Kufana ni wungi wathu, nawe ti nga maha ti ku karatela kukhumbula ati u nga ti gonda. Ina wa yi wona nzila yi ti hehukako ngu yona kukhumbula sikombiso sa Jesu? Ta koteka ku hi si wona ngu maso ya mialakanyo, se eto ta hi vhuna ku hi khumbula ati a nga ti gondisa. Ngu ha kufanako, khumbula ati u ti gondako ngu ku u zama ku ti wona ngu maso a mialakanyo. U nga ti mahisa kutxani toneto? Dhezenyara mbimo yi u gondako.

Vathu ava va dhezenyarako mbimo yi va gondako ta va hehukela kukhumbula ati va nga gonda. Kudhezenyara ti va vhuna kukhumbula tipontu ta lisima ati va ti gondako. Ati u ti dhezenyarako kha ta fanela ku i va timhaka to xamatisa, kambe ku fanete ku va timhaka ati ti no kuvhuna kukhumbula ati u ti gondako. Kudhezenyara ti vhuna ngutu ava va nga kula ngu tanga ku ve khumbula ati va nga ti gonda.

Ka dikhambi adi u no gonda, duketa kudhezenyara ati u nga ti gonda. U na xamatiswa ngu nzila yi u no khumbula ngu yona ati u nga ti gonda.