ABRIL 29, 2019
ARGENTINA
Gisugdan Pagtukod ang Bag-ong Sangang Buhatan sa Argentina
Niadtong Agosto 2018, gisugdan pagtukod ang bag-ong sangang buhatan sa Buenos Aires, Argentina. Ang pasilidad dunay office building nga puwedeng trabahoan sa 136 ka tawo ug duna pod niy duha ka residential building nga may 98 ka kuwarto. Ang sangang buhatan karon naa sa lainlaing lokasyon. Pero niining bag-ong sangang buhatan, mausa ang trabaho sa usa ka lugar mao nga mas mopaspas ang trabaho. Makita sa photo gallery sa ubos ang pagsugod sa konstruksiyon.
Ang propidad maoy 8,524 metro kuwadrado ug nahimutang sa gawas sa Buenos Aires, ang kaulohan sa Argentina.
Agosto 2018: Ang design team, nga gilangkoban ug 10 ka brader ug sister, nagtrabaho sulod sa 18 ka bulan aron andamon ang disenyo sa pasilidad.
Septiyembre 2018: Naghimog laglom nga bangag nga butangag mga haligi aron molig-on ang pundasyon sa bilding. Tungod sa klase sa yuta dinhi, 103 ka lingin nga haligi ang ilubong sa giladmon nga 38 metros aron molig-on ang bilding.
Nobyembre 2018: Crane nga may gitas-ong 33 metros ang gigamit sa proyekto.
Nobyembre 2018: Importante kaayo ang safety panahon sa pag-asembol sa crane, ug gipasiugda kini ngadto sa tanan nga nagtrabaho sa proyekto.
Enero 2019: Naggamit ug dagkong makinarya sa pagkalot sa lugar diin ibutang ang mga elevator.
Marso 2019: Ang pundasyon sa usa sa mga bilding gibutangag mga kabilya sa wala pa magbuhos ug semento aron molig-on kini.
Basin Ganahan Pod Ka
MGA PROYEKTO SA PAGPANUKOD
Philippines Photo Gallery 2 (Hunyo 2015 Hangtod Hunyo 2016)
Bag-ong nahuman sa mga Saksi ni Jehova sa Pilipinas ang major renovation sa ilang sangang buhatan sa Quezon City. Tan-awa ang dagan sa trabaho.
MGA PROYEKTO SA PAGPANUKOD
Mga Saksi ni Jehova—Nagkahiusa sa Pagpanukod
Ang mga Saksi ni Jehova, nga gikan sa lainlaing nasod, kultura, ug pinulongan, nagkahiusa sa pagdayeg kang Jehova pinaagi sa ilang pagpanukod ug mga Kingdom Hall ug uban pang mga bilding sa tibuok kalibotan.