Ina, ngako va txi heta wusiku va di votshe ku si nga ni txivangelo txo pfala, njikombiso txo pfala txa ti to va tiñote kubiha ngu ta mataho. Ngu toneto, ngako ku si nga ni txivangelo txo pfala, komisawu ya wulamuli ya laveka.—1 Vakorinto 6:18.

Mmidi wa madhota wu na xolisisa mhaka kha kwati kasi kuwona ti to komisawu ya wulamuli ya laveka kani. Ngu txikombiso, wu nga alakanyisisa ngu siwotiso siya: Ina mbathu va va nga wutana? Ina va ta nga laywa ngu madhota ngu ti va ñolanisako tona? Ngu kutxani va di hetile wusiku votshe? Ina va to langana? Ina ku ti ni nzila yimwani, mwendo ku to humelela to maha se ve tandeka ti to va na maha txani, to fana ni tximahakalo txo mbi rinzelwa mwendo timwani ati ti nga maha ti to ku si nga ni yimwani nzila hahanze ko zumba votshe wusiku wotshe? (Ekleziyaste 9:11) Va otete hani? Siemo sa hambana, se ti nga va ho timwani ati ti no vhuna madhota ti to me maha txisungo.

Msana ko mmidi wa madhota wu xolisisa totshe tiya, wu na sunga ti to komisawu ya wulamuli ya laveka kani.