutsanisa wuxaka wathu ni Jehovha.
Ni ninge mbilu yimweyo kasi ku ni thava ditina dako
Gondo 24: 10-16 ka Agosto wa 2020. Ka msungo wuwa hi na bhula ngu ti Dhavhidha a nga bhala ka mkombelo wakwe wu wu ku ka Masalmo 86:11, 12. Hi na bhula ngu siwotiso siya: Ti womba txani kuthava ditina da Jehovha? Ngu sihi sivangelo hi ku naso so hi xonipha ngutu ditina dakwe do xamalisa? Kuthava Txizimu ti nga hi vhikelisa kutxani ka siduko?
Tixamulo ta siwotiso sa vagondi
Ina tifanelo ti ti ku ka Vagalatiya 5:22, 23 ngu tona dwe i ku “mihando ya Moya”?
“Ani nipune, ni na lava tinvuta tangu.”
Gondo 25: 17-23 ka Agosto wa 2020. Vamwani ava va nga thumela Jehovha ngu malembe o tala va emile ku mu thumela. Ngu kutxani? Txizimu txi ti pfisa kutxani ngu vona? Msungo wuwa wu na xamula siwotiso soneso. Hi na tshumela hi bhula ngu ti to hi nga gonda txani ka nzila yi Jehovha a nga vhuna ngu yona vathu ka timbimo ta Bhiblia ava va nga ema ku mu thumela ngu mbimo yo kari.
“Tshumelelani kwangu”
Gondo 26: 24-30 ka Agosto wa 2020. Jehovha a lava ku votshe va va nga hola ngu didhawa da moya ve tshumelela kwakwe. Ndingi ti hi nga ti mahako ti to hi vhuna mmwani ni mmwani awu a tumelako txirambo txa Jehovha txo: “Tshumelelani kwangu.” Ka msungo wuwa hi na wona tinzila to va vhuna ku ve wuya ka Jehovha.
