Sumala sa balita, labing menos 169 ka tawo ang namatay sa pagbaha sa kasadpang India didto sa Gujarat, Maharashtra, Karnataka, ug Kerala.

Ang sangang buhatan sa India mireport nga walay namatay o naangol nga igsoon tungod sa baha. Ang sangang buhatan naghatag sa mosunod nga mga detalye.

Gujarat: Sa siyudad sa Vadodara, 145 ka magmamantala ang naapektohan sa baha. Ang Gujarati remote translation office, nga nahimutang sa Vadodara, wala ra madaot.

Maharashtra: Sa Mumbai, gibaha ang mga balay sa unom ka pamilya. Sa siyudad sa Sangli, mga 378 kilometros habagatan-sidlakan sa Mumbai, 25 ka magmamantala ang gipabakwet. Temporaryo silang gipapuyo sa mga igsoon sa duol nga siyudad.

Karnataka: Unom ka pamilya ang namakwet tungod sa baha. Ang sangang buhatan nahimutang dinhi, pero wala ra maapektohi sa kusog nga pag-ulan o pagbaha.

Kerala: Mga 100 ka pamilya ang namalhin sa mas taas nga lugar ug temporaryong nagpuyo sa balay sa ubang mga Saksi. Padayong gimonitor sa Disaster Relief Committee ang kahimtang.

Gihikay sa sangang buhatan ang pagtaganag tabang sa apektadong mga lugar. Ang mga tigdumala sa sirkito ug ang mga field personnel sa Local Design/Construction nagtinabangay aron mahibaloan ang kahimtang sa mga igsoon ug matagan-an ang ilang panginahanglan. Apil niini ang ilang materyal nga panginahanglan, sama sa mainom nga tubig, ug paghatag kanilag paghupay ug pagdasig gikan sa Bibliya.

Atong ginaampo nga si Jehova padayong mag-uban sa atong mga igsoon nga naapektohan sa baha. Naghinamhinam ta sa panahon dihang ang mga kalamidad mapulihan nag “dagayang pakigdait.”—Salmo 37:11.