MUWONELELI—WA GONDO Março wa 2017
Direvhista diya di ni misungo ya timhaka ayi yi no gondwa kukhukhela ngu 1-28 ka Maio wa 2017.
Dhumisa wu ti mfanelako
I mani awu a fanelwako ngu kudhumiswa, ni ku ngu ku txani? U nga wuyelwa ngu nzila yihi u txi komba txithavo vamwane?
Kombisa likholo u maha sisungo sa wutxhari!
Sisungo asi u si mahako ti na lava u wonisana ni wuyelo ya kona ka wutomi. Nji txani atxi txi nga kuvhunako kumaha sisungo sa wutxhari?
Thumela Jehovha ngu mbilu yotshe!
Asa, Josafati, Ezekiya ni Josiya i nga ti vakoma va Judha, votshe va mahile sihoxo. Hambiketo, Txizimu txi va woni kota ava va txi thumelako ngu mbilu yotshe. Ngu ku txani?
Gonda ka sikombiso sa kale
U nga gonda timhaka ta lisima ka tiphazamo ta vamwane, kupata ni ti ti nga bhalwa mu ka Bhiblia.
MATIMU
Ni wuyetwe ngu kutsimbila ni vathu vo txhariha
Ka malembe o tala aya mwanathu William Samuelson a nga ma heta ka mthumo wa mbimo yotshe, a ve ni siavelo so karata kambe si txi tsakisa.
Ditina da mu ka Bhiblia di nga bhalwa ha ka txidhuwana txa kale
Sirengele si si ku ni 3.000 wa malembe sa txidhuwana txi txi nga manwa ngu 2012 txi tsakisile vaxolisisi. Nji txani txi nga maha ti to mhaka yiya yi tsakisa?
