Ina wa ti tsakela kuwuyelwa ngutu ngu gondo yako upune? Mawonelo aya ma londiselako ma nga kuvhuna ku u veka mapimo ka ti u ti gondako:

• Sawula wukhalo wa wunene. Lava wukhalo wo basa awu wu ku ni digezi adi di wonako kwati kasi ku u kota kuwona ni kulera kwati. U nga khalahatsha ka meza mwendo kulava wukhalo wa bhom hahanze.

• Lava wukhalo awu u nga manekako u di wekha. Jesu a sawute kumaha mkombelo “ni mixo . . . ka wukhalo wakwe ekhelela.” (Marku 1:35) Ngaku ti si koteki kuva ka wukhalo wako wekha gela vamwayani kwako mwendo ava u zumbako navo mbimo yi u no gonda ngu yona ni ku va kombela ti to va si ku khulumeteli ngaku mbimo yoneyo yi txi hokha.

• Vayilela ati ti nga ku khulumetelako. Ngaku u txi thumisa telefone mwendo tablet kasi kugonda ngu sona si veke ka silensio kasi ku si si ku khulumeteli. Ngaku u txi khumbula to kari ati u fanelako ku ti maha, ti bhali, kasi ku u mana ku ti maha u di gwitile kugonda. Ngaku ti txi kukaratela kuveka mapimo ka ti u ti gondako, emanyana u khukha u ti dolota.