Niadtong Disyembre 29, 2018, gihapak sa Bagyong Usman ang Samar, nga mao ang ikatulo sa pinakadagkong isla sa Pilipinas. Kay grabe kaayo ang pagbundak sa ulan, miresulta nig mga landslide ug pagbaha. Labing menos 25 ka mga tawo ang namatay, ug 42 ang naangol. Mikabat ug 22,835 ka mga balay ang grabeng naguba.

Ang branch office sa Pilipinas mireport nga wala ray namatay nga mga igsoon tungod sa maong bagyo. Pero tulo ka balay sa atong mga igsoon ang grabeng naguba, ug upat ang medyo nadaot. Duna poy usa ka Kingdom Hall nga naguba. Ubos sa direksiyon sa branch, ang Disaster Relief Committee nagtaganag mga relief supply ug temporaryong mga puy-anan para sa mga apektadong pamilya.

Makaseguro ta nga ang atong mga igsoon nga naapektohan sa maong bagyo padayong mosalig kang Jehova, kay siya magpalig-on kanila ug maghatag ug kusog.—1 Pedro 5:10.