Ang 2019 mao ang pinakainit ug pinakauga nga tuig nga naeksperyensiyahan sukad sa Australia, ug migrabe ang mga bushfire sa maong nasod. Sukad niadtong Septiyembre 2019, daghan nang dagkong sunog ang nahitabo sa matag estado sa Australia. Bisag mao pay pagsugod sa panahon nga mahitabo ang daghang bushfire, grabeng kadaot na ang gipahinabo niini. Ang pinakagrabeng naapektohan mao ang Victoria ug New South Wales, mga lugar nga duol sa dagat ug nahimutang sa habagatan-sidlakan sa Australia.

Walay namatay o naangol nga mga igsoon, pero daghang propidad ang nadaot, apil ang siyam ka balay nga naugdaw sa sunog. Kapin sa 700 ka igsoon na ang namakwet. Daghang pamilyang Saksi ang namahawa sa apektadong mga lugar tungod sa grabeng aso, nga sumala sa mga eksperto, peligroso kaayo sa panglawas. Kadaghanan nila miestar sa balay sa ilang mga paryente, higala, o igsoon sa pagtuo sa palibot nga mga kongregasyon nga wala maapektohi sa sunog.

Ang sangang buhatan sa Australasia nagpormag duha ka Disaster Relief Committee aron mohatag ug espirituwal ug materyal nga tabang. Duha ka tigdumala sa sirkito ug mga membro sa Komite sa Sangang Buhatan ang nag-shepherding ug nagpalig-on sa mga igsoon nga naapektohan. Bisag daghang igsoon nga naapektohan sa sunog ang gikapoy ug naguol pag-ayo, mapasalamaton kaayo sila sa Kristohanong gugma nga padayong gipakita sa mga igsoon.—1 Pedro 2:17.