“Wu nate Mfumo wako”—Mkombelo wu wu mahwako ngu timiliyoni ta vathu
Ina u khala kukombela ti to Mfumo wa Txizimu wuta? Kupinda mazana a mazana a malembe, timiliyoni ta vathu ti txi womba mapswi awa: “Wu nate Mfumo wako.” Ngu kutxani vathu va txi khongela ngu nzila yiya? Nguko Jesu a gete valondeteli vakwe ti to ve khongelela Mfumo wa Txizimu.
Makhatoni, valondeteli va Jesu kha va pfisisa txilo ka totshe ti a nga womba mayelano ni Mfumo. Vona va wotisile va txi: “Mkoma, ina ngu yona yi mbimo u lavako kuwusa mfumo wa Israyeli, kani?” Kutilava va xamate nguko Jesu a nga mbi va ninga xamulo yo kongoma. (Mithumo 1:6, 7) Ina eto ti lava kuwomba ti to hi nge zivi txilo mayelano ni Mfumo wa Txizimu? Ahim-him!
Muwoneleli wuwa a na hi vhuna kuxamula siwotiso si si londiselako:
Ngu kutxani hi txi lava Mfumo wa Txizimu?
I mani Mkoma wa Mfumo wa Txizimu?
Ngu yihi mbimo yi Mfumo wa Txizimu wu no khata kufuma ha mafuni?
Ngu tihi ti Mfumo wa Txizimu wu no ti maha?
Ngu kutxani hi di fanete kuseketela Mfumo wa Txizimu konkuwa?
Nji txani Mfumo wa Txizimu?
