Niadtong Oktubre 21, 2024, ang Bagyong Kristine a nagpahinabog grabeng kadaot sa Pilipinas. Samtang nagkakusog ang bagyo sa amihanang bahin sa nasod, gipahuros niini ang hangin ug hangtod sa 160 kilometros kada oras. Ang kusog nga hangin ug ulan nagpahinabog grabeng pagbaha ug mga landslide. Ingong resulta, nangadaot ang mga balay ug karsada, ug nawad-ag koryente ug tubig ang mga tawo. Sa kapig unom ka milyon nga nagpuyo sa apektadong lugar, mga usa ka milyon ang napugos sa pagbakwet. Dili moubos sa 126 ka tawo ang namatay.

• Ikasubo, usa ka sister ang namatay

• 747 ka magmamantala ang kinahanglang mobiya sa ilang balay

• 7 ka balay ang naguba

• 24 ka balay ang naay major damage

• 128 ka balay ang naay minor damage

• 8 ka Kingdom Hall ang naay minor damage

• Gawas sa pagtaganag espirituwal nga paghupay ug pagdasig, giatiman sa mga tigdumala sa sirkito ug lokal nga mga ansiyano ang pagtaganag praktikal nga tabang niadtong naapektohan sa bagyo

• 5 ka Disaster Relief Committee ang gitudlo aron magdumala sa pagtaganag tabang

Naguol ta sa kamatayon ug sa kadaot nga gipahinabo niining kusog kaayo nga bagyo. Pero makalaom ug mahupay ta sa saad sa Bibliya nga ang maong mga butang wad-on hangtod sa hangtod.—Isaias 25:8.