Southern Luzon ug ubang isla sa palibot

• Niadtong Oktubre 25, 2020, ang bagyong Molave, nga nailhan sa Pilipinas ingong Quinta, nagpahinabog kadaot sa probinsiya sa Albay sa rehiyon sa Bicol sa Luzon. Mihapak sab kini sa ubang bahin sa Luzon

• Niadtong Nobyembre 1, 2020, ang Super Typhoon Goni, nga nailhan sa Pilipinas ingong Rolly, mihagsa sa Catanduanes, laing isla sa Bicol. Ang category 5 nga bagyo nagpahinabo sab ug kadaot sa ubang probinsiya, diin ang pipila niini gilampornas na sa bagyong Molave

• Ang duha ka bagyo nagpahinabog kusog nga hangin ug pag-ulan nga miresultag grabeng pagbaha, pagkawala sa koryente, ug kakulag suplay sa tubig. Lisod gihapon kaayo ang komunikasyon sa maong mga lugar

• Tungod sa kusog nga ulan, gianod sa tubig ang lahar gikan sa bolkang Mayon nga nagpahinabog kadaot sa daghang balay duol sa bolkan

• Gatosan ka igsoon ang namakwet

• Usa ka 89 anyos nga sister ang nakaagom ug minor nga mga injury samtang mibakwet gikan sa iyang balay nga naguba pag-ayo

• 134 ka balay ug 8 ka Kingdom Hall ang dunay minor damage

• 75 ka balay ug 8 ka Kingdom Hall ang grabeng nadaot

• 101 ka balay ug 1 ka Kingdom Hall ang naguba pag-ayo

• Ang mga tigdumala sa sirkito ug mga ansiyano sa maong mga lugar nakigkooperar sa unom ka Disaster Relief Committee aron maseguro nga ang mga igsoon matagan-ag pagkaon, tubig, kapuy-an, ug ubang panginahanglan. Gisunod gihapon sa atong mga igsoon ang COVID-19 safety guidelines samtang nanghatag ug hinabang ug nagtaganag paghupay

Padayon natong iampo ang atong mga igsoon nga naapektohan niini nga mga kalamidad. Niining lisod nga panahon, nahibalo ta nga si Jehova mao ang “Amahan nga malumo ug maluluy-on ug ang Diyos sa tanang paghupay” alang sa atong mga igsoon.​—2 Corinto 1:3.