Ngu kutxani hi txi ya masoni hi txi “veleka mihando yo tala”
“Tate wangu a na dhumiswa, ngako mi txi veleka mihando yo tala, mi maha vagondiswa vangu.”—JOHANI 15:8.
TINDANDO: 145, 144
1, 2. a) Nji txani atxi Jesu a nga gela vapostoli vakwe ka wusiku wu a ndino fa ngu wona? (Wona mfota wu wu ku makhatoni.) b) Ngu kutxani ti di ni lisima kukhumbula ti to ngu kutxani hi txi txhumayela? c) Hi na bhula ngu txani ka msungo wuwa?
KA WUSIKU awu Jesu a ndino fa ngu wona, ene a bhulisanile ni vapostoli vakwe. A va tsanisile ti to wa va randa ngutu. A tshumete e va gela txidinganiso txa mndonga wa m’vhinya, txile hi nga bhula ngu txona ka msungo wu wu nga pinda. Jesu a ti lava kutsanisa vagondiswa vakwe ti to ve ya masoni va txi “veleka mihando yo tala,” i ku ti to, ve tsanisela ka mthumo wo txhumayela madungula a Mfumo.—Johani 15:8.
2 Hambiketo, Jesu a gete vagondiswa vakwe i singa ati va nga ti fanete ve ti maha basi, kambe ni ti to ngu kutxani va di fanete ve ti maha. A va ningile txivangelo txo ya masoni ve txhumayela. Nathu ti ni lisima kukhumbula ti to ngu kutxani hi di fanete hi ya masoni hi txhumayela. Hi txi alakanyisisa ngu tiya, ti na hi kuzeta kutsanisela mbimo yi hi ningelako “wufakazi ka yotshe mifumo.” (Matewu 24:13, 14) Ka msungo wuwa, hi na bhula ngu muni wa sivangelo sa mu ka Bhiblia sa ti to ngu kutxani hi txi txhumayela. Hi na tshumela hi bhula ngu muni wa tiningo ati ti tako ngu ka Jehovha ati ti hi vhunako ku ya masoni hi txi veleka mihando.
HI DHUMISA JEHOVHA
3. a) Ngu ku ya ngu Johani 15:8, ngu txihi txivangelo txa hombe txo txhumayela? b) Ka txidinganiso txa Jesu, mauvha ma emela txani? Se ngu kutxani ti txi fanela?
3 Txivangelo txa hombe txo txhumayela ngu ti to hi lava kudhumisa Jehovha ni kubasisa ditina dakwe. (Lera Johani 15:1, 8.) Mbimo yi Jesu a nga va gela txidinganiso txa mndonga wa m’vhinya, a fananisile Jehovha ni m’dimi wu a dimako mauvha. A wombile ti to ene ngene mndonga wa m’vhinya, se madhavi mbagondiswa vakwe. (Johani 15:5) Se ka txidinganiso txiya, mauvha ma emela mihando ayi vangondiswa va Jesu va yi bhindulako, i ku mthumo wawe wo txhumayela. Jesu a gete vapostoli vakwe a txi khene: “Tate wangu a na dhumiswa, ngako mi txi veleka mihando yo tala.” Ngako mivhinya yi txi pfuna, kudhumiswa m’dimi. Ngu kufana, ngako hi txi maha ati hi ti kotako ti to hi txhumayela madungula a Mfumo, Jehovha ngene a dhumiswako.—Matewu 25:20-23.
Ngako hi txi maha ati hi ti kotako ti to hi txhumayela madungula a Mfumo, Jehovha ngene a dhumiswako
4. a) Hi nga sawulekisa ditina da Txizimu ngu tinzila tihi? b) U ti pfisa kutxani ngu kuva ni lungelo yo sawulekisa ditina da Txizimu?
4 Kukhukhela kale ditina da Jehovha di sawulekile. Txiwalo txi athu hi nga mahako ti to di sawuleka ngutu. Se mbimo yi hi txhumayelako, hi di sawulekisa ngu nzila yihi? Wona ati mprofeti Isaya a nga womba: “Sawulekisani MKOMA wa Mabuthu a Tiyimbi, nguko ngene [mi fanelako ku m’teka kota, Tradução do Novo Mundo] msawuleki wanu.” (Isaya 8:13) Hi sawulekisa ditina da Txizimu, i ku Jehovha, ngako hi txi di wona i di da hombe ngutu ka otshe matina, ni mbimo yi hi vhunako vamwani ti to ve pfisisa ti to di sawulekile. (Matewu 6:9) Ngu txikombiso, ha txhumayela vathu ditshuri mayelano ni tifanelo ta Jehovha ta tinene. Ha va gela ngu themba yo ta hanya ka Paradhise va si fi. Hi txi maha toneto, hi va vhuna ve wona ti to totshe to biha ati Sathani a ti wombako ngu Jehovha, makuhu. (Genesisi 3:1-5) Hi tshumela hi sawulekisa ditina da Txizimu mbimo yi hi vhunako vathu ve ziva ti to Jehovha a ni fanelo ya “kuamukela kupfaliswa, wudhumo ni mtamo.” (Mtuletelo 4:11) Rune, awu a nga ti ni 16 wa malembe i di nyaphandule, a khene: “Na bonga ngu kuziva ti to ni ningilwe lungelo yo va fakazi ya M’vangi wa wuako wotshe. Ti ni maha ni navela ku ya masoni ni kutxhumayela.”
HI RANDA JEHOVHA NI JESU
5. a) Ngu kuya ngu Johani 15:9, 10 ngu txihi txivangelo txo txhumayela? b) Ngu dihi dipswi adi Jesu a nga di thumisa ti to vagondiswa vakwe ve pfisisa ti to ku ti laveka ve tsanisela?
5 Lera Johani 15:9, 10. Txivangelo txa wumbidi txo txhumayela madungula a Mfumo ngu ti to hi randa Jehovha ni Jesu. (Marku 12:30; Johani 14:15) Jesu a gete vagondiswa vakwe ti to va fanete ‘kuzumba lirandoni kwakwe.’ Ngu kutxani Jesu a di wombile toneto? Nguko Jesu a txi tiziva ti to kasi ku valondeteli vakwe ve hanya kota Makristu ti ndina lava ve tsanisela. Phela ka Johani 15:4-10, ha ti wona ti to Jesu a thumisile dipswi “zumbani” makhambi o tala ti to e vhuna vagondiswa vakwe kupfisisa ti to vona va ti fanete ve tsanisela.
6. Hi tikombisisa kutxani ti to athu ha tilava kuzumba lirandoni ka Kristu?
6 Hi tikombisisa kutxani ti to athu ha tilava kuzumba lirandoni ka Kristu ni kuamukelwa ngu ngene? Ngu ku muengisa. Ati Jesu a hi kombelako ku hi ti maha ngu ti nene a nga maha. A ti khene: ‘Ni veketile milayo ya Tate wangu, se ni zumba lirandoni kwakwe.’ Jesu a hi vekete txikombiso.—Johani 13:15.
7. Ti mahisa kutxani ti to kuengisa ti tsimbila kumweko ni lirando?
7 Jesu a ti vekile ha kubasani ti to kuengisa ti tsimbila kumweko ni lirando mbimo yi a nga khene: “Awule a nga amukela milayo yangu a txi yi veketa, eyo ngene a ni randako.” (Johani 14:21) Milayo ya Jesu yi ta ngu ka Tate wakwe, se ngako hi txi engisa mlayo wa Jesu wo txhumayela, hi tshumela hi kombisa ti to ha mu randa Jehovha. (Matewu 17:5; Johani 8:28) Mbimo yi hi kombako Jehovha ni Jesu ti to ha va randa, vona va hi xayisa lirandoni kwawe.
HI TXHARIHISA VATHU
8, 9. a) Ngu txihi txivangelo txa wuraru txo txhumayela? b) Mapswi a Jehovha aya ma ku ka Ezekhiyele 3:18, 19 ni 18:23 ma hi kuzetisa kutxani kukhutala hi txhumayela?
8 Txivangelo txa wuraru txo txhumayela ngu ti to hi lava kutxharihisa vamwani mayelano ni kuta ka ditshiku da Jehovha. Amu ka Bhiblia, Nowa a dhanwa ku “mruruteli” mwendo mtxhumayeli. (Lera 2 Pedro 2:5) Na yi si se hoka ndambi, madungula aya Nowa a nga txhumayela vathu, ma ti pata kubhasopisa vathu ka dikhombo adi di nga txi ta. Ngu kutxani hi txi womba toneto? Nguko Jesu a ti khene: “Ka masiku ale, ku sinzi kumaheka ndambi, va titi dya ve sela, va txi teka ni kutekwa vanana, kala ka ditshiku diya Nowa a nga wulela mu ka ngalava; kha va pimisa txilo, kala ku txi hoka ndambi, yi nga khukhula votshe. Ina, ti na mahisa toneto ngu kuwuya ka Mwanana wa M’thu.” (Matewu 24:38, 39) Hambiku kutala ka vathu va nga ti si na mhaka ni Nowa, ngu kuthembeka ene a txhumayete madungula aya Jehovha a nga ti mu ningile.
9 Nyamsi, hi txhumayela madungula a Mfumo ti to vathu ve mana mbimo yo gonda ati Ezekhiyele 18:23) Ngako hi txi txhumayela ngu mti ni mti ni ka makhalo a ha kubasani, nga ti hi ti kotisako tona hi bhasopisa vathu vo tala ti to Mfumo wa Txizimu wu na ta wu ta lovisa mafu awa o biha.—Ezekhiyele 3:18, 19; Dhaniyeli 2:44; Mtuletelo 14:6, 7.
Txizimu txi no ta mahela vathu mbimo yi yi tako. Kufana ni Jehovha, hi lava ti to vathu ve ningela nzeve ka mahungu a manene se ve “hanya.” (HI DHUNDA VATHU
10. a) Ngu txihi txivangelo txo txhumayela atxi txi nga wombwa ka Matewu 22:39? b) Paulo ni Silasi va m’vhunisile kutxani muwoneleli wa jele?
10 Txivangelo txa wumuni txo hi ya masoni hi txhumayela ngu ti to hi dhunda vathu. (Matewu 22:39) Eto ti hi vhuna ku ya masoni hi txhumayela nguko ha ti ziva ti to vathu va nga txitxa mawonelo awe ngako ku txo txitxa to kari ka wutomi wawe. Ngu txikombiso, vakaneti va tekile Paulo ni Silasi ve ya va beta jele dhoropani ka Filipiya. Kambe hagari ka wusiku, ku ve ni kuzinginikela ka mafu aha sotshe sibotxhwa si nga dhuka kutuleka ni matimba. Muwoneleli wa jele a thavile ngutu a txi alakanya ti to sibotxhwa sotshe si humile, a ti lava ku ti daya. Kambe Paulo a to kwangula a txi khene: “U nga ti mahe ta walo.” Se muwoneleti a wotisile a txi khene: “Nji txani ni fanelako ku txi maha kufela ku ni huluswa kani?” Paulo a ti khene: “Kholwa ka Mkoma Jesu Kristu, se u na huluswa.”—Mithumo 16:25-34.
Hi txhumayela nguko hi randa Jehovha, Jesu ni vathu (Wona tindimana 5, 10)
11, 12. a) Mhaka ya muwoneleli wa jele yi hi gondisa txani mayelano ni mthumo wo txhumayela? b) Ngu kutxani hi txi lava kuya msoni hi txi txhumayela?
11 Mhaka ya muwoneleli wa jele yi hi gondisa txani mayelano ni mthumo wo txhumayela? Wona ti to muwoneleli wule a txitxile mawonelo akwe e kombela txivhuno msana ka kuzinginikela ka mafu. Ngu ha kufanako, vamwani ava va si engisiko mahungu a manene, va nga txitxa ve lava txivhuno ku txo thuka ku humelela to kari ka wutomi wawe. Ngu txikombiso, vamwani va nga maneka va di pandisekile nguko va nga gumelwa ngu mthumo mwendo va nga lekwa ngu vangana vawe va wukati. Vamwani va nga pandiseka va txi ziva ti to va ni malwati o karata mwendo va di fetwe. Ku txi humelela toneto, vathu va nga khata kuwotisa siwotiso asi va si khaliko kutiwotisa ka wutomi wawe. Va nga tiwotisa va txi khona: ‘Ni fanete ni maha txani ti to ni huluswa?’ Ti nga maha ve lava kuengisela madungula a themba ngu dikhambi do khata ka wutomi wawe.
12 Se, ngako hi txi ya masoni hi txhumayela, hi na va hi di emekile mbimo yi vathu se va nga ti emisela kutumela thavelelo ayi hi va yiselako yona. (Isaya 61:1) Charlotte, awu a ku ni 38 wa malembe i di nyaphandule a khene: “Nyamsi wa ditshiku vathu va mwalate. Kulaveka mkhanjo ti to ve pfa mahungu a manene.” Ejvor, awu a ku ni 34 wa malembe i di nyaphandule a khene: “Nyamsi, vathu vo tala va ni dikhodho ngutu kupinda kale. Ngu ditshuri va ti lava kuvhunwa. Eto ti ni maha ni lava kutxhumayela. Ti ha kubasani ti to kuranda vathu ngu txona txivangelo txo ya masoni hi txhumayela!
TININGO ATI TI HI VHUNAKO KUTIMISELA
13, 14. a) Ngu yihi ningo yi yi nga wombwa ka Johani 15:11? b) Hi nga li manisa kutxani litsako ali Jesu a nga ti nalo? c) Litsako li hi vhunisa kutxani ka mthumo wo txhumayela?
13 Na a si se fa, ka wona wusiku wule, Jesu a tshumete e gela vagondiswa vakwe tiningo ati ti ndino va vhuna ku ve ya masoni ve veleka mihando. Ngu tihi tiningo ta kona? Ti nga hi vhunisa kutxani nyamsi?
Johani 15:11.) Ti mahisa kutxani? U nga divali ti to ene Jesu a ti fanisile ni mndonga wa m’vhinya se vagondiswa vakwe ni madhavi. Madhavi ma nga mbi oma ngako ma di ñolani ni mndonga. Ngu toneto, nathu hi nga mana litsako kufana ni Jesu ngako hi txi zumba hi di ni wumwewo ni nene ni kulondisela kha kwati mikondo yakwe. Hi na tshumela hi mana litsako ali ene a nga va nalo, i ku litsako ali li tako ngu kumaha kudhunda ka Txizimu. (Johani 4:34; 17:13; 1 Pedro 2:21) Hanne, awu a nga phandula malembe ya ma pindako 40 a khene: “Litsako li ni li pfako ni txi wuya ngu ka mthumo wa thembwe li ni kuzeta ku ya masoni ni mthumo wa Jehovha.” Litsako li na hi tsanisa ku ya masoni hi txhumayela hambi vathu vo tala va si engiseli.—Matewu 5:10-12.
14 Litsako. Ina kutxhumayela ta fana ni kurwala disaka da sawuthi? Nadha. Mbimo yi Jesu a nga gwita kuwomba txidinganiso txa m’vhinya, a ti khene ngako hi txi txhumayela hi na mana litsako. (Lera15. a) Ngu yihi ningo yi yi nga wombwa ka Johani 14:27? b) Kudikha ku hi vhunisa kutxani ku hi ya masoni hi veleka mihando?
15 Kudikha. (Lera Johani 14:27.) Ngu ditshiku adi Jesu a nga fa ngu dona, ni mitshikari ka kona a gete vagondiswa vakwe a txi khene: “Na mi ninga kudikha kwangu.” Kudikha ka Jesu ku nga hi vhunisa kutxani ku ya masoni hi txhumayela? Hi txi ya masoni hi txhumayela, hi pfa kudikha nguko ha tiziva ti to Jehovha ni Jesu va tsaka. (Masalmo 149:4; Varoma 5:3, 4; Vakolosa 3:15) Ulf awu a ku ni 45 wa malembe i di nyaphandule a khene: “Mthumo wo txhumayela wa ni karalisa, kambe wu ni tisela litsako ni txikongomelo ka wutomi.” Ha bonga aku hi ku ni litsako la mbiluni kwathu!
16. a) Ngu yihi ningo ayi yi nga wombwa ka Johani 15:15? b) Vapostoli va ndina simamisa kutxani ve va vangana va Jesu?
16 Wungana. Msana ka ku va Jesu a di gete vagondiswa vakwe ti to a ti lava ve va ni litsako, a va txhamusete ti to ngu kutxani ti di ni lisima kukombisa lirando la ditshuri. (Johani 15:11-13) A gwitile a txi khene: “Ni mi dhana ngu ditina da ku mi vangana.” Hi nga wona ningo ya lisima ya kuva mngana wa Jesu! Kambe vapostoli va ndina maha txani ti to ve simama ve va vangana vakwe? Jesu a wombile tiya: ‘Na mi rumela ti to mi ya veleka mihando.’ (Lera Johani 15:14-16.) Ngu mapswi mamwani, ve ya masoni ve txhumayela. Ku txi ngadi ku txi kelela malembe mambidi ti to Jesu e fa, a gete vapostoli vakwe ti to: “Mi txi tsimbila, nuwelani mi txi khanu: ‘Mfumo wa nzumani wu hafuhi.’” (Matewu 10:7) Ngu toneto ka wusiku wule a ndino fa ngu wona, a nga kuzeta vagondiswa vakwe kutsanisela ka mthumo wo txhumayela. (Matewu 24:13; Marku 3:14) Phela Jesu a ti tiziva ti to kuengisa sileleto sakwe ti na mbi hehuka hehuka. Kambe va ndina sikota ve tshumela ve simama ve va vangana vakwe. Ngu nzila yihi? Ngu kuvhunwa ngu ningo yimwani.
17, 18. a) Ngu yihi ningo yi yi nga wombwa ka Johani 15:7? b) Ningo yoneyo yi va vhunisile kutxani vagondiswa va Jesu? c) Ngu tihi tiningo ati ti hi vhunako nyamsi?
17 Tixamulo ta mikombelo yathu. Jesu a ti khene: “Mi nga sikota kukombela txihi ni txihi mi txi lavako, mi na mahelwa tona.” (Johani 15:7, 16) Txithembiso txa Jesu txi fanete txi di tsanisile vapostoli! * (Wona txhamuselo ya hahatshi.) Vapostoli va si tipfisisi kha kwati ti to Jesu a ndina fa i singa kale. Ngu kufa kwakwe hi nga ti to va ndino maneka va singa ni m’vhuni. Jehovha a ti tiemisete kuxamula mikombelo yawe ni ku va vhuna ka mthumo wawe wo txhumayela. Se ene a va vhuni. Msana ka kufa ka Jesu, vapostoli va kombete Jehovha ti to e va ninga txibindi. Jehovha a xamute mikombelo yawe.—Mithumo 4:29, 31.
Hi nga tsaniseka ti to Jehovha wa xamula mikombelo yathu yo kombela txivhuno (Wona ndimana 18)
18 Ni nyamsi ti mahisa toneto. Ngako hi txi tsanisela ka mthumo wo txhumayela, hi zumba hi di vangana va Jesu. Hi nga tsaniseka ti to Jehovha a tiemisete kuxamula mikombelo yathu yo kombela txivhuno ngako ti txi hi karatela kutxhumayela. (Vafilipiya 4:13) Ha m’bonga Jehovha nguko a xamulako mikombelo yathu ni ku Jesu i ku mngana wathu. Tiningo toneto to ta ngu ka Jehovha ti hi ninga mtamo wo ya masoni hi veleka mihando.—Jakobe 1:17.
19. a) Ngu kutxani hi txi ya masoni hi txhumayela? b) Hi wu mana hani mtamo wo heta mthumo wu Txizimu txi nga hi ninga?
19 Ka msungo wuwa hi gondile ngu muni wa sivangelo so simama hi txhumayela. I ku siya: kudhumisa Jehovha ni kusawulekisa ditina dakwe; kukombisa lirando lathu ka Jehovha ni Jesu; kutxharihisa vathu; ni kukombisa ti to ha va randa. Hi tshumete hi gonda ngu muni wa tiningo: litsako, kudikha, wungana, ni tixamulo ta mikombelo yathu. Tiningo toneto ti hi ninga mtamo wo heta mthumo wu Txizimu txi nga hi ninga ti to hi wu maha. Jehovha wa tsaka ngutu ngako a txi hi wona hi txi dhunuka ti to hi ya masoni hi txi “veleka mihando yo tala”!
^ par. 17 Mbimo yi Jesu a nga ti bhula ni vapostoli, a va khumbulisile ko tala ti to Jehovha a ndina xamula mikombelo yawe.—Johani 14:13; 15:7, 16; 16:23.