Niadtong Biyernes, Enero 25, 2019, usa ka dam sa minahan ang nabungkag sa siyudad sa Brumadinho, nga naa sa estado sa Minas Gerais, Brazil. Kini nagpahinabog mudslide nga mipatay ug 150 ka tawo, ug 182 ang wala pa makit-i hangtod karon.

Dunay duha ka kongregasyon sa Brumadinho, nga may mga 180 ka Saksi, ug daghan kanila ang nagtrabaho sa kompaniya sa minahan. Napulo ka brader ang nagtrabaho sa dam dihang kini nabungkag. Luwas ra ang siyam, pero makapasubo nga ang usa nila ka kauban nga ansiyano wala gihapon makit-i. Dugang pa, lima ka pamilyang Saksi ang kinahanglang mamakwet ug may usa ka balay nga nabungkag.

Ang mga naapektohan sa maong trahedya giduaw sa usa ka membro sa Branch Committee sa Brazil ug sa mga tigdumala sa sirkito sa maong rehiyon aron dasigon ug hatagag praktikal nga tabang. Atong iampo nga kadtong mga naapektohan sa trahedya padayong hupayon ug tabangan sa atong langitnong Amahan.—Roma 15:5.