GONDO 23
“Ti woneleni kasiku ni wammweyo a si mi mahi tikhumbi”!
“Ti woneleni kasiku ni wammweyo a si mi mahi tikhumbi ngu mawombelo a marindi a wutxhari wa vathu, ngu kulondetela siheno sa vathu.”—VAKL. 2:8.
NDANDO 54 “Nzila ngu yona yi”
ATI HI NO TI GONDA *
1. Ngu kuya ngu Vakolosa 2:4, 8, Sathani a zama ku hi maha tikhumbi ngu nzila muni?
SATHANI a bhisi ngu kulava ku hi hambanisa ni Jehovha. Ti to e sikota kumaha toneto, a zama kutxitxa mapimiselo athu e hi maha tikhumbi takwe ni ku a lava ku hi mu engisa. Ene a zama ku hi kanganyisa ngu kulondola minavelo yathu yo lava kutsakisa nyama.—Lera Vakolosa 2:4, 8.
2-3. a) Ngu kutxani hi di fanete kuriya nzeve ka mapswi ya ma ku ka Vakolosa 2:8? b) Hi na gonda txani ka msungo wuwa?
2 Ina ngu ditshuri nathu hi nga xengetelwa ngu Sathani? Inna! Khumbula to ati ti ku ka Vakolosa 2:8, Paulo kha bhalela vathu va va nga si zivi ditshuri. Ene a bhalete Makristu ya ma nga ti sawutwe ngu moya sawuleka. (Vakl. 1:2, 5) Kufana ni Makristu a kale ma nga ti ka phango, nathu hi ka phango ya hombe ngutu kupinda kale. (1 Vak. 10:12) Ngu kutxani? Sathani va mrinzile ha mafuni se a maha totshe kasi kuxenga malanda a Txizimu o thembeka. (Mtu. 12:9, 12, 17) Tximwani ngu ti to hi hanya ka timbimo ti vathu vo biha ni vaxengeteli va yako “masoni ngu kumaha wubihi.”—2 Tim. 3:1, 13.
3 Ka msungo wuwa hi na bhula ngu nzila yi Sathani a thumisako ngu yona “wutxhari wa vathu” kasi kutxitxa mapimiselo athu. Hi na wona 3 wa “siduko,” mwendo tipulani ti ati thumisako. (Vaef. 6:11) Ka msungo wu wu londiselako, hi na xolisisa tinzila ti hi nga dulako ngu tona mapimiselo awalo a marindi a Sathani aya hi nga vako nawo. Txo khata, hi wone to hi nga gonda txani ka nzila yi Sathani a nga xenga ngu yona vaisrayeli msana kova va di wulete ka Ditiko da Txithembiso.
SATHANI A XENGILE VAISRAYELI VE KHOZELA SIZIMU SA WALO
4-6. Ngu kuya ngu Dhewuteronome 11:10-15, ngu kuhi kutxitxa ka madimelo aku Vaisrayeli ti nga lava ve kugondela mbimo yi va nga bela ka Ditiko da Txithembiso?
4 Ngu kuthumisa tipulani Sathani a xengile Vaisrayeli ve khozela sizimu sa walo. A mahisile kutxani? A londote txilaveko txawe txo lava sakudya. Mbimo yi Vaisrayeli va nga bela ka Ditiko da Txithembiso ti lavile ve txitxa madimelo. Mbimo yi va nga ti Egipta va ti theleta tithembwe tawe ngu mati o huma ka mnambo wa Nilo. Kambe, madimelo ka Ditiko da Txithembiso i si nga kutheletela mati o ya rekwa mnamboni, kambe owa ngu nzumani kupata ni txandela. (Lera Dhewuteronome 11:10-15; Isaya 18:4, 5) Ngu toneto Vaisrayeli ti lavile ve gonda madimelo a maphya. Kambe eto ti ndi na karata ngutu, nguko ava va nga ti ziva kudima va ti fite txiwulani.
Sathani a ti kotisile kutxani kuxenga Vaisrayeli va va nga di ni ti thembwe? (Wona tindimana 4-6) *
5 Jehovha a va txhamusete ti to se txiemo txi di txitxile. Se a va ningile txialakanyiso atxi txi nga txi woneka nga kha txiyelani ni kudima, a ti khene: “Tiwoneleni timbiluni kwanu, mi si phazami, mi txi hambukiswa, mi ya khozela simwani sizimu, mi txi khizama masoni ka sona.” (Dhewut. 11:16, 17) Ngu kutxani Jehovha a di ningete txialakanyiso txo yelana ni wukhozeli wa walo kuve a ti womba-womba ngu kudima?
6 Jehovha a ti ti ziva to Vaisrayeli va ndi na kuzetelwa kugonda madimelo a maphya ka matiko a wukhozeli wa walo. Vathu va Mit. 25:3, 5; Val. 2:13; 1 Vafu. 18:18) Wona nzila yi Sathani a nga xenga ngu yona Vaisrayeli.
matiko onewo va ti wu ziva kwati mthumo wo dima kupinda Vaisrayeli, se vathu va Txizimu va ndi na gonda to tala ta wudimi, kambe ku ti ni phango. Mapimiselo a vathu va Kanana ma ti seketetwe ka wukhozeli wa Bhahali. Bhahali a ti tekwa kota nyamme wa nzuma ni mwisi wa mati. Jehovha a si ti lavi ku vathu vakwe ve kanganyiswa ngu wukhozeli wa walo. Kambe, mbimo yo tala Vaisrayeli va sawute kukhozela Bhahali. (TIPULANI TIRARU ATI SATHANI A NGA TI THUMISA TI TO E BZWETA VAISRAYELI
7. Ngu tihi ti Vaisrayeli va nga manana nato ka Ditiko da Txithembiso ati ti nga duka likholo lawe?
7 Pulani yo khata yi Sathani a nga yi thumisa ngu londola txilaveko txawe txa mtumbuluko txo nelwa ngu nzuma. Ka Ditiko da Txithembiso ku siwi mati kukhukhela Abril kala Setembro. Kasi ku ve mana wutomi ni kupfuna ti txi lava ve rinzela mati ayawa ma nga txi wa ngu mtxima wa Outubro. Sathani a xengetete Vaisrayeli ve kholwa taku kasi ku ve humelela ti ndi na lava ve belela wukhozeli wa walo wa matiko ale. Wukhozeli wa kona wu txi pata kukholwa ti to kumaha sihena so kari ti ndi na maha ku sizimu soneso si wisa mati. Ava va nga ti txhotelwa ngu likholo ka Jehovha va ti kholwa ka sihena soneso kasi ku mewa mati. Se va belete sihena sa walo so dhumisa Bhahali.
8. Ngu yihi pulani ya wumbidi ayi Sathani a nga yi thumisa? Txhamusela.
8 Sathani a tshumete e thumisa pulani ya wumbidi. A londote minavelo yawe ya ta mataho. Wukhozeli wa vathu vamatiko wu ti pata simaho so yila ni ku nyenyeza sa ta mataho. Ka simaho soneso ku ti pata magelegele a vavasikati ni vavamna. Vathu va ti tumelelwa kumaha ta mataho i di va limbewu limwelo ni ku va txi ti wona ti sa biha! (Dhewut. 23:17, 18; 1 Vaf. 14:24) Vakhozeli va kona va ti kholwa ti to sihena soneso si ti maha ku sizimu sawe si wisa mati. Vaisrayeli vo tala va londisete sihena soneso sa wubhemba ni ku va ti lekile ve kanganyiswa ve za ve ya khozela sizimu sa walo. Phela ngu ditshuri va txo bela wukhumbini ka Sathani.
9. Ngu kuya ngu Hoseya 2:16, 17, Sathani a mahile Vaisrayeli ve divala ditina da Jehovha ngu nzila yihi?
9 Sathani a thumisile pulani ya wuraru. A va mahile ve divala ditina da Jehovha. Ka masiku a mprofeti Jeremiya, Jehovha a wombile a txi khene vaprofeti va makuhu va mahile ti to vathu Vakwe ve divala ditina Dakwe ngu “mhaka ya Bhahali.” (Jer. 23:27) Ti woneka nga vathu va Txizimu va emile kuthumisa ditina da Jehovha ve di vhaleta ngu ditina da Bhahali adi di wombako ku “Nyamne.” Eto ti ndi na maha ku vona va si swi ve tikota kuhambanisa Jehovha ni Bhahali, se ti va hehukela kupatanisela sihena sa Bhahali ni wukhozeli wa Jehovha.—Lera Hoseya 2:16, 17.
NGU YAHI MARINDI A SATHANI NYAMSI?
10. Ngu tihi tipulani ati Sathani ati thumisako nyamsi?
10 Nyamsi Sathani a thumisa tipulani ti ti fanako. A bzweta vathu ngu kulondola minavelo yawe ya mtumbuluko, kuseketela wubhemba, ni kumaha ku vathu ve divala milayo ya Jehovha. He woni ti to Sathani a mahisa kutxani to vathu ve divala Jehovha.
11. Sathani a mahisa kutxani ti to vathu ve divala Jehovha?
Mith. 20:29, 30; 2 Vat. 2:3) Vakanganyisi vonevo va khatile kutimeta ditshuri mayelano ni Txizimu txa ditshuri. Ngu txikombiso va thavisile ditina da Txizimu mu ka Bhiblia ve di vhaleta ngu txithopo txi txi ku “MKOMA.” Aku va nga thavisa ditina da Txizimu, vagondi va Bhiblia ti va karatete kuhambanisa Jehovha ni “Vakoma” vamwani va wombwako mu ka Bhiblia. (1 Vak. 8:5) Ka Mabhiblia o tala va thumisile dipswi “Mkoma” va txi womba Jehovha ni Jesu, eto ti mahile ku tikarata kupfisisa ti to Jehovha ni Mwanana wakwe va hambana. (Joh. 17:3) Vhilinganya yiya yi wusile gondo ya ti to ku ni sizimu siraru ka wukhalo wa wumwewo i ku gondo yo mbi seketelwa ka Bhiblia. Ngu toneto, ka vathu vo tala Txizimu kha txi zivaneki ni ku kha ti koteki ku txi ziva. Eyo makuhu!—Mith. 17:27.
11 Sathani a maha ku vathu ve divala Jehovha. Msana ka kufa ka Vapostoli va Jesu vathu vamwani va nga ti ti gela ku Makristu va khatile kuhangalasa tigondo ta makuhu. (Sathani a thumisisa kutxani wukhongeli wa makuhu kasi kuseketela wubhemba? (Wona ndimana 12) *
12. Ngu tihi ti wukhongeli wa makuhu wu ti seketelako? Ngu kuya ngu Varoma 1:28-31, ngu yihi wuyelo?
12 Sathani a londola minavelo ya walo ngu ta mataho. Ka timbimo ta Israyeli, Sathani a thumisile wukhongeli wa makuhu kasi kuseketela wubhemba. Nyamsi, a maha ti ti fanako. Wukhongeli wa makuhu wu tumelela ni ku seketela kutiñola ko biha ngu ta mataho. Ngu toneto, vo tala va va ti gelako ku va khozela Txizimu kha va londiseli milayo yi yi yelanako ni ta mataho. Mpostoli Paulo a bhalete Varoma wuyelo ya kona yo seketela wubhemba. (Lera Varoma 1:28-31.) Wubhemba timweto ka ti “ti si lavekiko” tipatako kutekana ka vathu va limbewu limwelo. (Var. 1:24-27, 32; Mtu. 2:20) Ti ni lisima ngutu kuengisa mkongomiso wa mu ka Bhiblia!
13. Ngu yihi pulani yimwani ayi Sathani a yi thumisako?
13 Sathani a londola silaveko sathu sa mtumbuluko. Ngu mtumbuluko wathu ha ti lava kugonda to kari kasi ku ti dyisa ni kuxayisa maxaka athu. (1 Timoti 5:8) Ka makhambi o tala hi nga gonda mithumo ngu kuya txikolwani, ni ku ti ningetela ko gonda. Kambe ti lava hi ti wonela. Ka matiko a mangi sikolwa kha si gondisi mithumo yo kari dwe, kambe si tshumela si gondisa tifilozofiya ta vathu. Vagondi va kuzetelwa kwa mbi kholwa to Txizimu txi ho ni kutshumela ve eyisa Bhiblia. Vagondi va gelwa ti to gondo ya ku ti mahekela ka silo ngu yona xamulo yo tsana ya kutumbuluka ka silo. (Var. 1:21-23) Tigondo toneto ti lwisana ni “wuzivi wa wuzimu.”—1 Vak. 1:19-21; 3:18-20.
14. Wuzivi wa vathu wu kuzetela txani?
14 Wuzivi wa vathu wu eyisa milayo ya Txizimu. Wuzivi wonewo kha wu dyisi mihando ya moya, kambe wu dyisa “mithumo ya mtumbuluko wa nyama.” (Vag. 5:19-23) Wu tshumela wu kuzetela kutiguleta, ngu toneto vathu mbo “tiranda vapune.” (2 Tim. 3:2-4) Vathu va Txizimu kha va fanela kusakulela tifanelo tiya to biha. (2 Sam. 22:28) Makristu mamwani aya ma nga ya Universidade ma txitxilwe mapimiselo awe, me pimisa nga vamatiko i si nga mapimiselo a Txizimu. He wone txikombiso txa ti ti nga mahekako hi si engisi sialakanyiso siya.
Tifilozofiya ta vathu ti nga xengetelisa kutxani mapimiselo athu? (Wona tindimana 14-16) *
15-16. U gonda txani ka ti nga humelela mwanathu mmwani wa txisikati?
15 Mwanathu mmwani wa txisikati awu a ku ka mthumo wa mbimo yotshe kudingana 15 wa malembe a womba tiya: “Kota m’thu wu ni nga bhabhatiswa, ni ti khumbula ti ni nga nga lera mayelano ni phango yi yi kuho ko londisela sikolwa sa hombe, kambe kha na engisa. Ni ti ti wona ti si lumbi ani.” Se i ve yihi wuyelo? A
khene: “Sigondo sangu si txi ni dyela mbimo ni mtamo ha ko za ni pwata ni mkama wo maha mkombelo kufana ni kale, ni ti pwata ni mbimo yo bhula ni vamwani ngu ta Bhiblia, ni yo lulamisela mitshangano. Njombo ya kona, mbimo yi ni nga wona to se wuxaka wangu ni Jehovha wa fa ngu mhaka ya Universidade, ni to si leka.”16 Sikolwa soneso sa hombe si gwesisile kutxani mapimiselo akwe? Ene a womba tiya: “Ni tipfa ni tingana kuwomba ti to sikolwa siya si ni mahile ni va ni moya wo sola-sola vamwani, ngutu-ngutu vanathu ni ku ni txi ti maha nyatxokhe. Ti tekile mbimo kasi ku ni dula tigondo toneto. Se ni ti woni to ku ni phango ya hombe ngutu kwa mbi riya nzeve ka sialakanyiso si Tate wathu wa nzumani a hi ningako ngu kuthumisa sengeletano yakwe. Jehovha a ti ni ziva kutshukwala kupinda ani nipune. I di tshuko ngutu kuva ni di engisile!”
17. a) Hi fanete hi tiemisela kwa mbi maha txani? b) Hi na gonda txani ka msungo wu wu londiselako?
17 Tiemisele kwa mbi mahwa ‘khumbi ngu mawombelo a marindi a wutxhari wa vathu’ va mafu awa a Sathani. Mbimo yotshe zumba u di ma tute, u nga kanganyiswe ngu marindi a Sathani. (1 Vak. 3:18; 2 Vak. 2:11) U nga mu tumelele e kumaha u divala Jehovha. Hanya ngu milayo ya Jehovha. U nga leke Sathani e kuxenga u divala sialakanyiso sa Jehovha. Se u nga maha txani ngako u txi tumbula to u tshapetwe ngu mtungu wuwa? Msungo mhaka wu wu londiselako wu na hi komba tinzila to hasamula ngu tona “makungo a mipalavanya” ka mialakanyo ni ka simaho.—2 Vak. 10:4, 5.
NDANDO 49 Kutsakisa mbilu ya Jehovha
^ par. 5 Sathani txipila ko mphutisa vathu. A timetile vathu vo tala ve pimisa to va khululekile kuveti kha ditshuri tikhumbi. Ka msungo wuwa hi na wona tinzila ati Sathani a kanganyisako ngu tona vathu.
^ par. 48 TITXHAMUSELO TA MIFOTA: Vaisrayeli va txi sakana ni Vakanana, ve dukwa kuya khozela Bhahali ni kumaha wubhemba.
^ par. 51 TITXHAMUSELO TA MIFOTA: Plaka ya wukhongeli yi kombisako to vathu va nga khozela Txizimu ati va ti lavisako tona.
^ par. 53 TITXHAMUSELO TA MIFOTA: Mwanathu wa txisikati a di Universidade. Ene ni vagondi kulowe va gonda to siyensiya ni tekonologiya si nga lulamisa sikarato sa vathu. Msana ka kona a di mitshanganoni a si renderi ni ku sola-sola vanathu.