Niadtong Enero 22, 2020, ang Provincial Board of Education sa Indonesia mimando nga ang duha ka batan-ong Saksi ni Jehova, si Daniel Hutabarat ug Wilhinson Sihotang, pabalikon dayog eskuwela. Gi-expel ang duha ka batan-on niadtong Nobyembre 29, 2019, kay mibalibad sila sa pagsaludar sa bandera ug pagkanta sa nasodnong awit. Pagka-Enero 23, 2020, mibalik silag eskuwela.

Pagkahumag susi sa nahitabo, ang Provincial Board of Education nakahukom nga gitahod sa atong mga igsoon ang mga titser ug ubang opisyales sa eskuwelahan ug ang gobyerno. Pero dili lang gyod sila mag-apil-apil sa bisan unsang kalihokan nga supak sa ilang nakat-onan sa Bibliya. Si Brader Yoga Sulistiono, nga mitabang sa Public Information Desk sa Indonesia, miingon: “Ang mga Saksi ni Jehova sa Indonesia mapasalamaton niining positibong desisyon ug mapasalamaton pod niadtong naa sa awtoridad nga nagtahod sa kagawasan sa relihiyon.”

Labaw sa tanan, mapasalamaton ta kang Jehova, ang atong Dakong Instruktor, niining paborableng desisyon.—Isaias 30:20.