GONDO 22
Ina wa sikota kugonda?
‘Sawula ati i ku ta tinene ngutu.’—VAF. 1:10.
NDANDO 35 “Ku sawula ati i ku ta tinene ngutu”
ATI HI NO TI GONDA *
1. Ngu kutxani vamwani va txi godhola kugonda?
KUHANYA ka masiku awa ta karata, ti lava u mana male yo tihanyisa. Vanathu vo tala va dhunuka ti to ve mana male yo xava sakudya, siambalo ni so fenengela. Kutala kwawe va thuma kule, ti lava ve tsula ni kuwuya ditshiku ni ditshiku. Vamwani vo ti mahela mithumo yawe. Ni minova, vanathu vonevo va wuya va di karate! Va karala ha koza ve pwata ni mtamo wo gonda.
2. Ngu yihi mbimo yi u gondako ngu yona?
2 Mhaka ngu yiya, hi fanete hi mana mbimo yo gonda, ngu ditshuri hi gonda Dipswi da Txizimu ni mabhuku a Wukristu. Phela kugonda ngu kona ku no hi maha hi va ni wuxaka wa wunene ni Jehovha ni kumana wutomi wo mbi guma! (1 Tim. 4:15) Vamwani va wuka ngu mabembekutxa ve gonda ku si se va ni diguwa mialakanyo yawe yi di ngadi pepile. Kasi vamwani va lava mbimo ni minova ti to ve gonda ni kualakanyisisa.
3-4. Ngu yahi malulamiselo ya ma nga mahwa mayelano ni mtengo wa mabhuku ya ma humiswako? Ngu kutxani?
3 Ngu ditshuri wa tumela ti to ti ni lisima kumana mbimo yo gonda. Kambe hi nga gonda txani? Ti nga maha u txi khawe, ‘so lera nzingi ngutu. Ta ni karatela kulera sotshe.’ Vamwani ta va hehukela kulera ni kuxalela sotshe asi sengeletano yi si humisako, kasi vamwani ta va karatela. Mmidi wu wu Fumako wa tiziva toneto. Ngu toneto, kuningetwe mkongomiso wo hungula mtengo wa mabhuku aya ma humiswako.
Vaf. 1:10) Se he bhule ngu ti to u nga sikotisa kutxani kuthangetisa ta lisima ngutu ni ku u nga wuyelwa ngu nzila yihi ka gondo yako ya Bhiblia.
4 Ngu txikombiso, kha hi swi hi humisa dibhuku da Anuário das Testemunhas de Jeová, nguko timhaka ta tingi ati vanathu va mananako nato ta maneka ka jw.org® ni ka mlongoloko wa mtxima ni mtxima wa JW Broadcasting. Marevhista a Muwoneleli ni Khenjemuka! a mthumo wa thembwe konkuwa ku humiswa 6 wa ona ngu dilembe dwe! Kutxitxa koneko kha ka mahwa kasi ku hi mana mbimo yo thuma timwani. Kambe kumahilwe ti to hi mana mbimo yo maha “ati i ku ta tinene ngutu.” (ZIVA ASI I KU SA LISIMA NGUTU
5-6. Ngu yahi mabhuku aya hi fanelako kutsaniseka to hi ma gondile kwati?
5 Ngu yahi mabhuku aya hi no khata ngu ona? Ditshiku ni ditshiku hi fanete hi gonda Bhiblia. Konkuwa ku pumbilwe mtengo wa tindima ta mu ka Bhiblia ati ti nga ningetwa ku ya gondwa ka mitshangano ya divhiki ni divhiki ti to hi mana mbimo yo alakanyisisa ngu ti hi nga lera ni kumaha wuxolisisi wo engeteleka. Kha ha fanela hi lwela kulera totshe hi heta dwe, kambe hi fanete hi maha ti to madungula a Bhiblia me gwesa timbilu tathu ni kutshuketa hafuhi ni Jehovha.—Mas. 19:14.
6 Ngu sihi simwani asi hi fanelako kulera kha kwati? Ti lava hi lulamisela kwati Gondo ya Muwoneleli ni Gondo ya Bhiblia ya Dibanza ya mitshangano ya hagari ka divhiki. Hi nga divaleni kurela Muwoneleli wa vathu votshe ni Khenjemuka!
7. Ina hi fanete hi va ni dikhodho ngako hi si gwenti kulera sotshe ni kuxalela sotshe si ku ka site yathu ni ka JW Broadcasting?
7 Ti nga maha u txi khawe: ‘Kona na lera, kambe ku ni simwani ka jw.org® ni so tala ka JW Broadcasting®. Phela nzingi!’ Kambe wona txikombiso txiya: Restaurante ku ni tixaka to tala ta sakudya. Vaxavi va na mbi lava sotshe asi si kuho. Va no sawula simwani. Ngu kufana, ngako u si ti koti kulera ni kuxalela sotshe sa mu ka mitxhini, u nga godholi. Lera ni kuxalela asi u si kotako. Konkuwa he bhule ngu ti to kugonda ngu maha txani ni ku hi nga maha txani ti to gondo yathu yi hi vhuna ngutu.
KUGONDA TI LAVA U DHUNUKA
8. U nga mahisa kutxani u txi lulamisela Gondo ya Muwoneleli, ni ku eto ti na kuvhunisa kutxani?
8 Kugonda, ngu lera to maha u txi veka mapimo ka tona ti to u gonda timhaka ta lisima. Hi nga kulera ngu txikuluveta u ndandela tixamulo. Ngu txikombiso, ngako u txi lulamisela Gondo ya Muwoneleli, khata ngu kuwona ati ti no gondwa makhatoni ka msungo wa mhaka. Gwita u wona msungo wa mhaka, sisungwana sa timhaka kumweko ni siwotiso so wuseta. Msana keto, lera kha kwati tindimana. Wonisisa mapswi a lisima, aya ngu mtolovelo ma manekako makhatoni ka ndimana yimwani ni yimwani. Ngu mtolovelo mapswi a lisima ma na ku kongomisa ka ti ndimana yi wombako tona. Mbimo yi u lerako, alakanya ngu nzila yi ndimana yimwani ni yimwani yi seketelako ngu yona txisungwana txa mhaka se u yelanisa ni mhaka yi kubhulwako ngu yona ka msungo wa mhaka. Bhala mapswi aya u nga mbi ma tolovela ni ya u tsakelako kuphanda to tala ngu ona.
9. a) Ngu kutxani ti txi lava hi wonisisa mibhalo mbimo yi hi lulamiselako Muwoneleli, ni ku hi nga mahisa kutxani? b) Ngu kuya ngu Joxuwa 1:8, ti lava hi maha txani msana ko lera mibhalo?
Joxuwa 1:8.
9 Gondo ya Muwoneleli, i gondo ya Bhiblia. Ngu toneto wonisisa kwati mibhalo yi yi nga kombiswa, ngutu-ngutu yi yi no ya lerwa mbimo yi kugondwako Muwoneleli. Zama kuwona to mapswi ya ma ku ka mibhalo ma yelanisa kutxani ni ti ti wombwako ka ndimana yoneyo. Timwani ti u nga mahako ngu ti ha mbimo yo alakanyisisa ngu mibhalo yi u nga lera, u tshumela u wona to u nga yi thumisisa kutxani ka wutomi wako.—LeraAnu vaveleki, gondisani vanana vanu kuziva kugonda (Wona ndimana 10) *
10. Ngu kuya ngu Vahebheru 5:14, ngu kutxani vaveleki va di fanete kuthumisa mbimo ya wukhozeli wa mwaya ti to ve gondisa vanana vawe kuziva kugonda ni kumaha wuxolisisi?
10 Ditshuri ti to vaveleki va lava ku wukhozeli wa mwaya wa divhiki ni divhiki wu va wo tsakisa ka vanana vawe. Hambiko vaveleki ti lavako ve va ni mhaka yi se va nga yi sawula, kha ti wombi to txikolokolo va na ve ni to engetela to tsakisa ka gondo yawe. Hambiko mbimo ya wukhozeli wa mwaya yi nga hetwako ku txi xalelwa mlongoloko wa mtxima ni mtxima wa Broadcasting, mwendo kumaha timwani to fana ni kumaha txifananiso txa Ngalava ya Nowa, vanana va fanete ve gondiswa kuziva kugonda. Va fanete ve ziva kululamisela mitshangano, mwendo kumaha wuxolisisi kasi ku ya xamula txiwotiso txo kari txikolwani. (Lera Vahebheru 5:14.) Ngako va txi thumisa mbimo yawe kasi kugonda timhaka ta Bhiblia ka wukhozeli wa mwaya va na va va di lungekile ku veka mapimo awe ka mitshangano ya hombe yo fana ni mitshangano ya txigava ni ya m’ganga ayi mbimo yimwani yi si kombisiko mavhidhiyo. Ditshuri to mbimo yi vaveleki va yi hetako ka gondo ti na ya ngu wusikoti ni tanga ya vanana.
11. Ngu kutxani ti di ni lisima kuvhuna sigondo sathu kuziva kugonda vapune?
11 Sigondo sathu ni sona ti lava si ziva kugonda. Va txi ngadi ve khata kugonda kha ta biha ku ve ndandela tixamulo dwe mbimo yi va lumiselako mitshangano. Kambe hi fanete hi va gondisa kumaha wuxolisisi ni nzila yo maha gondo ya yinene vapune. Va txi maha toneto, ngako va txi manana ni txikarato kha va na mbi tutumela ka vanathu kasi ku ve va ninga txivhuno, kambe va na ti lavela txivhuno vapune ngu kumaha wuxolisisi ka mabhuku athu.
GONDA U DI NI TXIKONGOMELO
12. Mbimo yi hi gondako ngu txihi txikongomelo txathu?
12 Ngako ti txi ku karatela kugonda, u nga thave, ta karata kutsakela kugonda. Kambe, u nga sikota. Khata ngu kugonda mbimo ya yidotho se ngu mbimo u nga engetela mkama wu u wu hetako u txi gonda. Vana ni txikongomelo. Txo khata ngu kulava kutshuketa hafuhi ni Jehovha. Tximwani njo lava kumana xamulo ya txiwotiso txo kari mwendo kumaha wuxolisisi ka mhaka yo kari ayi hi mananako nayo.
13. a) Txhamusela ati m’thu a nga mahako kasi kuemela likholo lakwe ka vamwani. b) U nga thumisisa kutxani txialakanyiso txi ku ka Vakolosa 4:6?
13 Ngu txikombiso, ina awe u nga di mphya u ku ngadi u txi ya txikolwani? Vagondi kuloni va nga ku sinyisa khayi-khayi ngu kwa mbi embelela ndando yo losa mjeke. U nga pimisa ngu kutxhamusela ati Bhiblia yi ti wombako mayelano ni toneto, kambe u ti wona nga khu na ku sikota. Eto ti lava ku u maha wuxolisisi! U nga va ni sikongomelo simbidi i ku: 1) Tsanisa likholo ka ti to ngu kutxani u si mahi txienge txa mafu 2) tshukwatisa wusikoti wo txhamusela likholo lako. (Var. 1:20; 1 Pedro 3:15) U nga khata ngu ku ti wotisa tiya: ‘Ngu kutxani vagondi kulothi va txi embelela ndando yo losa mjeke?’ Se ngu msana u nga thumisa mabhuku athu kasi kumaha wuxolisisi. U na ti wona to kulwela likholo lako kha ti karati. Vathu vo tala va embelela ndando yo losa mjeke ngu mhaka ya ku va nga gelwa kumaha toneto ngu m’thu wu va mu xoniphako. Ngako u txi mana to ya xamula hambi i di ti dotho, u nga vhuna m’thu wa mbilu ya yinene kuziva xamulo.—Lera Vakolosa 4:6.
MAHA TO GONDO YAKO YI TSAKISA
14-16. a) U nga maha txani kasi kuziva wuxokoxoko wa dibhuku di u si di ziviko kwati? b) Ngu kuthumisa mibhalo yi yi nga kombiswa, txhamusela ti to u nga manisa kutxani to engeteleka ka dibhuku da Amosi. (Wona dibhokiso di di ku “ U txi gonda zama kuwona ti ti nga txi maheka!”)
14 Alakanya timhaka ati ti nga ningetwa ku ya gonda ka mitshangano ti txi yelana ni madungula a dimwedo ka mabhuku a madotho a wuprofeti, adi u nga si di zivi kwati. Txo khata lava kuziva to tala ngu didungula donedo. U nga ti mahisa kutxani toneto?
15 Kukhata ti wotise tiya: ‘Ngu tihi ni ti zivako ngu mbhali wa kona? I mani, a ti hanya hani ni ku ati thuma mthumo muni?’ Kuziva matimu a mbhali wa kona ti vhuna kupfisisa mabhalelo akwe ati ti patako sikombiso si a nga si thumisa. Mbimo yi u lerako Bhiblia, xola mapswi ya ma kombisako mazumbelo akwe.
16 Se u nga lava kuziva mbimo yi di nga bhalwa ngu yona. U nga maha toneto ngu wona ka “Tabela dos Livros da Bíblia” magwito ka Bhiblia ya Tradução do Novo Mundo da Bíblia Sagrada. U nga tshumela wonisisa ka dibhokiso da vaprofeti ni vafumeli ka Apêndice A6. Ngako dibhuku di u gondako i di da wuprofeti, ti nga va tinene kuziva timwani ngu wutomi wa vathu ka mbimo yi di nga bhalwa ngu yona. Ngu yahi mawonelo mwendo simaho so biha asi vathu va nga maha asi mprofeti a nga ti lava ku ve tshukwatisa? Mba mani va a nga hanya mbimo yimweyo navo? Ti to u mana ta tingi, ti nga lava u maha wuxolisisi ka mabhuku mamwani. Ngu txikombiso, u txi lava kupfisisa ati ti nga ti maheka ka mbimo ya mprofeti Amosi 1:1. U nga tshumela u wona ni dibhuku da Hoseya awu ku ti lava a nga hanya ka mbimo ya Amosi. Wotshe wuxolisisi wuwa wu nga kuvhuna kuziva to kari mayelano ni timbimo ta Amosi.—2 Vafu. 14:25-28; 2 Mak. 26:1-15; Hos. 1:1-11; Amosi 1:1.
Amosi, u nga wuyelwa u txi xolisisa 2 Vafumeli ni 2 Makronika i ku mabhuku ya ma kombiswako kota timhaka to longoloka niWONISISA TXIDOTHO NI TXIDOTHO
17-18. Ngu kuthumisa txikombiso txi txi nga kombiswa ni tximwani u nga pimisako ngu txona, txhamusela ti to kuwonisisa timhaka ta tidotho ti nga maha ku gondo yako yi tsakisa ngu nzila yihi?
17 Ndinene kugonda Bhiblia u di ni minavelo yo lava kuziva ta tingi. Ngu txikombiso, a hi nge wo lera ndima 12 ya dibhuku da Zakariya ayi yi wombawombako ngu wuprofeti wa lifo la Mesiya. (Zak. 12:10) Se mbimo yi u hokako ka ndimana ya 12 ayi yi ku “lihunzu la nyumba ya ka Nathani” li ndi na dila lifo la Mesiya. Mbimo yi u lerako u nga kuluvete u pinda, kambe u nga ema u ti wotisa tiya: ‘Ngu kuhi kuyelana ku kuho ka nyumba ya Nathani ni Mesiya? Ina ku ni tinzila to mana to engeteleka?’ U nga zama kuxotanyana. U txi wona timhaka to longoloka ti ku yisa ka 2 Samuwele 5:13, 14, aha u no tumbula to Nathani i ti mmweyo wa vanana va Mkoma Dhavhidha. Yimwani yi ku yisa ka Luka 3:23, 31, yi wombako to Jesu a ti humela ka nyumba ya Nathani. (Wona Muwoneleli wa Agosto wa 2017, diphepha 32, ndimana 4.) Se u na khata kulava kuziva timwani! Wa ti ziva ku kuprofetilwe ti to Jesu a ndi na dhawuka ka Dhavhidha. (Mat. 22:42) Kambe Dhavhidha ati ni vanana vo pinda 20. Se wa ti wona to ta xamalisa ku va Zakariya a di bhate to nyumba ya Nathani yi ndi na va ni txivangelo txo pfala txo dila lifo la Jesu.
18 Wona txikombiso tximwani. Ka Luka 1 kuwombwa to ngelozi Gabriyele a tile ka Mariya e ta m’gela mayelano ni mwanana wu a ndi no veleka, a ti khene: “Ene a na va i di wa hombe, kambe a na dhanwa ku i ‘Mwanana wa Nyatxitimwi.’ Mkoma Txizimu a na mu ninga txikhalo txa tate wakwe Dhavhidha; a na fuma yotshe mbimo ka nyumba ya Jakobe.” (Luka 1:32, 33) Hi nga veka mapimo athu ka madungula o khata a Gabriyele, i ku ti to Jesu a ndi na dhanwa ku “Mwanana wa Nyatxitimwi.” Kambe Gabriyele a profetile to khene Jesu a ndi na “fuma” kota Mkoma. Se hi ti wotisa to Mariya a pimisile txani ngu mapswi onewo. Ina a nga va a di pimisile to Jesu a na fuma wukoma wa Mkoma Herodha? I di ti to Jesu a ndi nava mkoma, Mariya a ndi na va mame wa mkoma, se mwaya wawe wu ndi na zumba wukomani. Kambe, Bhiblia kha yi wombi to Mariya a nga va a di pimisile e za e hoka ni konemo; txima kha yi wombi to Mariya a khala kukombela txiemo txo guleka ka Mfumo, kufana ni ti vagondiswa vambidi va Jesu va nga maha. (Mat. 20:20-23) Wuxokoxoko wonewo wu hi vhuna kuwona taku Mariya ngu ditshuri i ti m’thu wo tiveka ngutu hahatshi!
19-20. Ngu kuya ngu Jakobe 1:22-25 ni 4:8, ngu txihi txikongomelo txathu hi txi gonda?
19 Khumbula ti to txikongomelo txatxhu txa hombe txo gonda Bhiblia mwendo mabhuku mamwani a Wukristu ngu tshuketa hafuhi ni Jehovha. Hi lava kutshumela hi wona kwati ti to hi vathu vo “zumbisa” kutxani ni ku ti lava hi maha txani kasi kutsakisa Txizimu. (Lera Jakobe 1:22-25; 4:8.) Na hi si se khata kugonda ti lava hi kombela moya wo sawuleka ka Jehovha. Hi fanete hi mu kombela kasi ku hi vhuneka ka ti hi no ti gonda ni kuwona amu hi fanelako kutshukwatisa.
20 Hi navela ti to hotshethu hi fana ni dilanda do thembeka da Txizimu adi di nga wombwa ngu m’bhali wa Masalmo: “Ene a tsakela mlayo wa MKOMA, a zumba a txi wu alakanya wusiku ni mitshikari. . . . Totshe ti a ti mahako ta bhindula.”—Mas. 1:2, 3.
NDANDO 49 Kutsakisa mbilu ya Jehovha
^ par. 5 Jehovha a ni wuha, ene a hi ninga silo so tala kasi ku hi xalela, hi lera ni kugonda ngu sona. Msungo wuwa wu na hi vhuna kusawula ati hi nga ti gondako, wu tshumela wu kombisa ni tinzila ta tinene to mana to tala hi txi gonda.