Ang bagyong Phanfone, nga ginganlan sab ug Ursula sa Pilipinas, mihapak niadtong Disyembre 24, 2019, sa probinsya sa Eastern Samar. Walay Saksi ni Jehova nga namatay o naangol. Pero 464 ka balay sa mga Saksi ug 6 ka Kingdom Hall ang naguba. Ang sangang buhatan sa Pilipinas naghikay ug lima ka Disaster Relief Committee aron tabangan sa espirituwal ug materyal ang mga igsoon sa lainlaing isla nga naapektohan niini nga kalamidad.

Ang bagyong Phanfone mao ang ika-21 nga bagyo nga mihapak sa Pilipinas sa 2019. Diha poy mga linog nga nahitabo sa Mindanao dili pa dugay. Tungod ana, dunay 18 ka Disaster Relief Committee ang puliki karon sa pagtaganag tabang.

Mapasalamaton ta nga ang atong mga igsoon sa Pilipinas padayong milahutay ug misalig sa atong “mabination kaayo ug maluluy-on” nga Diyos, si Jehova.—Santiago 5:11.