Niadtong Enero 27, 2019, may buhawi nga mipahinabog grabeng kadaot sa Havana, ang kaulohan sa Cuba. Kini ang kinakusgang unos nga mihapak sa isla sulod sa halos 80 ka tuig, nga ang gikusgon sa hangin miabot ug 322 kilometros kada oras. Ang buhawi miresultag mga pagbaha ug pagkaguba sa mga bilding. Ang gilapdon sa kadaot nga gipahinabo niini miabot ug 11 kilometros. Upat ka tawo ang namatay, ug 195 ang naangol.

Walay igsoon nato nga naangol o namatay sa unos. Apan 26 ka balay sa atong mga igsoon ang naguba, ang 3 niana gigamit nga tigomanan sa kongregasyon. Ang organisasyon nagatabang karon sa pag-ayo sa ilang mga balay.

Ang nagapanawng mga tigdumala nagadasig sa atong mga igsoon nga naapektahan sa buhawi. Atong iampo nga si Jehova maghatag ug kalinaw sa atong mga igsoon samtang nagsagubang niini nga kalamidad.​—Numeros 6:26.